Virusi i imunodeficiencës humane dhe grupi i gjakut

[aurel]

Sipas një botimi në revistën "Blood", rezultatet e reja sugjerojnë se grupi i gjakut merr pjesë në luftën kundër virusit të imunodeficiencës humane- HIV.
Grupet e gjakut mund të ndihmojnë në përcaktimin e rezistencës së individit ndaj HIV-it, si edhe në mënyrën e shmangies së këtij virusi vdekjeprurës.

Shkencëtarët kanadezë dhe suedezë kanë zbuluar se disa pacientë prodhojnë më shumë antigjenë, të cilët përmbajnë karbohidratet e njohura si grupi i gjakut Pk, të cilët janë më pak të ndjeshëm ndaj infeksionit me HIV.

Hulumtuesit po ashtu kanë zbuluar se një nëngrup pacientësh, të cilët nuk kishin prodhuar Pk, ishin marrës të virusit.

Autorët thonë se studimi nuk ofron të dhëna se vetëm grupi i gjakut përcakton nëse dikush do të infektohet me HIV, por ofron njohuri se individë të caktuar të cilët i ekspozohen virusit mund të ndihmohen nga statusi i grupit të tyre të gjakut në luftën kundër infeksionit.