37-vjeçari me probleme mendore terrorizon fshatin me armë

[lovee]

DIBER - Procedim penal për 37-vjecarin P. Kaca, banues në fshatin Nezhaj, rrethi Dibër, (person që ka rezultuar me të meta mendore), i cili ka terrorizuar fshatin me të shtëna me armë pa ndonjë objekt a qëllim të caktuar. Me të mësuar për këtë ngjarje, policia vendore shkoi menjëherë në vendin e ngjarjes dhe vuri në pranga P. Kacën.


Por nga biseda me të afërm dhe banorë të fshatit rezultonte se ai ishte me të meta mendore, ndaj policia e dërgoi atë në spitalin rajonal të qytetit Peshkopise, ku pas kontaktimit me doktorin neuropsikiatër, ka rezultuar se ky person është me të meta mendore dhe duhet dërguar në spitalin psikiatrik, për ta mbajtur nën kontroll, për shkak të rrezikshmërisë së tij.


Policia hapi procedimin penal në gjendje të lirë për shtetasin Përparim Kaca, për veprën penale të "Mbajtje pa leje të armëve dhe municioneve luftarake", parashikuar nga neni 278/2 i K.Penal. Ky person më datë 08.03.2011 në fshatin e tij ka qëlluar në ajër me armë zjarri të tipit pushkë M-56, armë e cila i është bllokuar në cilësinë e provës materiale.
Materialet i kaluan Prokurorisë së Rrethit Gjyqësor Dibër.

[MAJDI]

Bo kan ikur nga mendja