Policia greke ktheu 150 shqiptarë gjatë 24 orëve të fundit

**Erinaa** · 16-12-2010, 05:26 PM

Policia greke po vazhdon sjelljen e vrazhdë ndaj shtetasve shqiptarë që nisen të udhëtojnë pa viza tek të afërmit e tyre në emigracion duke paraqitur pasaportat biometrike në kufi. Prej mbrëmjes së djeshme, policia greke ka vendosur një masë që nuk parashikohet në asnjë ligj dhe në asnjë rregullore, duke u kërkuar qytetarëve shqiptarë “garanci” nga personi pritës.

Thënë ndryshe, emigrantët shqiptarë duhet të depozitojnë në policinë greke një deklaratë ku sigurojnë se presin të afërmit e tyre nga Shqipëria. Ata duhet të japin numrin e telefonit dhe adresën e saktë të banimit. Një kopje të kësaj deklarate duhet ta dërgojnë në Shqipëri në mënyrë që qytetarët shqiptarë ta kenë me vete bashkë me pasaportën kur paraqiten në kufi për të udhëtuar drejt territorit grek.

Sipas burimeve zyrtare nga policia, pala greke gjatë 24 orëve të fundit ka kthyer mbrapsht 150 shtetas shqiptarë me argumentin “mungesë dokumentacioni”.
Një prej këtyre qytetarëve është edhe Jani Sina nga Mallakastra. Ai tregon se ka këmbëngulur para policëve grekë duke u thënë se dispononte dokumentacion te rregullt për te kaluar kufirin, por debati ka arritur deri aty sa policët grekë e kanë thyer për të dalë nga sporteli.

**3r1k0** · 16-12-2010, 06:45 PM

Nuk e di ku e keni mare kete lajm por me duket pak si i tepruar numri........

Eshte e vertete qe policia greke ke kthyer disa qytetare shqiptare por kryesisht per mungese te siguracionit shendetsor, qe eshte nje kusht i domosdoshem.
Gjithashtu disa qytetare te tjere jane kthyer sepse nuk dinin adresen se ku do te shkonin.
Dmth kur pyeteshin nga policia greke per adresen e sakte se ku do te shkonin, nuk e dinin.