2pac është gjallë?!

[Erinaa]

Një prej reperëve më prominentë në histori të muzikës, Tupac Shakur është gjetur shëndoshë e mirë në Zelandën e Re, njoftojnë mediat lokale nga shteti oqeanik.
Qyteti i vogël, emri i të cilit nuk dihet për shkaqe sigurie, besohet të jetë vendi ku janë strehuar prej disa vitesh Tupac dhe Biggie Smalls, një tjetër reper, njofton portali PBS.

Një banor vendas, David File, që së fundmi ka ndërruar jetë, kishte lënë dëshmi dhe raporte të një vizite të Tupac në ditarin e tij, ditar që File ka kërkuar t’i dërgohet familjes në SHBA.






“Ne jemi fascinuar kur kemi parë se çfarë ka lënë prapa David. Ne kemi menduar se është më mirë që bota ta di të vërtetën pasi që nuk ndjejmë se kjo duhet të mbahet e fshehtë”, tha një prej motrave, 31 vjeçarja Jasmine.

28 vjeçari i ndjerë, David, së fundmi ishte viktimë e një prite nga gangsterë të njohur lokalë. Pasi mori disa plumba në trup në rrugë nga puna për në shtëpi, David ishte shpallur i vdekur, teksa policia gjeti ditarin pranë shtratit të tij.

“Natyrisht se nuk e kemi lexuar këtë ditar. Ne kemi respektuar vendimin e Davidit për ta dërguar ditarin në adresën e caktuar në SHBA”, theksoi një prej zyrtarëve policorë zelandezë.



Policia ka mbyllur të gjitha pistat e hetimit dhe nuk dëshiron të spekulojë mbi atë se nëse Tupac ose Biggie ishin transportuar në një vend apo regjion tjetër. Banorë të thjeshtë kanë refuzuar të flasin për atë se pse reperët ishin mbajtur të fshehur. Një banor tha: “Ne këtu nuk flasim për këtë çështje”.

Vëllai i David, Jason, ka kërkuar që një pjesë e ditarit të David të bëhet publik në tentim për ta deshifruar atë.

“Në fund të ditarit, Jason shkruan – ‘yank up as a vital obituary’. Ne nuk kemi qenë në gjendje ta kuptojmë çfarë do të thotë kjo”, theksoi Jason.

Reperi Tupac Shakur besohet të jetë vrarë në vitin 1997 gjatë një prite të organizuar nga rivalë të tij. Ka shumë të tillë që besojnë se ai ende është gjallë, ndërsa edhe 14 vjet pas vdekjes së tij nuk dihet autori i vrasjes së gjeniut të repit, ashtu si shkaqet apo vërtetësia e aktit vandal që hyri në historinë e industrisë muzikore amerikane.

E plotësuar - Burimi ku është marrë ky artikull është shumë serioz. Këtë fakt e vërteton edhe faqja zyrtare e WikiLeaks në Twitter, që konfirmon lajmin e faqes binjake, PBS, se Tupac është parë i gjallë në Zelandën e Re.

E plotësuar - Po ka zëra se faqja në fjalë, PBS, është hakuar dhe lajmin e kanë shkruar disa hakerë të cilët kanë dashur të zgjojnë vëmendjen e botës me anë të një storie të pa vërtetë.

[Kliton]

Haha faqja eshte bere nga hakeret,nuk eshte e ver8