Peugeot paralajmëron version special RCZ

[vaaldr1n]

Prodhuesi francez i automjeteve ka paralajmëruar version të ri special të RCZ-së të quajtur Asphalt.

Asphalt i ri do të jetë me ngjyrë të zezë mat, do të ketë rrota 19-inçëshe ngjyrë argjendi dhe enterier të përpunuar nga lëkura e zezë. Po ashtu, ai do të përmbajë logon e Asphalt si brenda ashtu edhe jashtë.

Automjeti do të vihet në lëvizje motori 1.6-litërsh THP i cili zhvillon 193 kuaj fuqi me moment rrotullimi prej 254 Nm me sistem të ashtuquajtur overboost i cili do të ofrojë 20 Nm shtesë. Nga zero deri në 100 km/h Asphalt do të përshpejtojë për 7.6 sekonda.

Vetëm 500 njësi të këtij automjeti do të prodhohen, e detajet rreth çmimit dhe kur do të paraqitet ai do të publikohen në ndërkohë. /Telegrafi/