77% e softuerit në Shqipëri është i palicencuar

[Kliton]

Ashtu siç po ecën me hapa të mëdhenj teknologjia në Shqipëri me të njëjtin nivel po ecën edhe pirateria.

Sipas një studimi të kryer në tregun shqiptar nga “Business Software Alliance” (BSA), që është Organizatë e Industrisë së Programeve Kompjuterike për promovimin e një bote digjitale më të sigurt dhe më legjitime, del se shumica e programeve që qarkullojnë në këtë treg nuk posedojnë licencë.

Gjatë periudhës së vitit 2008,në një hulumtim të kryer nga IDC rreth piraterisë, del se 77% e softuerit kompjuterik që përdoret në Shqipëri nuk përmban licencë.

Në një deklaratë për gazetën “Shqip”, George Hernleben drejtor i BSA për Evropën Qendrore dhe Lindore, tha se "situata është shumë shqetësuese dhe presim një konfirmim nga qeveria për të bashkëpunuar, pasi konsideroheni ndër të fundit në Evropë në respektimin e së drejtës. Kemi gati planet tona të veprimit, duke nisur me trajnimet që duhen bërë me inspektorët tatimorë, në mënyrë që të njihet ligji mbi të drejtën e autorit".

Sipas z. Herrnleben në qoftë se pas identifikimit nuk do të merren masa për licencimin nga ana e kompanive, gjoba për këtë mosveprim do të arrijë deri në 1 milion lekë, por do të ekzistojë mundësia edhe për dënim me burg deri në dy vjet.shkojnë edhe në burgim. Niveli 77% i piraterisë konvertohet nga Herrnlebent me 8 milionë dollarë, që tregu i programeve kompjuterike të palicencuara i ka shkaktuar dëm zyrave ligjore.

"Në rast se qeveria shqiptare pranon të bashkëpunojë me BSA-në, atëherë them me siguri se informaliteti mund të bjerë me 10 për qind, pas 2-3 vjetësh", përfundon Herrnleben.
Tashmë Organizata e Industrisë së Programeve Kompjuterike ka filluar aktivitetin e saj edhe në Shqipëri dhe është gati të kontrollojë të gjitha programet kompjuterike të institucioneve shtetërore, si dhe të bizneseve që janë të pranishme në treg, për të vërtetuar licencimin e tyre.