Windows Phone 7 do të lansohen gjatë javës së ardhshme

[vaaldr1n]

Microsoft pritet që të paraqes gjatë javës së ardhshme linjën e parë të produkteve me bazë në Windows Phone 7, në kuadër të një konference për media që do të mbahet në Nju Jork.

Të gjitha mediet gjatë ditës së sotme kanë pranuar një ftesë për një ngjarje me 11 tetor, ku Microsoft pritet të bëjë të ditur se cilët operatorë dhe prodhues do të krijojnë dhe shesin pajisje me bazë në sistemin operativ të radhës nga Microsoft. Kompania pritet që gjithashtu të prezantojë linjën e parë të harduerit me bazë në Windows Phone 7.

Është më se e dukshme se AT&T është në bord si një prej operatorëve partnerë me Windows Phone 7, ndërsa të tjerët ende nuk dihen.

Windows Phone 7 është një projekt i nisur nga zero i sistemit operativ të kësaj kompanie që më parë njihej si Windows Mobile. Microsoft ishte lider në fazat e hershme të celularëve të mençur me sistemin e saj të vjetër operativ mobil, por në vitet e fundit kompania ka përjetuar një humbje të madhe të pjesëmarrjes në treg.

Windows Mobile nuk është përditësuar aq sa duhet për më shumë se disa vite, dhe zgjidhjet moderne nga Apple iPhone OS dhe Google Android OS kanë marrë pjesëmarrjen e tregut të Microsoft. Si rezultat i kësaj, Microsoft shqeu projektin Windows Mobile dhe shkroi prej fillimit një OS tërësisht të ri me ndërfaqe që ka si bazë katrorët dhe inkpororon elementet e Zune dhe Xbox Live.

Megjithëse kompania në fjalë do të bëjë të ditur më shumë detaje me 11 tetor rreth pajisjeve me bazë në Windows Phone 7, ka raporte se data zyrtare e paraqitjes në treg të pajisjeve me bazë në këtë sistem do të jetë 8 nëntori. Mbetet të shihet. /pcworld.al