Adriatik apo Jon? Pse jo qe te dyja ne Vlore?

[labja]

“Sa më shumë ta njohësh, aq më shumë ke dëshirë të rikthehesh”. Nuk e di pse më mbeti gjatë kjo frazë thënë kalimthi nga një shqipfolës, që prej vitesh jetonte në Itali. Ndoshta përballja çdo ditë me qytetin tim, më harron në vazhdën e indiferencës për detaje që syri i një të ardhuri do t’i prekte shumë më lehtë. Një guidë, pse jo… një motiv i mirë për ta njohur më tepër, e për t’u rikthyer. Vlora është gjithmonë mikpritëse. Së fundmi, lidhja me Vlorën mund të bëhet nga autostrada, pjesa hyrëse e së cilës kalon në vendin që njihet si “Pusi i Mezinit”. Rrugës për në Vlorë ju mund të shijoni panoramën e kurorave të ullinjve dhe lagunës së Nartës.

Si mund të lëvizësh në Vlorë

Transporti urban ka një zgjerim të dukshëm të linjave këtë vit. Për zonën e bregdetit janë në funksionim linjat e Plazhit të Vjetër, Ujit të Ftohtë si dhe Kalaja, kjo e fundit një zonë e preferuar për plazhim në bregun e Jonit. Frekuenca e mjeteve urbane për këtë të fundit është çdo një orë. Të gjithë tarifat për linjat e plazhit janë 30 lekë. Për zonën Skelë- Uji i Ftohtë-Radhimë operojnë mjete furgon, me një tarifë prej 50 lekësh. Vendqëndrimi i tyre ndodhet pranë rreth rrotullimit në Skelë. Nga ana tjetër, vendndodhjet e taksive në Vlorë janë kryesisht pranë xhamisë, në hyrje të qytetit, pranë Spitalit, tek posta qendrore, në zonën e Kalit të Trojës, Posta e Çoles, Skelë ose pranë Ujit të Ftohtë. Tarifat për to variojnë sipas distancës së përshkruar, por bëni mirë të pyesni për çmimin përpara se të hipni në taksi. Sezoni turistik i jep të drejtë kujtdo që të abuzojë me çmimin dhe mund ta gjeni veten duke paguar mbi 1000 lekë të reja për një rrugë që zakonisht nuk do të paguanit as gjysmën!

Çfarë të vizitosh në qytet?
Pranë qendrës
Monumenti i Pavarësisë në Sheshin e Flamurit, muzeu historik, muzeu etnografik, rruga “Justin Godart”, veshje me kalldrëm dhe ndërtesa të vjetra.
Me interes është godina e xhamisë së Plumbit, ndërtuar nga arkitekt Sinani në vitin 1541, shumë pranë qendrës së Vlorës, aty ku nis bulevardi në drejtim të Skelës. “Ky objekt është ndërtuar sipas stilit klasik të arkitekturës islame dhe është i tipit të vogël monumental”
Në orët ku rruga kryesore zaptohet nga fluksi i automjeteve, mund të përdorni rrugën “Transballkanike”, paralel me bulevardin kryesor, që lidh pjesën hyrëse të qytetit me zonën e Skelës, por edhe me zonën e Plazhit të Vjetër, Pyllit të Sodës dhe Zvërnecit.


Kalaja e Kaninës
Renditet ndër më të vjetrat kala të rrethit, ndërtuar në shekullin III para Krishtit. U rindërtua përsëri nga perandori Justinian në shek VI të erës sonë dhe në shekullin XI kishte një qendër të njohur peshkopate. Nga qyteti i Vlorës rruga është rreth 20 minuta. Pranë kësaj zone gjendet lokale të tipit bar dhe restorant. Nga këta të fundit mund të shihet i plotë qyteti. Panorama është e këndshme sidomos në perëndim dhe mbrëmje.


Kuzum Babaja
Është një “ballkon” i këndshëm, nga ku mund të vëreni Vlorën, Për të shkuar aty ka tre rrugë të ndryshme, një prej të cilave ku mund të ecësh vetëm në këmbë, nëpërmjet 344 shkallëve që ngjitin pjesën ballore të kodrës. Lart saj ndodhet teqeja, ndërsa në një gjelbërim të plotë lokali te kjo pikë.

Zvërneci
Ju mund të shkoni aty duke marrë rrugën drejt Plazhit të Vjetër. Rruga deri tek Manastiri i Zvërnecit është e asfaltuar. Më tej ndodhen disa pika për plazhim, ku ndërpritet asfalti, por mund të udhëtohet për aty me çdo lloj automjeti. Në shkëmbinjtë e mëdhenj që ndodhen në det, duket sikur flet lashtësia: gjurmë të saj, të çara shkëmbinjsh, forma nga më të çuditshmet… Uji është kristal, në thellësi që shkallëzohet butë. Poshtë njërit prej shkëmbinjve dallohen qartë dhe plazhet e tjerë, me rërë të imët e ujë po kristal: plazhet e Dajlanit e Porta Nova.
Në Plazhin e Vjetër, Triport, Zvërnec dhe zonën e Dajlanit të vogël, ka disa lokale, thuajse të gjitha me bazë prodhime deti, furnizuar kryesisht nga peshkatarë të zonës.



Për t’u frekuentuar
Plazhi i Ri -Është plazhi më i madh dhe më i populluar në Vlorë. Plazh ranor me sipërfaqe ujore të cekët, tepër i përshtatshëm për familjarë dhe fëmijë. Është publik dhe mirëmbahet nga Bashkia Vlorë. Një pjesë e çadrave janë falas.
Plazhi tek Vilat- Bregdeti është me gurë dhe zhavorr të imtë në disa pjesë të tij, kryesisht në brezin e parë. Shtrihet fill pas tunelit në Ujë të Ftohtë.
Plazhet te Kalaja – Plazhe ekzotike me zhavorr dhe ujë të pastër, frekuentohet kryesisht nga të rinjtë. Vend ideal për shëtitje me varka.


Plazhi i Jonufrës
Edhe ky është ndër më të veçantët për nga pamja e tij, panoramë shkëmbinjsh, ujë kristal, ndërsa bregu është një ndërthurje zhavor i imtë dhe gurë. Mbi plazhin shihet gjelbërimi i kodrës së Jonufrës. I frekuentuar për hapësirat që ka, por edhe një vend ideal për të apasionuarit e hedhjeve nga shkëmbinjtë e shumtë që ka në të.

Plazhet e Radhimë- Orikum
Janë kryesisht me bregdet me gurë dhe zhavor të imtë. Deri në Orikum ka shumë të tillë, ku ndërthuren plazhe të vogla, por edhe ata shkëmborë. Plazhe me ujëra kristal rrethuar nga kodrat e gjelbëruara të Radhimës. Në të gjithë vijën bregdetare Radhimë-Orikum gjenden plazhe të mirëmbajtura nga hotelet buzë detit janë të përshtatshëm për të gjithë llojet e pushuesve.

[MAJDI]

SA vjet ka ajo fotoja e ures se Zvërneci se kur kam qen un ka qen gjysem ura duke ren

[labja]

e zem se ke ardh para 3 vjetesh ti....sa sekonda kan kaluar qe ather ....do thuash ti ca lidhje kan sekondat
vlora ndryshon cdo sekond vlla

[MAJDI]

e zem se ke ardh para 3 vjetesh ti....sa sekonda kan kaluar qe ather ....do thuash ti ca lidhje kan sekondat
vlora ndryshon cdo sekond vlla

jo se tallesh ti

[ReniX]

Ishalla nuk ndryshon Vlora :S se po ndryshoj do vej per keq :S

Labja, ku eshte ai vendi me ate uren prej druri te gjat?

Flm per keto informacione, do duhen tja japim ndonje te huaj

[labja]

ne zvernec esht.....jo te pjesa ku behet plazhi...kalon nga tj rrug

[MAJDI]

Reno me nje aparat fotografik edhe semani del si dubai

[ReniX]

Reno me nje aparat fotografik edhe semani del si dubai

dhe cik photoshop ne mes

ata pjesen ne Sverrnec nuk e gjeta! Kismet per vitin tjeter!