Më në fund zbulohet se çfarë fshehin femrat në dollapët e tyre

**Erinaa** · 26-02-2011, 05:48 PM

55gard.jpgNuk ka nevojë të jeni të varur nga blerjet për t’u gjetur në studimin të cilin e ka kryer kanali televiziv britanik “OVC”, e për të cilin ka shkruar gazeta “Daily Mail”, i cili ka zbuluar se një femër mesatare në dollap mban madje 22 pjesë veshjeje, të cilat nuk i veshë kurrë. Kur të llogariten të gjitha zbulohet se veshje në vlerë prej më se 500 miliardë dollarësh gjenden në këndet e errëta të dollapëve të femrave në tërë botën. Shumica e të anketuarave, pesë mijë prej tyre, kanë veshje që nuk i veshin, sepse në dyqan ato janë dukur joshëse, por kur kanë arritur në shtëpi e kanë kuptuar se nuk do t’i veshin. Më së shpeshti bëhet fjalë për këpucë, mesatarisht gjashtë palë, kryesisht me take të larta, të cilat sapo kishin dalë në treg, e tani fshihen mirë, edhe nga pronarja krenare, e edhe nga kureshtarët e shumtë. Arsyeja e dytë e mos veshjes së veshjeve është fakti që ajo është tepër e ngushtë. Nuk janë fajtorë për këtë kilogramët e grumbulluar, por blerja e shpejtë. Në fakt, shumica e femrave me vetëdije ka blerë veshje më të vogla, duke shpresuar se do ta humbin peshën dhe të jenë në gjendje t’i veshin ato. Pastaj, vjen edhe blerja me lirime, e cila nuk është racionale dhe kështu në qese gjenden gjëra të cilat “nuk e meritojnë të vishen”. Megjithatë, është interesant edhe fakti që femrat e kanë të vështirë të heqin dorë nga veshjet që nuk i veshin. Vetëm pesë përqind nga të anketuarat dhuron ato rroba, shumica e ruajnë dy ose më shumë vjet, e 30 përqind edhe pas 10 vjetësh nuk duan të heqin dorë nga veshjet që në fakt nuk i veshin kurrë. Por, gëzon fakti që edhe meshkujt nuk janë treguar më të mirë kur bëhet fjalë për veshjet. Anëtari mesatar i gjinisë mashkullore në dollapin e tij fsheh 19 pjesë të veshjes që nuk i veshëm, por këtu kryesisht bëhet fjalë për bluza me mëngë të shkurta. /Vogue