Vizat për Shqipërinë, Italia dhe Sllovenia letër BE-së

[aurel]

Italia dhe Sllovenia kanë ndërmarrë një tjetër nismë për të përshpejtuar procesin e liberalizimit të vizave për Shqipërisë.
Ministrat e Jashtëm të këtyre dy vendeve, përkatësisht Franco Fratini dhe Samuel Zbogar, i kanë dërguar një letër Presidencës suedeze të Bashkimit Evropian ku kërkojnë që për Shqipërinë procesi i udhëtimit pa viza për qytetarët shqiptarë të përshpejtohen.
Liberalizimi i vizave për tre shtete ballkanike, si Serbia, Mali i Zi dhe Maqedoni do të bëhet gjatë muajit dhjetor, ndërkohë që për Shqipërinë dhe Bosnjën është lënë e hapur mundësia që sapo të plotësojnë kriteret e kërkuara, të futen në zonën “Schengen”.