Nëna helmon fëmijët

[carolina]

Nëna helmon fëmijët me gjellën
që kishte përgatitur për burrin

Hodhi një medikament, për të larguar të shoqin nga alkooli

Nëna helmon fëmijët në përpjekje për të larguar të shoqin nga pija.

Vëlla e motër,17 dhe 14 vjeç janë helmuar të shtunën në mbrëmje, pasi kanë * ngrënë gjellën që nëna kishte përgatitur
në drekë për babanë. Sipas të afërmve, nëna e Romir *dhe Lorena Likës kishte hedhur në gjellë një medikament kundër alkoolit, duke
planifikuar se këtë gatim do ta hante vetëm i shoqi, një punëtor ndërtimi i alkoolizuar prej vitesh. Sipas burimeve spitalore të qytetit të Fierit,
mësohet se dy fëmijët janë dërguar me urgjencë në spital rreth orës 19:30 të së shtunës.
“Kanë qenë prindërit dhe disa të afërm që i shoqëronin. Si fillim, ndërhyrja e menjëhershme është kryer te vajza 14-vjeçare, Lorena Lika, e cila paraqitej më rëndë dhe pak minuta më vonë ka qenë vëllai i saj, Romir Lika, ai që ka rënë në gjendje kome si shkak iintoksikimit”, tha për gazetën “Shqip” toksikologu Kilo Stoja.
Mjeku, gjithashtu, ka pohuar se përveç lavazhit, si dhe dy perfuzioneve serumi 1000 cc, mbi dy fëmijët e familjes Lika nuk është kryer asnjë ndërhyrje tjetër, pasi gjendja e tyre mjaft e rëndë i ka detyruar mjekët e spitalit të Fierit t’i dërgojnë dy fëmijët drejt Tiranës, për një trajtim më të specializuar.
Vajza 14 vjeçe është shtruar në spitalin e fëmijëve në Tiranë, ndërsa vëllai i saj në Spitalin Ushtarak.Deri dje në mbrëmje, të dy
fëmijët ishin në gjendje të rëndë, në luftë mes jetës dhe vdekjes. Toksikologu Kilo Stoja ka pohuar gjithashtu për gazetën se: “Ende nuk është
mundur të nxirret zyrtarisht shkakui intoksikimit, pasi të dy të helmuarit kanë qëndruar vetëm për 30minuta në spitalin e Fierit dhe janë
përcjellë për në Tiranë, kohë kjo e pamjaftueshme për të nxjerrë një shkak konkret. Por të afërmit e dy fëmijëve, të cilët kishin mbushur
korridoret e spitalit na treguan diçka mbi helmimin”, tha mjeku Stoja.
Helmimi i rëndë i dy fëmijëve ka bërë që të vihen në lëvizje edhe organet e policisë dhe prokurorisë. Gjatë paradites së djeshme, në spitalin e Fierit *ka shkuar një grup hetimor, i cili ka marrë në pyetje mjekët e urgjencës dhe specialistin toksikolog, Kilo Stoja.
Pista kryesore mbi të cilën po punojnë hetuesit, është intoksikimit i fëmijëve nga një medikament kundër alkoolit, që nëna e fëmijëve e kishte hedhur në gatim.
“Nëna e fëmijëve, e pafuqishme për ta bindur të shoqin e alkoolizuar të heqë dorë në mënyrë të vullnetshme nga alkooli, ka gjetur zgjidhjen, duke shkuar në një farmaci të lagjes “15 Tetori” ku banon dhe ka marrë medikamentin kundra alkoolit. E ka hedhur atë në gjellën e darkës,
ndërkohë që fëmijët ndodheshin te gjyshërit. Por vajza dhe djali janë kthyer në mbrëmje dhe pa e pyetur nënën kanë ngrënë gjellën që ajo
kishte përgatitur. Në gjellë duhet të ketë pasur sasi të madhe të atij medikamenti që përdoret kundër alkoolit çka ka bërë që fëmijët të helmohen
rëndë”, tha dje oficeri i policisë gjyqësore që po heton këtë ngjarje.
Ndërkohë, policia nuk përjashton mundësinë e arrestimit të nënës, e cila me veprimin e saj ka rrezikuar seriozisht jetën e fëmijëve.
“Po hetohen familjarët. Është marrë mostër e gjellës helmuese, si dhe menjëherë pas përmirësimit të gjendjes shëndetësore të fëmijëve,
mund të ketë edhe arrest të autorit të këtij helmimi”, tha një nga anëtarët e grupit hetimor. Familja Lika jeton në lagjen “15 Tetorit” të qytetit të Fierit. Gjendja ekonomike e familjes me katër anëtarë është mjaft e dobët. Babai i dy fëmijëve të
helmuar është punëtor ndërtimi dhe njihet prej vitesh si person i alkoolizuar.
Vajza 14 vjeçe, Lorena, është nxënëse në klasën e tetë të shkollës “Mark Dashi”, ndërsa vëllai i saj, Romiri, ka mbaruar shkollën tetëvjeçare dhe nuk ka mundur të vijojë arsimin e mesëm, pasi për shkak të gjendjes ekonomike të familjes është detyruar të punojë në ndërtim, me babanë.

VAJZA
Lorena, 14 vjeçe,
nxënëse e klasës së
tetë, mbërriti në
spital në gjendje
kome. Ajo ndodhet
ende në gjendje të
rëndë në spitalin e
fëmijëve në Tiranë

DJALI
Romiri, 17 vjeç, u
dërgua në gjendje të
rëndë në Spitalin
Ushtarak të Tiranës.
Ai ra në koma disa
minuta pas të
motrës, kur e çuan
në spital

[daku323]

Po kjo nena e ketyre paska qen kontrabande fare! Po gjithe gjellen e kishte bo me ilac ajo re?

Gjynof per kalamajte e shkrete, dhe i uroj sherim te shpejte!

[ReniX]

sherim te shpejte per femijet