Rrihet barbarisht mësuesja e fshatit.

[Altin111]

Librazhd, arrestohet prindi që pretendonte se i ishte "ngrënë" nota e fëmijës

Një mësuese nga një fshat i Librazhdit ka përfunduar në spital me plagë të rënda në trup. Njëri nga banorët e fshatit ku punonte, e ka rrahur atë barbarisht dhe që nga dita e djeshme ajo ndodhet në pavijonin kirurgjikal të rrethit të Librazhdit nën kujdesin e veçantë të mjekëve specialistë. Ngjarja jo e zakontë ka ndodhur rreth orës 18:30 të dy ditëve më parë në fshatin Fushë-Studë, rreth 30 kilometra në Veri të qytetit të Librazhdit. Sipas burimeve zyrtare të policisë së Komisariatit të Librazhdit, është arrestuar rreth orës 01:00 të ditës së djeshme 39-vjeçari Idriz Qoli, banor i fshatit Fushë-Studë, pasi ka ushtruar dhunë të rëndë fizike ndaj 45-vjeçares, R.Gjini, mësuese në fshatin Fushë-Studë. Mësohet se konflikti mësues - prind, ka lindur për pretendimin e Qolit se "mësuesja i ka ngrënë me të padrejtë notën djalit të saj në klasë të tretë të kësaj shkolle nëntëvjeçare. Debati ka nisur pas mbarimit të orëve të mësimit, mes mësueses nga fshati Zabzun, rreth 5 kilometra larg vendit ku është shkolla në fshatin Fushë-Studë dhe prindit Qoli, banor i këtij të fundit. Burime zyrtare bëjnë të ditur se Qoli ka goditur mësuesen e djalit të tij me mjete rrethanore të forta, duke i shkaktuar asaj plagë të rënda nëpër të gjithë trupin. Por, ndërsa "trimi" është larguar, kanë qenë banorët e fshatit ata që me një makinë të rastit, kanë nisur Gjinin në spitalin e Librazhdit rreth orës 20:30 minuta. Në spital, mësuesja Gjini vetëm sa ka belbëzuar emrin e agresorit dhe policia është vënë në kërkim të tij. Burime policore shpjegojnë se "Qoli është arrestuar mbrëmë rreth orës 01 të natës në banesën e një fqinji të tij dhe po dje gjykata e rrethit ka marrë për të masën e arrestit me "burg pa afat". Ndërsa burime spitalore në Librazhd bëjnë të ditur se gjendja e saj paraqitet e rëndë. Vetë mjeku ligjor i këtij rrethi, Liman Mnalla, ka pohuar se "mësuesja e dhunuar kishte marrë plagë të rënda në tërë trupin, si dhe ka shembje në pjesën e pasme të kokës". Mjekët kanë aplikuar mjekim intensiv ndaj mësueses, duke garantuar jetën e saj, por gjithsesi kurimi, sipas tyre, do të zgjasë shumë ditë. Prokuroria e rrethit të Librazhdit, me akuzën e provuar "plagosje e rëndë me dashje" vazhdon hetimet për dokumentimin e plotë të kësaj ngjarjeje të rëndë.

[Altin111]

Prindi rreh mesuesen me dru, i ngeli femijet

E Shtune, 03 Nentor 2007

LIBRAZHD - Mesuesja e shkolles 9-vjecare te fshatit Fushe Studen, ne Librazhd, masakrohet me dru nga babai i dy femijeve te mitur, Idriz Qoli, te cilet, sipas pretendimeve te autorit te dyshuar, ishin mbetes ne klase. 39-vjecari u arrestua nga policia ne te gdhire te dites se premte, pasi akuzohet se ka dhunuar Rufije Gj., per shkak te detyres. Nxenesit shpetojne mesuesen 45-vjecare te gjuhe-leximit, duke i ndalur hemorragjine me fletet e librave dhe fletoreve, nderkohe qe ne kete skandal dyshohet te jete perfshire edhe drejtori i shkolles, qe ka leshuar deftese false kaluese per femijet e autorit. Burime te policise vendore thane dje, per gazeten “KJ”, se Idriz Qoli, banues ne fshatin Fushe Studen, u arrestua rreth ores 01:00 te mengjesit te djeshem, pasi pasditen e se enjtes dyshohet se ka dhunuar me mjete te forta, dru, mesuesen e fshatit Fushe Studen, Rufije Gj., 45 vjece, banuese ne fshatin Zabzun. E demtuara kthehej me nje pjese te nxenesve per ne shtepi, kur para i ka dale Qoli me nje dru dhe duke shfrytezuar erresiren e sapo nisur e ka goditur disa here. Nga hetimet e kryera prej agjenteve te komisariatit Librazhd rezulton se mesuesja 45-vjecare ndodhet nen kujdesin e mjekeve ne spital, ne gjendje te rende shendetesore, per shkak te plageve te marra ne trup dhe ne koke, nga goditjet e shumta me dru. Mjeket thane se e demtuara eshte jashte rrezikut per jeten, por ka fraktura ne pjese te ndryshme te trupit dhe do te duhet kohe qe te kurohet. Policia ka nisur hetimet per rrethanat dhe shkaqet e ngjarjes. Dyshohet se Qoli e ka sulmuar mesuesen, sepse kishte vendosur nota negative ndaj femijeve te tij, por hetohet edhe nje konflikt personal mes paleve. I ndaluari akuzohet per vepren penale te “vrasjes se mbetur ne tentative”.

“Me zuri prite kur kthehesha ne shtepi”

Gjendja shendetesore e mesueses 45-vjecare, Rufie Gj., pasditen e djeshme paraqitej me e lehte, sipas mjekeve te spitalit te Librazhdit. Arsimtarja e fshatit Fushe Studen u sulmua pasditen e se enjtes nga i dyshuari Idriz Qoli, babai i dy femijeve, qe rezultonin mbetes per kete vit, pasi 45-vjecarja nuk i pranonte ne klasen qe pretendonin. “Jam mesuese ne shkollen 9-vjecare ne Fushe Studen ne komunen e Stebleves ne Librazhd dhe jap lenden gjuhe-letersi, ndersa e kam punen nje ore larg me shtepine. Dje (te enjten), pas perfundimit te mesimit, po kthehesha per ne shtepi, duke pershkuar rrugen e zakonshme. Me mua ishin edhe tre nxenes, ndersa koha ishte shume e keqe”, rrefen Rufia per gazeten “Koha Jone”. Por, sapo eshte afruar ne pyllin e zones, ka vene re se e ndiqte pikerisht njeriu qe ajo e ka identifikuar si Idriz Qoli, me banim ne fshatin Fushe Studen. “Me shkoi mendja per keq, ndaj bashke me nxenesit menduam t’i binim shkurt nga nje rruge qe kalon neper nje tunel, qe perdoret edhe si kanal ujites, por agresori me kishte zene pusi ne vendin e quajtur “Hurdha e Madhe”, qe ndodhet mes Zabzunit dhe Fushe Studes”, thote 45-vjecarja, e cila qendron e mbeshtetur ne shtratin e spitalit dhe me plage te shumta. Agresori e ka qelluar me dru pas kokes, duke e lene pa ndjenja, ndersa kur eshte permendur ka pare nxenesit siper saj qe qanin. “Ata me kishin mbuluar me librat dhe fletoret, te cilat i kishin grisur per te me ndalur hemorragjine dhe per te me pastruar plaget. E kuptova se me kishte qelluar Idrizi, i cili nuk ishte me aty. Harrova veten dhe me erdhi keq per nxenesit. Me ndihmen e nxenesve dhe banoreve te fshatit, arrita pa fuqi ne shtepi dhe njoftuam policine”, tregon arsimtarja per tmerrin qe perjetoi, si pasoje e sulmit nga 39-vjecari. Sipas mjekut ligjor Liman Menalla, gjendja e te demtuares eshte duke u permiresuar. Mesuesja tregon se shkak i agresionit barbar ka qene mospranimi i dy femijeve te Idriz Qolit ne nje klase me lart, pasi rezultojne mbetes ne klasen e peste dhe te gjashte. Rufija akuzon drejtorin e shkolles qe, sipas saj, ka pajisur me deftese false femijet e Idriz Qolit. “Une nuk kam pranuar qe ata ta vazhdonin mesimin ne nje klase me lart sepse rezultonin mbetes ne dy lende dhe deftesa eshte vetem me firmen e drejtorit te shkolles”, tregon 45-vjecarja per gazeten.

F.Salliu

“Drejtoria Arsimore heshti, u vu ne dijeni”

Arsimtarja e sulmuar barbarisht kishte vene ne dijeni edhe Drejtorine Arsimore ne

Librazhd, por askush nuk eshte interesuar, derisa ndodhi incidenti me i fundit. “Une kerkoj qe ndaj autorit te veproje drejtesia. Edhe ndaj personave te tjere qe inspiruan kete ngjarje dua qe te merren masa”, thote Rufie Gj., ne intervisten e dhene per gazeten, diten e djeshme. Drejtoria Arsimore e Librazhdit nuk ka nderhyre per te zgjidhur konfliktin mes mesueses dhe drejtorit abuzues, qe tregon se edhe pse ka qene ne dijeni te ngjarjes, ka mbajtur krahun e drejtorit. Burime te Drejtorise Rajonale te Arsimit u shprehen se do te presin vendimin e organeve kompetente pastaj do te ndalen ne personat pergjegjes. Ceshtja i ka kaluar Prokurorise se Elbasanit.

[ReniX]

Disa njerezve kjo vera qe kaloi i paska bere dem.

[carolina]

e forte kjo.