A ndikon muzika ne edukimin e femijeve?

[EMAUS]

A ndihmon muzika në edukimin e fëmijëve?
Stiv Mort
30-03-2007



Nxënës të mbledhur në një klasë të Universitetit të Floridës Qendrore, megjithëse mund të duken nxënës të zakonshëm ata nuk janë të tillë. Të gjithë janë nën moshën 2 vjeç. Doktoresha Mary Palmer u ve fëmijëve muzikë për të dëgjuar, duke besuar se muzika ndihmon në zhvillimin e trurit të tyre.

“Duke dëgjuar muzikë, fëmijët zhvillojnë mëndjen dhe zhvillojnë lidhje të caktuara në tru, që pa një ngacmim si muzika nuk zhvillohen, kjo u jep atyre aftësi më të madhe për të mësuar gjatë gjithë jetës”.

Zonja Palmer beson se fëmijët e edukuar me muzikë që në moshë të hershme, ia dalin më mire në jetë- një teori kjo e quajtur “Efekti Mozart”.

Studjuesit e Universitetit të Kalifornisë thonë se fëmijët nën tre vjeç që merren me muzikë, dalin më mirë në rezultatet e provimeve të ndryshme.

Kërkimet e zhvilluara në Institutin MIND të këtij Universiteti treguan se të rinjtë që kishin marrë mësime pianoje, arritën rezultate 30 për qind më të larta në provimin e matematikës.

Ja ç’thotë instrumentisti Carl Rendek i Filarmonisë së Orlandos.

“Matematika ishte shumë e thjeshtë për mua. E kisha të lehtë të bëja çdo gjë që lidhej me kalkulime apo matematikë. Kështu edhe me lëndët e tjera. Isha nxënës i mirë dhe mendoj se kjo për shkak të muzikës”.

Shkencëtarët filluan t’i studiojnë të mirat mjeksore dhe edukative të muzikës që në vitet 40.

Universiteti shtetëror i Michiganit paraqiti programin e parë shkollor për terapinë muzikore.

Por skeptikët gjithsesi thonë se “Efekti Moxart” është shpesh i ekzagjeruar dhe bazohet pak në shkencën neurotike.

Një libër i ri i quajtur ”Miti i tre viteve të para”, madje kritikon shtypin për publicitetin që i jep rëndësisë së kësaj teorie.

Zonja Palmer i pranon kritikat por thotë se shkenca është e fortë.

“Njerëzit janë duke mësuar gjithnjë e më shumë për rëndësinë e muzikës në jetën e një fëmije, jo vetëm në vitet e para, por madje që në ditët e para të jetës. Skeptikët e teorisë së ndërveprimit tek bebet janë më të paktë në numër. Së fundi, janë kryer mjaft kërkime për ndikimin e muzikës te të mësuarit në përgjithësi si dhe tek arritjet e njerëzve në jetë”.

Në leksionet e doktoreshës Palmer, ka muzikë nga e gjithë bota, duke përfshirë Afrikën dhe Amerikën Latine. Dhe për Jennifer Castillon dhe burrin e saj meksikan Luis, kjo ishte një shtysë për të regjistruar vajzën e tyre në këtë program.

“Në Meksikë, si në çdo vend të Amerikës Latine, e gjen muzikën si pjesë të jetës së përditshme, muzikë në shtëpi, në shkollë, kudo që shkon. Është pak a shumë një natyrë e dytë. Çdo gjë nis të lidhet me muzikën, momentet e bukara, ato të mërzitshme, momentet e lumtura lidhen me muzikën. Duke u rritur në Meksikë, unë jam i interesuar për muzikën”.

Ekspertët thonë se vetëm duke dëgjuar muzikë, nuk mund të zhvillohen prirjet akademike tek fëmijët dhe se kjo kërkon pjesmarrjen në lëndët e ndryshme. Por për prindërit do të duhet të kalojnë disa vite përpara se të zbulojnë nëse ia vleu apo jo pjesmarrja e fëmijëve të tyre në këtë program.

[Nerti]

edhe une mendoj se muzika ndikon shume te femijet...e shikoj te vajza ime e vogel edhe pse ska mbushur akoma 1 vjec kur i ve muzike e shikoj me te gjalleruar e me te gezuar. vertet muzika ndikon pozitivisht jo vetem te femijet por te te gjithe ne.

[girl08]

Muzika ndikon ne edukim dhe jo vetem………..
Kur degjon muzike i ben punet me mire, me shpejt dhe me me qejf

[labja]

shum interesante ky artikull .
Nuk e dija qe ndikoka dhe ne edukim ...... por dija qe u ben shum mir per shendetin .
Madje diku kam lexuar qe , kur nena gjat shtatzanis degjon muzik ...femija esht me i shendetshem !!

[Nerti]

shum interesante ky artikull .
Nuk e dija qe ndikoka dhe ne edukim ...... por dija qe u ben shum mir per shendetin .
Madje diku kam lexuar qe , kur nena gjat shtatzanis degjon muzik ...femija esht me i shendetshem !!

eshte e vertete labe, keshillohet qe gjate gjithe shtatezanise nena te degjoj muzike...

[aliu]

eshte e vertete labe, keshillohet qe gjate gjithe shtatezanise nena te degjoj muzike...

mundesishte te mos haje buke , te mos pij uje , dhe free MUSIC DHE opa femijet tane dalin te shendetshem dhe plot dije .,ne kemi femije qe po vene nga 70 vjec ,dhe prape smehen ,jo muzike te degjojne ata po lere fare.