Lg bashkëpunon me youtube për të sjellë përvojën e plotë 3d në aparatet celularë

[vaaldr1n]

LG dhe YouTube po sjellin një epokë të rë të përvojës së vërtetë 3D të lëvizshme

Tiranë, 18 shkurt 2011 – LG Electronics (LG) dhe YouTube po ndërmarrin një hap madhor të mëtejshëm duke lajmëruar sot një partneritet për të sjellë një përvojë unike të celularit 3D për përdoruesit. Smartphone-t e ardhshëm premium të LG-së të fuqizuar me Android do t’u lejojnë përdoruesve jo vetëm të fiksojnë dhe shohin video 3D pa syze, por edhe t’i ngarkojnë dhe ndajnë ato menjëherë me të tjerët nëpërmjet YouTube.

“Celulari Optimus 3D është smartphone-i më i ri pararojë i LG-së. Është përgjigja jonë për dy nga pikat e dobëta të përvojës së tanishme 3D-lëvizshmërisë së kufizuar dhe syzeve speciale. Për më tepër, partneriteti ynë me YouTube do të sigurojë që klientët tanë të gjenerojnë lehtësisht dhe aksesojnë përmbajtje të gjerë 3D,” tha Dr. Jong-seok Park, President dhe Drejtor Ekzekutiv i kompanisë LG Electronics Mobile Communications.

Partneriteti i ri është pjesë e një përpjekjeje më të gjerë në zbavitjen 3D nga LG dhe komuniteti më i madh në botë i videove online. YouTube dhe LG kanë bashkëpunuar për të mundësuar prodhimin dhe shpërndarjen e videove 3D në aparatet celularë në një mënyrë që e bën atë të lehtë dhe të thjeshtë për konsumatorët.

“Teknologjia 3D ka qenë e rezervuar tradicionalisht për studio e mëdha të filmave në Hollivud,” tha Francsico Varela, Drejtor i Platformave Bashkëpunuese në YouTube. “Me LG Optimus 3D cdokush kudo në botë mund të xhirojë video 3D, t’i ngarkojë ato në YouTube dhe t’i ndajë me miqtë. Mezi presim që të shohim videot krijuese që komuniteti ynë fikson dhe shpërndan me këtë teknologji të re.”

I fuqizuar me një konfigurim unik “Tri-Dual” - bërthamë dyshe, kanal dysh i njëkohshëm dhe memorje dyshe, celulari i përparuar i LG-së Optimus 3D do të zbulohet në Kongresin Botëror të Celularëve 2011 në Barcelona dhe do të jetë aparati i parë i lëvizshëm i aftë që të sigurojë përvojën YouTube 3D. Optimus 3D i fuqizuar me Android do të jetë i disponueshëm në shkallë globale duke filluar nga Europa në tremujorin e dytë të 2011-ës.

Për më shumë informacion, vizitoni dhomën e lajmeve online në adresën

www.lgnewsroom.com/MWC2011.