iPad 2 i gatshëm në shkurt 2011?

[vaaldr1n]

Tableti i kompanisë Apple – iPad, ka qenë një sukses shumë i madh për këtë kompani, ndërsa tani pritet që të lansohet edhe gjenerata e dytë e këtij tableti, gjë e cila pritet të ndodh në muajt e parë të vitit të ardhshëm.

Sipas Digitimes, modeli i ri iPad 2 ose iPad HD do të dal gjatë muajit shkurt të vitit të ardhshëm. Mirëpo, ende nuk dihet nëse tableti do të mbajë ndonjërin nga emrat e shënuar më lart.

Digitimes thotë se sipas Foxconn, kontraktuesit aktual të cilët prodhojnë pjesët e iPad dhe iPhone kanë premtuar se do të jenë gati me versionin e dytë të tabletit të Apple, brenda 100 ditësh, që i bie të jetë fundi i muajit shkurt 2011.

Për më tepër, thuhet se sasia fillestare e modelit të ri të iPad do të jetë mes 400 dhe 600 mijë copë, ndërsa sasia e tyre do të shtohet gjatë muajve të pranverës, dhe kjo datë përputhet me lansimin e versionin të parë të këtij tableti, i cili në atë kohë e feston një-vjetorin e ekzistencës.

Për modelin e ri thuhet se do të ketë ndërfaqe me rezolucion më të madh dhe më kualitativ (përflitet për Retina Display ose HD Display), i cili do të mundësojë shfaqen e video materialeve në HD, 720p, në vend të standardit të plotë HD në 1080p. / Telegrafi /