Opel Calibra e re për tre vjet

[MAJDI]

Supozimet për rikthimin e modelit legjendar Calibra po vazhdojnë që tri vjet rresht, qëkur edhe Opel kishte paraqitur konceptin GTC. Ani pse thashethemet gjatë vitit të kaluar janë heshtur shumë, kjo nuk do të thotë se nuk janë ndalur tërësisht.

Revista “Carmagazine” në botimin e fundit të saj pohon se Opel do të mund të paraqiste gjeneratën e re të Calibras deri në vitin 2013. Kupeja tërheqëse sportive do të duhej të bazohet në platformën e Insignia.



Megjithatë, problemi më i madh për të cilin ky automjet i cili bënte bujë gjatë viteve 90 është shpagueshmëria e tij. Në fakt, në mënyrë që kthimi i Calibras të shpaguhej, Opel do të duhej të shes hiq më pak se 30.000 njësi për vit.

Se sa pinë ujë këto supozime të “Carmagazine” dhe nëse do të shohim Calibran e re, do të mund të kuptojmë në ndonjë nga panairet e radhës së automjeteve.