Marrëveshja me Greqinë, politike

[aurel]

Sekretari për çështjet ligjore në Partine Socialiste vlerëson se marrëveshja me Greqinë për kufijtë detarë është pakt politik, ndaj nuk ka nevojë për trajtimin juridik të saj.
"Qeveria nuk ka qenë në gjendje të na sqaronte se çfarë përfituam ne nga kjo marrëveshje edhe pse ajo nuk ka probleme juridike", u shpreh Manjani.

Sipas tij, nëse çështja shkon në Gjykatën Kushtetuese dhe kjo gjykatë, që Manjani e përcakton si të varur nga pushteti, jep vendim në favor të Qeverisë atëherë Partia Socialiste do të dorëzohej pa kushte.

Manjani është i mendimit se vendimi për mos-hyrje në zgjedhjet lokale të pjesshme të 15 nëntorit e bën këtë force politike 'ilegale'.

Meta: Pa kuptim protestat

Ministri i Jashtëm i Shqipërisë, Ilir Meta, ka ftuar kreun e opozitës Edi Rama që të marrë të gjithë informacionin e duhur për marrëveshjen për kufijtë detarë me Greqinë.

Duke deklaruar se Rama mund të shkojë në Ministrinë e Jashtme, për të parë të gjithë dokumentacionin, Meta e cilësoi si të pavlerë protestën jashtë ndërtesës së këtij dikasteri.

"Kemi të bëjmë me raporte shtetërore dhe kërkohet një gjykim i pjekur, një rrugë institucionale larg kërkesave të ngushta politike", tha Meta.