Policia gjen "thesarin". 200 kg flori sekuestrohen pranë Gar

[kuklla]

Policia gjen "thesarin". 200 kg flori sekuestrohen pranë Gardës së Republikës

Wednesday, 24 September 2008

Një superaksion i Drejtorisë së Antikrimit Ekonomik në Policinë e Tiranës ka mundësuar sekuestrimin e 2 kv ar kontrabandë me vlerën e mbi 1 milion eurove. Në pranga kanë rënë dy vëllezër, pronarë të punishtes ku përpunohej floriri. Janë sekuestruar edhe shuma të mëdha parash në valutë të huaj. Policia dyshon se një pjesë e arit është vjedhur nga Thesari i Shtetit TIRANE-Rreth 2 kuintalë flori janë sekuestruar sot nga Drejtoria e Antikrimit Ekonomik në Policinë e Tiranës. Kjo është sasia më e madhe arit që policia shqiptare ka sekuastruar ndonjëherë gjatë aksioneve të saj. Gjatë superaksionit të koduar “Ora e florinjtë” në pranga kanë përfunduar dy persona që dyshohet se kanë vjedhur shufra floriri nga Thesari i Shtetit. Gjithashtu janë sekuestruar edhe shuma të mëdha në leke. Dy shtetasit pronarë të punishtes ku përpunohej metalin i shtrenjtë, tashmë në pranga janë vëllezërit Astrit Lamce 45 vjec dhe Genci Lamce 38 vjec.

Superoperacioni është zhvilluar sot paradite nga Drejtoria e antikrimit ekonomik, e cila ka bërë të mundur ndalimin e 2 kuintalëve ar, 2 copë Shufra Floriri me peshë 1- kg secila, shuma e parave prej 210 mijë euro, 1 milion e 500 000 lekë, shuma e parave prej 500 $ si dhe shumë amballazhe dhe etiketa të firmave të njohura.
Policia shton se e ka përllogaritur sasinë e floririt të sekuestruar. Floriri me vlerën e tregun të sotëm, varion në shumën e parave në, mbi 1 - milion eurove.

Sasia e arit është kapur në një punishte pranë Gardës së Republikës, ne rrugën “Vaso Pasha” ku polici pas nje hetimi 3 mujor ka sekuestruar floririn në formë shufrash dhe bizhuterish. Policia vërteton se ka dokumentuar se aktiviteti i vëllezërve Lamce është kriminal dhe kontrabandë. “Aktiviteti i tyre i paligjshëm shtrihej në kryeqytetet, përmes banesës së tyre, e cila shërbente për punishte të kondrabandës së floririt”, citon deklarata për shtyp e Policisë. Policia shton se sasia e floririt nuk ishte e shoqëruar më dokumentat përkatëse.
Vete të arrestuarit kanë dëshmuar në polici se e kanë blerë floririn pa dokumenta nëpërmjet personave të tjerë nga Turqia.

Por dyshohet gjithashtu se një sasi e floririt të sekuestruar sot është vjedhur nga rezervat e shtetit. Ky dyshim lindi për shkak të lingotave të floririt të gjetura në punishte. Lingotat e gjetura sot ishin të ngjashme me ato të humbura nga rezervat e shtetit.

Policia po e heton për zbardhjen e plotë të kontrabandës së arit dhe identifikimin e personave të tjerë të përfshirë në këtë kondrabandë.

Policia rezervoi detaje rreth arrestimeve të sotme për arsye hetimi. Gjatë trazirave të vitit ’97, por edhe më pas, një sasi e konsiderueshme ari është vjedhur nga rezervat e thesarit të shtetit. Grabitja më e bujshme ka qenë ajo e tuneleve në Qafë Kërrabë, e cila klasifikohet si më e famshmja dhe më masivja e ndodhur ndonjeherë në historinë e shtetit shqiptar. Pritet që hetimet të zbardhin edhe origjinën e sasisë prej 2 KV ar të kapur sot nga antikrimi ekonomik.

[ReniX]

oh te keqen, Ju shtua dhe nga nje vil buze detit ketyre tipave te karriges!