HP Slate definitivisht në WebOS

[MAJDI]

Përfaqësuesit e HP-së kanë konfirmuar se në shtator apo tetor kanë për qëllim të lansojnë kompjuterin tablet Slate të bazuar në sistemin operativ WebOS.



Pajisja HP Slate i bazuar në WebOS do të duhej të del në shitje para përfundimit të vitit fiskal të HP-së i cili përfundon në tetor, e me rastin e paraqitjes do të duhej të ofronte një numër të madh të aplikacioneve.


HP e ka marrë sistemin operativ WebOS me blerjen e kompanisë Palm në muajin prill për afërsisht 1.2 miliardë dollarë amerikanë. Ani pse nuk është kryer e tërë puna rreth blerjes, kompania qysh për muajin shtator paralajmëron pajisjet e para në WebOS.

Tani për tani nuk ka informata nëse tableti Slate do të paraqitet fare me Windows 7, ani pse fillimisht ishte paralajmëruar se do të vinte me këtë sistem operativ.