Sa shpenzojnë adoloshentët për mbrëmjen e maturës !!

[labja]

Mbrëmjet e maturës nuk kanë pyetur as për kriza financiare, as për diktatura!
Të paktën një natë të vetme, vajzat dhe djemtë kërkojnë, si në kohëra rregjimesh totalitare, si në kohëra krizash financiare dhe ekonomike, të jenë sharmante, elegantë, ndjellëse, dhe të imitiojnë jetën prej të rrituri në luks!

Në atelienë e stilistes Anila Konomi ka dhjetëra të rinj që këto ditë i kanë zaptuar kohën, por edhe fantazinë e stilistes. “Në kohën time, sigurisht ne nuk kishim asnjë mundësi për t’u konsultuar qoftë me një stiliste apo stilist që nuk ekzistonin, apo qoftë dhe me një rrobaqepës, nëse donim që në mbrëmjen e maturës të ishim të veçanta, origjinale dhe të papërsëritshme”, kujton Konomi për maturën e vitit 1979. Ajo, si nxënëse e Teknologjikes shkoi e veshur me një palë pantallona kauboj me plot 20 xhepa, me një këmishë të ngushtë e të hapur vetëm në shpatulla, bardh e zi, e me sandale që i kishte sajuar vetë, duke marrë elementë apo copa lëkure nga këpucë të tjera të vjetra e duke shfaqur edhe prirjet e para si stiliste, pikërisht duke sajuar vetë sandalet moderne, pantallonat “dekadente” e këmishën seksi me të cilat. Njëkohësisht, sfidonte edhe rregjimin. Aq sa kur u detyruan t’i japin diplomën, nuk harruan edhe ta qortonin për dekadencë.




Sot, imitojnë Rihanën, Jonida Maliqin dhe Ricky Martin

Sipas Anila Konomit, së cilës këto dy muajt e fundit i është dashur të punojë jo pak me veshjet e vajzave dhe djemve që kërkojnë një mendim dhe një produkt cilësor për mbrëmjen e maturës, vajzat imitojnë kryesisht Rihanën, Lenën e Eurovizionit, Kety Perry e Jonida Maliqin. Meshkujt, deri një vit më parë imitonin Ricky Martin, derisa morën vesh që ai ishte homoseksual e kësisoj pothuajse askush prej atyre që shkon te një stiliste nuk thotë se kërkon të vishet si ai…
“Vijnë me ide të qarta, zakonisht më tregojnë fotografi personazhesh të famshëm, kryesisht këngëtare apo këngëtarë dhe kërkojnë fustane apo veshje të ngjashme”, pohon stilistja Konomi. Ajo ka vënë re se vajzat që kanë studiuar nëpër kolegje, apo shkolla të mesme që kanë qenë strikte me rregullin e uniformës, kërkojnë për mbrëmjen e maturës fustane të gjata. Ndërsa të tjerat nuk e kanë problem të zgjedhin dhe një fustan të shkurtër për mbrëmjen e maturës. “Duan të jenë praktike atë natë, kërkojnë fustane që edhe nëse janë të ngushta e të shkurtra, të paktën të jenë praktike”, pohon stilistja. Ato vërtet shkojnë te stilistja me një ide dhe një propozim, ama janë dhe klientet që mund të “binden” më kollaj duke pranuar edhe më kollaj mendimet e sugjerimet e stilistes. “Në rastet e mbrëmjes së maturës, unë personalisht përpiqem të jem sa më afër kërkesave personale të maturanteve, por nga ana tjetër tentoj t’u sugjeroj atyre dhe stile që mendoj se mund t’u shkojnë më tepër në varësi të karakterit apo imazhit që shfaqin”, thotë Konomi.
Në rastet e djemve, puna është më e kollajtë! “E dinë çfarë kërkojnë, që në fillim dhe nuk humbasin kohë”. Nuk duan të kenë një kostum tipik, me kollaro e këmishë e këpucë lustrafinë! Duan të jenë sa më sportive”. Detajet i kopjojnë dhe tentojnë që dallimin apo origjinalitetin t’ia japin veshjes së vet pikërisht përmes detajeve”, pohon Konomi.




Matura më e shtrenjtë

Matura 2011 do të mbahet mend ndoshta si matura më e kushtueshme për momentin, por ndoshta dhe më e lirshmja dhe më komodja, përsa i përket fantazisë në të veshur, në t’u trukuar e në të modeluarit të flokëve.
Maturantët e sivjetshëm, të paktën ata në Tiranë, shpenzojnë deri në 500 mijë lekë të vjetra vetëm për veshjen, diku tek 80 mijë për flokët e grimin, e deri në 70 mijë lek për darkën. Për të mos folur pastaj për shpenzime të tjera që vijojnë pas mbrëmjes zyrtare: karburanti për makinën që i çon në plazhin e Durrësit ku duket se është shndërruar gati si në një procesion tradicional larja në mëngjes me rroba veshur, lekët për alkoolin që konsumojnë pas mbrëmjes, shumë prej tyre edhe lekët për marihuanën, apo kokrrat ekstazi, e disa më të guximshëm edhe për dhomën në hotel…
Në total, një maturant apo maturante që kërkon në vitin 2011 të shijojë në maksimum jetën prej të rrituri “mondan”, “kushton” deri në 800-900 mijë lek brenda një nate të vetme. Një shifër kjo që sipas sistemit zyrtar të pagave buxhetore, e kalon edhe rrogën mujore të një drejtori në një nga Ministritë e qeverisë!

Menjëherë sapo përfundojnë këtë mbrëmje të kushtueshme, për prindërit mbetet edhe hall më vete, edhe detyrim investimi për të ardhmen e tyre! Shumica preferojnë universitetet publike, në varësi edhe të rezultateve të Maturës Shtetërore, ndërsa ata që kanë më shumë mundësi financiare dhe më shumë pretendime, e dinë që nga muaji shkurt apo mars i këtij viti nëse janë pranuar apo jo nëpër universitetet europiane. Shumë të tjerë, e kanë zgjidhur stresin e pritjes së një përgjigje, duke zgjedhur universitete private. Në fund të fundit, kemi të bëjmë me disa qindra mijëra të rinj që e meritojnë të jenë një natë të vetme princër e princesha të kësaj shoqërie, derisa të marrin vetë mbi supe disa preokupime që sot akoma nuk i kuptojnë…

[erinda]

Sot ndoshta,vajzat i kushtojne rendesi shume pamjes se jashtme dhe nuk eshte se presin shume maturen per te bere disa ndryshime.

sic ndodhte para disa vitesh kur mbarova une gjimnazin,me kujtohen disa detaje,qe sot jane per te qeshur,ose absurde!

p.sh une dhe nje pjese e mire e vajzave te moshes sime,per here te pare lyem floket per mbremjen e matures,ose "rregulluam ose ngacmuam vetullat,hahhahaa

Sot vajzat bejne si te thuash gare me njera-tjetren,kush te shpenzoj me shume,ndersa para 8-9 vitesh nuk shikohej shume kjo pjese,por me teper kujtonim kohen se si do

largoheshim dhe nuk do takoheshim me,fjala binte,sepse sot takohemi shpesh,per te mos thene c'do dite!

se di e kujtoj me mall mbremjen e matures,sepse aty ndryshoi fiziku i ne femrave per here te pare,madje kishim dhe lejen e nenave qe vetem per mature lejohej te permirsonim pak pamjen hahahaha

nuk di te kem shpenzuar kaq shume,sic flet teksi me siper,por di qe per here te pare,pas ores 5 te mengjesit jemi mbledhur te gjithe si shoqeri jashte dhe kemi qare per njeri tjetrin,hahahahaha nuk e harroj kurr,madje kishte dhe nga ata,qe sikur ishte fund i botes,me ne fund plasen si kokoshkat,dhe na shprehnin dashurine,hahahaha

momente te pa harrushme,jo si sot,qe nuk kane piken e lidhjes mbremjet e maturave!

[vaaldr1n]

ajo nate mbahet ne mend gjith jeten! Ja vlen te shpenzosh per te!!