Cfare besojme?

[EMAUS]

Çfarë Besojmë..


Duke u nisur nga fakti se shumica e atyre që vizitojnë Komunitetin Protestant, krijojnë një përshtypje të gabuar lidhur me besimin e tyre në Zot, e mendova të nevojshme të sjell këtu një temë që ndoshta për shumicën është themeli i besimit të tyre personal.

Kjo temë ju drejtohet të gjithë atyre besimtarëve të krishterë të cilët mendojnë dhe besojnë se kjo deklaratë besimi drejtuar botës jashtë i përfaqëson.

Megjithate jane te ftuar te gjithe anetaret te votojne.


Besojmë se:


PERËNDIA
është krijuesi dhe sunduesi i gjithësisë. Ekziston nga përjetësia në trinitet: Ati, Biri dhe Fryma e Shenjtë.

Zanafilla 1:1,26,27 3:22 Psalmet 90:2 Mateu 28:19 2 Korintasve 13:13


JEZUS KRISHTI
është Biri i Perëndisë. Jezusi si njeri jetoi një jetë të pamëkatëshme dhe ofroi veten e Tij si një flijim i përsosur për mëkatet e të gjithë njerëzve, duke vdekur si mëkatar lart në kryq në Golgotë. Mbas tre ditësh u ngrit nga të vdekurit duke shfaqur kështu fuqinë e Tij kundrejt mëkatit dhe vdekjes.
Tani ndodhet në lavdi qiellore dhe premtoi se do të kthehet në tokën tonë për të marrë të Tijtë të jetojnë bashkë në përjetësi.

Mateu 1:22-23 Gjoni 1:1-5 Hebrenjve 4:14-15 1 Korintasve 15:3-4 Romakëve 1:3-4 Veprat 1:9-11 Tito 2:13


FRYMA E SHENJTË
është i njëjtë me Atin dhe Birin si Perëndi. është personalitet dhe jo fuqi pa personalitet. Është prezent në botën tonë dhe punon me qëllim që të shfaqë nevojën e njeriut mëkatar të kthehet tek Jezusi Shpëtimtar. Banon brenda ç’do të krishteri që nga momenti i rilindjes së tij. Mbush ç’do të krishterë me fuqi që të jetojë, të kuptojë të vërtetat frymore dhe ta udhëheqë në vullnetin e Perëndisë.
Të krishterët duhet ta kërkojnë prezencën e Tij që ç’do ditë të jetojnë nën kontrollin dhe udhëheqjen e Tij.

Gjoni 16:7-13, 14:16-17 Veprat 1:8 1 Korintasve 2:12, 3:16 Galatasve 5:25 Efesianëve 5:18


NJERIU
U krijua sipas figurës frymore të Perëndisë, që të jetë i ngjashëm në karakter. Është krijesa më e lartë e Perëndisë. Nuk iu bind vullnetit të Perëndisë dhe që atëhere mëkati hyri dhe sundon në jetën e tij. Mëkati e ndau atë nga Perëndia dhe solli vdekjen fizike dhe frymore në jetën e tij.

Zanafilla 1:27 Psalmet 8:3-6 Romakëve 3:23 Isaia 59:1-2


PËRJETËSIA
është gjendja për të cilën u krijua njeriu. Përjetësia do të vazhdojë të ekzistojë qoftë i ndarë (njeriu) nga Perëndia për shak të mëkatit, qoftë në bashkësi me Perëndinë nëpërmjet faljes dhe hirit të shpëtimit të cilit i
ofron. Ndarja e përjetëshme me Perëndinë është ferri i përjetshëm. Bashkësia e përjetëshme me Perëndinë është jeta e përjetëshme.

Gjonit 3:16 1 Gjonit 2:25, 5:11-13 Romakëve 6: 23 Zbulesa 20:15


SHPËTIMI
është dhurata e Perëndisë për njeriun mëkatar. Njeriu vetë nuk mundet të bëjë çdo gjë që ta fitojë. Veprat e tij të mira nuk mund ta fitojnë atë sipas Biblës. Vetëm kur njeriu beson se Jezus Krishti është dhuratë e Perëndisë dhe vdiq në kryq të Golgotës me qëllim faljen e tij, mundet të shpëtojë nga mëkati dhe nga pasojat e tij në jetën e tij.

Romakëve 5:1, 6:23 Efesianëve 2:8-9 Gjonit 14:6, 1:12


SHKRIMET E SHENJTË
është Fjala e Perëndisë për të gjithë njerëzit. U shkrua nga njerëz të cilët u udhëhoqën nga Fryma e Shenjtë. Është i vetmi burim i së vërtetës për besimin dhe jetën e krishterë.

2 Timoteut 3:16 2 Pjetrit 1:20-21 Psalmet 119:105

[PoLiGrAfIkSi]

Emaus: pergezime per temen.
Une per vete (sic me thone jam mysliman) deri diku kur isha i vogel kisha ate ide qe mysliman e mysliman por tani ka ca vite qe nuk me intereson se cfare feje jam, un them qe ka nje zpt per te gjith si myslimanet, kaurret, krishteret, ortodokset, deshmitaret e Jehovait, budistet, e ku ta di un se sa lloje ferash kan nxjerr njerzit, te cilet mendojne se ritualet e tyre te bejne te lumtur te shpetojne per ne jeten e pertejme e shume bla bla bla te tjera, qe per mendimin tim eshte nje plus ngarkese per njeriun se njeriu ka shume hale dhe probleme ne kete bote te cilat keto besime fetare nuk marrin persiper te ti zgjidhin por thjesht te genjejn se kjo eshte skrifica qe duhet te besh ti per ne boten e pertejme, se fakti qe ne jemi te vdekshem nuk eshte i joni pse duhet te vuaj un per te paret e mi. (nejse). un per vete besoj vetem ne nje Zot. Ne pasqyren e makins time ndodhen 3 kryqe te medhenj kjo nuk do te thote qe un te per krah fene e kreshtere. ky ishte mendimi im.

[Ruthi]

poligrafiksi
ne Bible thuhet nje e vertet jo shume e bute per ata qe pretendojne qe besojne......
vargu eshte....."edhe demonet besojne qe ka nje Perendi dhe dridhen nga frika"

Por ti ke shume te drejt ku thua qe njerezit mendojne se ritet idiote do tua lehtesojne jeten,por qe thjesht genjejne vehten.

Te besosh ne Zotin eshte shume shume larg nga te berit nje rit.

Une besimin ne Zot gjithmon e perkufizoj si "nje kercim qe nuk behet ne erresire"
pra te besosh nuk do te thote te kercesh ne erresire.
ti jesh mirenjohes/e Atij per mundesin qe te jep te jetosh dhe nje dite tjeter.
Te besosh ne Perendine do te thote te besosh ne vepren e dashuris se Tij
Te besosh do te thote te ecesh me guxim ne jete.
Te besosh ne Zotin do te thote,te kesh nje mardhenie me Te si Ate -Bire... pertej korrnizave fetare.