Çfarë është FOSS?

[gjendar]

FOSS qëndron për “Free and Open Source Software” (në shqip: Softueri i Lirë dhe me Burim të Hapur). Është një lëvizje e nisur në vitin 1983 nga Richard Stallman dhe Free Software Foundation (FSF)

“I lirë” në këtë kontekst i referohet “lirisë” (si në lirinë për të drejtën e fjalës, jo si çmim. Siç thonë në FSF “Softueri i lirë është çështje e lirisë dhe jo e çmimit" dhe ky është një dallim i rëndësishëm që duhet bërë. Shumë lloje softuerësh pohojnë të jenë “të lira”, dhe jam i sigurt që keni dëgjuar për shprehjet si “freeware” dhe “shareware”. Këto lloje softuerësh tentojnë të janë të lira (si në çmim), por jo të lira (si në liri).





Të gjitha programet kompjuterike fillimisht shkruhen nga njerëzit në gjuhë të lexueshme, e cila quhet “source code” (kodi i burimit). Microsofti zotëron kodin e burimit për Windowsin dhe produktet e tij, siç bën edhe Apple për të sajat, etj. Mendoni për një virus kompjuteri. Po të kishim ne kodin burimor të virusit, ne do të dinim saktësisht çfarë ai bën, dhe do të mund ta ndalnim lehtë. Krijuesit e viruseve, Microsofti, Apple dhe të tjerët nuk e bëjnë kodin e tyre publik, që do të thotë se askush nuk mund të thotë se çfarë bën softueri i tyre.
Megjithatë ka krijues të softuerëve në mbarë botën, të cilët besojnë se secili e ka të drejtën të dijë saktësisht çfarë është duke bërë softueri në kompjuterin e tyre. Ata jo vetëm që i lirojnë versionet “e paketuara” të softuerëve por edhe më me rëndësi, këta njerëz e bëjnë kodin burimor të softuerit të tyre të disponueshëm për secilin. Kjo quhet “open source” (burim i hapur). Një shembull i shkëlqyeshëm i softuerit me burim të hapur është Mozilla Firefox një shfletues i lirë uebi për Linux, Windows dhe OSX, i cili është i sigurt.





Në esencë ju mund t’i besoni vetëm softuerit me burim të hapur, sepse është në dispozicion për çdokënd të lexojë në mënyrë njerëzore dhe të shoh saktësisht se çfarë bën softueri. Për këtë arsye qeveritë, agjencitë tjera, shkollat dhe individët në mbarë botën janë duke kaluar në sigurinë e softuerit me burim të hapur (dhe këtë duhet ta bëni edhe ju!).

[ReniX]

Richard Stallman gjithmon ka luftuar dhe lufton per softwarin e lire! Open source.

Dhe po te besh shume llogari si pershembull Canonical (shperndarsi Ubuntu), RedHat (linux), PHPBB (forum) Mozilla (Firefox-Thunderbird) etj jane shoqeri qe bazohen ne sherbimet open source.

Ne keto shoqeri punojne persona qe kohen e lire ja kushtojne kodit dhe korigjimit te gabimeve por ka dhe persona qe punojne fiks dhe paguhen. Fitimet me te medhaja i marrin nga sponosr te ndryshem ose nga suporti qe ofrojne per produktin e tyre falas.