Samsung sjellë kompjuterin tablet S-Pad

[MAJDI]

Edhe një kompjuter tjetër tablet i bazuar në sistemin operativ Android. Kësaj radhe nga kompania serioze dhe e vendosur Samsung e cila mëton që në pajisjen prej 7 inçësh të integrojë edhe një risi – ekranin Super AMOLED.


Nëse mund t’u besohet paralajmërimeve të kompanive të ndryshme të njohura dhe jo aq të njohura brenda disa vitesh askush prej nesh nuk do të përdorë desktopët apo laptopët më, por do të sillemi rreth e rrotull me kompjuterët në trend tablet duke shitur mend se kush ka performansa më të mira në ta.

Në këtë trend edhe kompania Samsung paralajmëron tabletin e vet S-Pad 7 inçësh për muajin gusht të këtij viti. Ky tablet do të duhej të bazohet në sistemin operativ Android të kompanisë Google, e risi është shfrytëzimi i Super AMOLED-it, një ekrani i cili gjoja jep ngjyra të gjalla dhe kontrast të cilat ekranet e zakonshme në kompjuterë, por edhe në tabletët tjerë konkurrent nuk mund ta arrijnë as për së afërmi.

Pjesë standardeve e pajisjeve në të do të janë lidhjet WiFi e 3G, qasja USB si dhe Samsung Apps, siç mund të paramendoni, shërbimi online i Samsung për blerjen e aplikacioneve për këtë pajisje.

S-Pad vjen në muajin gusht, e ani pse nuk ka të dhëna për çmimin, pritet që ai do të jetë i lartë mu për shkak të ekranin Super AMOLED të cilin do ta përdorë.