Pasojat e përdorimit të celularit

[Erinaa]

Nga një studimi i ri i Institutit Kombëtar të Shëndetësisë, një bisedë një orëshe me telefon celular shkakton rritje të aktivitetit biokimik tek përdoruesi.
Studimi nuk thotë nëse kjo është një gjë e mirë apo e keqe për shëndetin, por ai ka ringjallur debatin mbi sigurinë e telefonave celularë dhe ka bërë që të ndërmerren studime të tjera mbi efektet e telefonit celular tek truri.

Për secilin prej nesh, është vështirë të mendohet jeta pa celular. Dhjetëra vite studime mbi radioaktivitetin e celularëve që mund të shkaktojë tumore nuk kanë sjellë rezultate përfundimtare. Nderkohë kompanitë e telefonave celularë ngulin këmbë se përdorimi i tyre nuk përbën problem.
Studimi i ri i Institutit Kombëtar të Shëndetësisë nuk i ka dhënë zgjidhje debatit, por ofron disa të dhëna që mund të studiohen më tej.

Në studim, mjekja Nora Volkow dhe kolegët e saj në Institutin Kombëtar të Drogave ka testuar 47 persona të shëndetshëm gjatë një periudhe 1 vjeçare.
Pjesëmarrësit kanë vendosur celularin në veshin e djathtë dhe të majtë. Njëri nga celularët mbahej i aktivizuar por volumi i ishte ulur fare, kurse tjetri ishte fikur.

Më pas pjesëmarrësit u testuan me celularë të fikur. Ndërkohë që personat mbanin celularin në vesh, truri i tyre skanohej duke përdorur teknika të sofistikuara. Volkow thotë se truri i skanuar tregonte rritje të aktivitetit metabolik në qelizat që ishin më afër celularit.

�Pjesa e djathtë e trurit që ishte afër antenës tregonte rritjen më të madhe të metabolizmit në krahasim me kohën kur celulari ishte i fikur. Megjithëse radio frekuencat që vijnë nga teknologjia e celularit janë më të dobëta, ato janë të afta të aktivizojnë trurin e njeriut që ai të prodhojë efekt.�

Efekti i kësaj ishte një rritje prej 7% në një ritëm në të cilin qelizat e trurit më afër antenës së aktivizuar të celularit shndërronin sheqerin në energji, një aktivitet normal.

Eksperti i mjekësisë bërthamore dr. Giuseppe Esposito, thotë se studimi tregon qartë se sinjalet e telefonave celularë mund të aktivizojnë qelizat e trurit.

[gjendar]

qfar ti bejm pat e nuk pat pasoja ne nuk bejm dot pa te.