Indi: 32 viktima nga një shpërthim në një magazinë fishekzjarrësh

[aurel]

Të paktën 32 persona humbën jetën nga një shpërthim aksidental në magazinë fishekzjarrësh në pjesën jugore të Indisë, deklaruan sot burime zyrtare vendase.
Viktimat ishin mbledhur mbrëmjen e djeshme në qytezën Pallipattu, në shtetin Tamil Nadu, për të blerë fishekzjarrë për festimet e festivalit Hindu "Diwali".

"Trupat kanë pësuar djegie të një shkalle shumë të lartë, sa deri tani vetëm 23 persona janë identifikuar", deklaroi V.Palanikumar, zyrtar i qeverisë lokale, për agjencinë e lajmeve Reuters.

Dy persona, përfshi edhe pronarin e magazinës, u arrestuan. Shpërthimet janë të zakonshme në fabrikat e prodhimit, magazinat dhe dyqanet e fishekzjarrëve në Indi, ku pjesa më e madhe e tyre shiten pa masa mbrojtëse nga aksidentet. Festivali Hindu "Diwali" festohet sot në Indi.