Punët më të dëmshme për shëndetetin

**olsii** · 10-05-2012, 12:48 PM

Një hulumtim i fundit i Universitetit Southern California ka nxjerrë listën e profesioneve që shkatërrojnë shëndetin më shumë nga të tjerët:

Punët në këmbë –artriti

Punët që kërkojnë qëndrimin konstant në këmbë janë të lidhura me artritin e shputave, ndërsa mësimdhënësit dhe profesorët janë grupet më të rrezikuara sepse shumicën e kohës së punës e kalojnë në këmbë. Për të lehtësuar pasojat, shkencëtarët rekomandojnë veshjen e këpucëve të rehatshme me shtresa anatomike, ndërsa takat e larta duhen të shmangen me çdo kusht.

Ushtarët – stresi

Një nga faqet më të mëdha amerikane të Internetit për kërkim të punës, Career Cast, ka renditur shërbimin aktiv të ushtrisë në vendin e parë të profesioneve më stresuese. Zjarrfikësit ishin të dytët, ndërsa pilotët komercialë të tretët. Lista është krijuar ashtu që janë shikuar faktorët si impenjimi fizik, rreziku jetësor, konkurrenca, afatet dhe puna me njerëzit tjerë.

Valltarët – divorci

Universiteti Radford në vitin 2000 ka kryer studimin i cili ka treguar që në mes personave që profesionalisht merren me vallëzim është shkalla më e lartë e ndarjeve në martesa, madje 43 për qind e valltarëve janë të ndarë. Në listë pasojnë kamerierët dhe banakierët me 38 për qind, pullazxhinjtë me 27 për qind dhe marinarët me 26 për qind.

Punëtorët e ndërtimtarisë – probleme me mushkëri

Thithja e pluhurit gjatë kohës së punëve ndërtimore mund të shkaktojë shumë komplikime me sistemin e frymëmarrjes, nga kanceri i mushkërive deri te azbestoza dhe mezotelioma. Shkencëtarët nga Universiteti Oregon State kanë vërtetuar që sëmundjet respiratore janë shkaktarët kryesorë të të gjithë sëmundjeve të lidhura me punën. Simptomat më të shpeshta janë presioni në gjoks, kollitja, mungesa e frymës dhe frymëmarrja e çrregullt.

Kujdestarët – depresioni

Njerëzit, të cilët i fitojnë të ardhurat dujke u kujdesur për të tjerët, për shembull kujdesi në shtëpi, janë më të ekspozuar ndaj depresionit. Madje 11 për qind e personave të punësuar në këtë degë të mjekësisë kanë pasur sulm kronik të depresionit, ndërsa shkencëtarët thonë se si ndjenja e pafuqisë, respektivisht ideja që nuk mund t’i ndihmohet një personi të sëmurë, është fajtori kryesor.

Puna me ndërrime – probleme me gjumë

Shumë studime kanë treguar që puna me ndërrime mund të shkaktojë vështirësi të ndryshme shëndetësore, por të gjitha e kanë identifikuar një sëmundje të njëjtë – problemet me gjumin. Ritmi i çrregulluar i gjumit dhe zgjimit mund të nxisë mungesën e energjisë, dhimbjet e shpeshta të kokës, koncentrimin e vështirësuar dhe ndryshimet në disponim, ndërsa gjendja e keqe e tillë e trupit dhe mendjes rrit shanset nga gabimet dhe fatkeqësitë.

Puna jashtë orarit – depresioni

Në krahasim me orarin normal të punës prej 7-8 orë në ditë, puna më shumë se 11 orë në ditë rrit dyfish shansin nga sulmi i fortë i depresionit. Deri te kjo e dhënë alarmante kanë ardhur shkencëtarët finlandezë dhe britanikë të cilët gjashtë vjet kanë vëzhguar shëndetin metal të më shumë se gjashtë mijë punëtorëve.

Të gjitha punët kanë përparësitë dhe të metat e tyre, por disa profesione veprojnë absolutisht në mënyrë shkatërruese në shëndetin tonë psikofizik

**Arjol** · 10-05-2012, 08:22 PM

"shëndetetin" eshte shkrujt gabim

Puna me nderrime eshte e veshtire

**labja** · 10-05-2012, 10:03 PM

Valltarët – divorci

Universiteti Radford në vitin 2000 ka kryer studimin i cili ka treguar që në mes personave që profesionalisht merren me vallëzim është shkalla më e lartë e ndarjeve në martesa, madje 43 për qind e valltarëve janë të ndarë. Në listë pasojnë kamerierët dhe banakierët me 38 për qind, pullazxhinjtë me 27 për qind dhe marinarët me 26 për qind.

divorci qenka i keq per shendetin ???

po bej lidhjen e titullit me kto qe jan shkruar ...
valltaret , kercimtaret kan punen me te bukur qe mund te egzistoj

Punët në këmbë –artriti

Punët që kërkojnë qëndrimin konstant në këmbë janë të lidhura me artritin e shputave, ndërsa mësimdhënësit dhe profesorët janë grupet më të rrezikuara sepse shumicën e kohës së punës e kalojnë në këmbë. Për të lehtësuar pasojat, shkencëtarët rekomandojnë veshjen e këpucëve të rehatshme me shtresa anatomike, ndërsa takat e larta duhen të shmangen me çdo kusht.

bobo : (((