Policia pengon minatorët të hyjnë në Kryeministri

[aurel]

Minatorët përplasen me policinë dhe gardianët në derë të Kryeministrisë. Ata kanë kërkuar të takojnë kryeministrin Sali Berisha dhe në mungesë të një përgjigje nga stafi i shefit i ekzekutivit, minatorët kanë tentuar të hyjnë me forcë në institucion.
Forcat e rendit janë bërë gardh para portës dhe kanë larguar me forcë minatorët që protestonin.

Më në fund, pas dy orësh proteste që u shoqërua me incidente të vogla ka qenë Genc Pollo që ka shprehur gatishmërinë për t’i takuar.

Kreu i shoqatës së minatorëve, Fiqir Xibri tha se "ramë dakord që një përfaqësi e jona të takojë ministrin e Shtetit. Do të dëgjojmë çfarë na thotë dhe më pas do të presim të takojmë Berishën se ne kemi ardhur të takojmë kreun e Qeverisë".