Google prezanton shkurtuesin e adresave të internetit, Goo.gl

[vaaldr1n]

Adresat e ueb faqeve ka raste që mund të jenë shumë të gjata, por edhe ato që kanë madhësi normale mund të duken të mëdha në vitet e Twitter dhe mesazheve me tekst. Çdo simbol ka rëndësi dhe ju keni në dispozicion vetëm 140 karaktere.

Google tani është duke shpresuar të revolucionojë shkurtimin e ueb adresave duke prezantuar Goo.gl, që tani është veçse produkt i gatshëm për shfrytëzim publik në këtë adresë http://www.goo.gl.

Goo.gl në fakt ishte një mënyrë e Google për të shkurtuar ueb adresa brenda shërbimeve si Google News (për të kursyer në linka të artikujve) apo në Google Maps (për dërgim të një lokacioni).

Ueb faqja e re Goo.gl do të shkurtojë linkat e juaj dhe do t’i ruaj ata në mënyrë që ju t’i shikoni më vonë apo t’i shkëmbeni me të tjerët. Google thekson se është duke përdorur edhe dispozita speciale për të parandaluar që linka mashtrues të dërgojnë përdoruesit në malware apo ueb faqe të rrezikshme.

Konkurrenca e quajtur TinyURL e Bit.ly

Google duhet theksuar se po futet në një zonë të stërngarkuar. TinyURL veçse ka qenë në proces të shkurtimit të ueb adresave për pothuajse një dekadë, dhe paraqitja e Twitter ka shtyrë edhe shkurtues më të sofistikuar, si bit.ly, që lejon njerëzit të organizojnë dhe të kërkojnë përmes linkave të ruajtur.

Media individuale gjithashtu kanë krijuar shkurtimet e tyre: nyti.ms është për New York Times ose t.co për Twitter.

ReadWriteWeb thekson se avantazhi më i madh i Google ndaj shkurtuesve tjerë të vegjël, është madhësia që ka dhe lidhjet me mijëra qindra e saja. Kjo mund ët mjaftojë për ta renditur në majën e shkurtuesve të ueb faqeve. /pcworld.al