E vërteta shokuese që fshihet në firmat e njohura të modës (Video)

[vaaldr1n]

Kushtet çnjerëzore të punës, që janë një përditshmëri në industrinë e tekstilit anekënd botës, është një tregim tashmë i njohur. Derisa firmat e njohura të tekstilit janë duke bërë gjithçka për të nxjerr fitime sa më të mëdha, ata më të ulëtit në rrethin “vicioz”, punëtorët, vuajnë në kushte gjithnjë e më të rënda të punës.


Ajo çfarë ndodh brenda mureve të fabrikës është e mbështjellë me një vello të heshtjes, kurse konsumatorët ende dinë shumë pak për çdo gjë.

Për një rast të tillë flet dokumentari "Sweatshop - Deadly Fashion” (Fabrika e modës vdekjeprurëse), disa pjesë të të cilit janë shfaqur në internet, e në të cilin regjisori norvegjez Joachim Kleven i fut në Kamboxhia tre të rinj, të varur nga blerja e rrobave, në mënyrë që në vend të ngjarjes t’i ballafaqojë me realitetin e hidhur. Por, pason një shok dhe mosbesim.

Dokumentari fillon me pyetjen e thjeshtë: “Çfarë ndodhë kur i dërgoni tre norvegjezë të rinj të njoftohen me punëtorët që qepin rrobat e tyre?”. Përgjigja është shumë më e rëndë sesa tre të rinjtë kanë mundur ta paramendojnë.

Çfarë jete është kjo???

“Çfarë padrejtësie, çfarë jete kanë ata njerëz”, kanë pyetur Frida, Ludvig dhe Aniken, të cilët punuan disa ditë me një ritëm të tmerrshëm, bashkë me punëtorët e tjerë të një punëtorie tekstili, transmeton Telegrafi.

“Kur biseduam me punëtorët e kuptuam se janë sikur ne, asgjë më pak të vyeshëm”, tha njëra nga vajzat, e cila pranoi se “nuk ka mundur të përballojë kushtet e tilla të punës”.

Pas kësaj përvoje shokuese tre protagonistët e rinj u angazhuan në mënyrë aktive në përmirësimin e kushteve të jetës për punëtorët me të cilët kaluan një periudhë kohore.

Aniken ndër të tjera e ka akuzuar për censurë portalin “Aftenposten”, në të cilin është transmetuar dokumentari kontrovers, sepse protagonistëve ua ka ndaluar të flasin për fabrikat e një kompanie të njohur mode.





Burimi: Telegrafi