Verilindja e SHBA-ve përfshihet nga një stuhi e fuqishme bore

[aurel]

Një stuhi e madhe ka përfshirë kryeqytetin e Shteteve të Bashkuara dhe disa qytete verilindore, duke shtruara rreth 40 cm dëborë e duke e bërë të vështirë ose thuajse të pamundur udhëtimin e njerëzve nga një zonë në tjetrën. Disa pjesë të zonës verilindore të SHBA u mbuluan nga rreth 60 cm borë.
Përpara se bora të pushonte, zyrtarët u bënë thirrje banorëve që të qëndronin nëpër shtëpi dhe të evitonin daljen me makinë, sepse bora binte më shpejt nga që mund të pastronin skuadrat borëpastruese.

Transporti publik, nuk punon në pjesën më të madhe të tij; gjithashtu nuk funksionojnë as stacionet e metrosë të cilat kalojnë mbi tokë. Stuhia goditi gjithashtu Baltimorin, Nju Jorkun dhe Filadelfian. Mjaft zona kanë mbetur pa energji elektrike dhe linjat ajrore anuluan fluturimet.

Makinat borëpastruese pastruan pistën e bazës ajrore Andrews, në periferi të Washingtonit, duke mundësuar kështu uljen e aeroplanit që solli presidentin Obama nga udhëtimi i tij në Danimarkë.