Google thotë se automjetet e saja kanë grabitur edhe fjalëkalime

**vaaldr1n** · 23-10-2010, 10:27 AM

Google ka thënë se automjetet e saja “Street View” anembanë botës kanë mbledhur më shumë të dhëna personale sesa që është bërë e ditur më parë, dhe se është duke ndryshuar politikat e saja të privatësisë.

Rregullatorët në më shumë se 30 shtete ku kanë operuar automjetet janë duke shikuar më thellësisht gjërat rreth kësaj çështjeje.

Automjetet Street View të Google, që janë të njohura për lëvizjen e tyre anembanë globit dhe kapjen e imazheve panoramike të rrugëve të qyteteve, kanë mbledhur të dhënat. Kompania shfaq më pas imazhet në hartat e saja online të rrugëve.

Google ka thënë se dëshiron të fshij të dhënat sa më shpejtë që të jetë e mundur. Në maj u shpalos nuhatja, por në atë kohë kompania u shpreh se informatat e mbledhura ishin të kufizuara zakonisht në “fragmente” të tyre sepse automjetet ishin gjithnjë në lëvizje.

“Është e qartë nga këto inspektime se gjersa shumica e të dhënave janë fragmente, në disa raste janë kapur edhe email dhe URL, madje edhe fjalëkalime” tha zëvendës presidenti i Google, për Inxhiniering dhe Hulumtim, Alan Eustace në një post në blogun e Google.

Google ka fshirë të dhënat në shtetet ku rregullatorët kanë dhënë lejen për të vepruar kështu, ka bërë të ditur një përfaqësues i Google. Përfaqësuesi ka thënë se po hetohen edhe shtete tjera ku të dhënat nuk mund të fshiheshin derisa hetimet të përfundojnë.
Google ka thënë se Alma Whitten është përzgjedhur drejtoreshë e privatësisë për inxhiniering dhe menaxhim të produkteve, dhe kompania ka shtuar procedura të reja të brendshme që iu kërkojnë inxhinierëve të produkteve për të mirëmbajtur një dokument të privatësisë që incizon si trajtohen të dhënat e përdoruesve.

Google gjithashtu ka thënë se po avancon trajnimet e privatësisë për inxhinierët dhe grupet tjera të rëndësishme brenda kompanisë. /pcworld.al