Kanuni i Lekë Dukagjinit

**vaaldr1n** · 11-10-2011, 01:08 AM

Kanuni i Lekë Dukagjinit ose kanuni i malësisë është përmbledhja e ligjeve, rregullave, zakoneve shqiptare të Shqipërisë së Veriut në një libër, në rrjedhën e disa qindvjeçarëve, para dhe pas jetës së Lekë Dukagjinit.

Thelbi i Kanunit të Lekë Dukagjinit janë fjalët e urta të dala nga goja e tij, që u ruajtën (dhe u pasuruan) brez pas brezi për gati gjashtë shekuj.

Ata janë përçuar gojarisht nga brezi në brez. Ligjet e "Kanunit" kane shërbyer për më shumë se pesë qindvjeçarë si mënyra e themeltë e sjelljes shoqërore dhe vetëqeverisjes për klanet e Shqipërisë së Veriut, edhe atëherë kur rajoni sundohej nga Perandoria Osmane. Rëndësia e Kanunit në historinë e popullit shqiptar mund të mbivlerësohet pak, por rregullat dhe normat e tij vazhdojnë ende të ushtrojnë një ndikim të ndjeshëm ndër shqiptarët që jetojnë në Shqipëri dhe Kosovë, si edhe në vendet tjera në të cilat kanë shtegtuar shqiptarët.

Forma e parë e tij e shkruar i referohet Lekë Dukagjinit edhe pse ka ekzistuar që më përpara. Libri i Kanunit të Lekë Dukagjinit u mblodh dhe u pajis nga At Shtjefën Gjeçovi gjate viteve 1910-1925.

Kanuni i Lekë Dukagjinit u përkthye fillimisht në gjuhën italiane, pastaj serbisht, frëngjisht, rusisht, anglisht dhe në ndonjë gjuhë tjetër.

Gjithsej janë gjashtë kanune "Kanun'i vjetër", "Kanuni i Lekë Dukagjinit", "Kanuni i Çermenikës", "Kanuni i Papa Zhulit", "Kanuni i Labërisë" dhe "Kanuni i Skënderbeut" ose ndryshe "Kanuni i Arbërisë".

Kodi i Leke Dukagjinit është i përbërë nga 12 libra dhe rreth 1200 nene.

Katër shtyllat e Kanunit janë :

Nderi
Mikpritja
Sjellja
Fisi

(Burimi: Wikipedia)

Ata qe kane deshire ta lexojne, mund ta shkarkojne ne formatin.pdf (hapet me Adobe Reader ose me Google Chrome)

Shkarko

**smocking2** · 11-10-2011, 08:50 AM

kam qene perher kurioz ta lexoja njeher kanunin e lek dukagjinit...shum flm iceman...

**MAJDI** · 11-10-2011, 03:41 PM

Sa inat e kam Kanunin

**Nerti** · 27-10-2011, 12:52 PM

edhe une kam qene gjithmone e interesuar ta lexoja,por nuk e dija qe ishte perkthyer edhe ne gjuhe te tjera......shtyllat e kanunit jane shtyllat qe nje njeri duhet ti kete ne jete,,por pavaresisht se ne shqiperi cdonjeri e modifikon si te doje edhe ne fund thote...""""keshtu e ka kanuni"""......