Përditësim për sistemin operativ Snow Leopard

[aurel]

Përditësimi i dytë për Snow Leopard përmirëson shumë vrima, përfshirë edhe atë që lidhet me llogaritë e përdoruesit dhe fshirjen e të dhënave.
Kompania Apple ka lëshuar përditësimin e dytë për sistemin e vet të fundit operativ Snow Leopard. Përmirësimet më të rëndësishme të vrimave kanë të bëjnë me llogaritë e përdoruesve, respektivisht humbjes së të gjitha dhënave me rastin e kyçjes në llogarinë “guest account”. Ky problem tani është zgjidhur, derisa është shtuar edhe mbështetja për Magic Mouse, për punën e rregullt të cilit deri më tani është dashur të instalohet një përditësim i veçantë.

Janë mbyllur edhe shumë vrima tjera që kanë pasur të bëjnë me rezultatet Spotlight, shfaqjen e video materialeve dhe mbështetja për ekrane, kompatibilitet të rrjeteve, shkronjat, shfletuesin Safari dhe aplikacione tjera.

Përditësimi ka madhësi prej 473 megabajt dhe mund të bëhet me anë të automatic update në faqet zyrtare të kompanisë.