Ateizmi si formë e re e besimit

[vaaldr1n]

Ka shumë mënyra me të cilat njerëzit ia mësyjnë ateizmit. Shumë prej tyre fillojnë në kohën e adoleshencës pas një fëmijërie të kaluar në kishë. Disa të tjerë janë të rritur në ateizëm nga prindër ateistë. E të tjerët pas vjetëve të kaluar në studimet fetare. Unë fillova me ateizmin ashtu siç hyjnë të krishterët në fenë e tyre – përmes besimit.

Isha gjashtë vjeçe, e ulur me fustanin tim me xhingla të Pashkëve. Po hidhja fasule të zeza në oborrin e shtëpisë, kur nëna ime më tregoi legjendën e Pashkëve. Ajo më tregoi kryqëzimin e Jesusit dhe ringjalljen e tij si djali i Zotit. Kur përfundoi rrëfimin e saj se kjo kishte qenë arsyeja që e shtynte atë të besonte në Zot, unë e shikova në sy dhe i thash: “Nuk mendoj se kjo ka ndodhur në të vërtetë”. Nuk isha e këtij mendimi sepse tregimi për njeriun që kthehet nga vdekja nuk kishte kuptim – Unë nuk isha fëmijë që analizoja gjërat. Ende besoja në Babadimër dhe në lepurushin e Pashkëve. Por kur fillova të kërkoj ndonjë besim në fuqi të larta, thjesht ato nuk ishin aty. Unë doja të ishin dhe të shihja se sa mirë do të ishte sikur të kishte një Zot. Por ai nuk ishte aty. Nuk është as sot. Bindjen që shokët e mi e kanë kinse Jesusi ec me ta, unë e kam se askush nuk ec me mua.

E vërteta e hidhur është se kur të vdes nuk do të ekzistoj, përveç kujtimit për ata që lë prapa, se ata që i dua do t’i humbi, por që do të jenë brenda meje. Këto janë të vërtetat e mia, edhe pse nuk më pëlqejnë. Si nënë, do të jepja gjithçka që të besoj se nëse u ndodh diçka fëmijëve të mi ata do të jetonin përgjithmonë në mbretërinë e Zotit. Por nuk e besoj këtë. Bindja ime se nuk ka Zot nuk është asgjë më shumë se mungesë besimi. Ashtu siç nuk kemi qenë të aftë që të gjejmë prova se diku ka Zot, ne gjithashtu e kemi të pamundur të themi se ai nuk ekziston, shkruan The Guardian.

E kam bindjen se nuk ka Zot për çka do që bëj, por nuk jam e inatosur për mënyrën se si disa besimtarë tentojnë të bindin se Zoti ekziston. Në mendjen time gjithmonë e kam këtë fakt – se ateizmi im është mënyrë e besimit – sepse ndryshe do të ishte shumë e lehtë të ishim kryelartë. Është e lehtë që të shikojmë aktet terroriste që po kryhen në emër të zotave të ndryshëm, debateve për rolin e femrës në kisha, rregullat dhe ritualet fetare.

Është e lehtë që ta shikojmë religjionin si sëmundje të shoqërisë. Ateizmi po rritet me të madhe kohët e fundit. Ka shumë uebfaqe të hapura për fyerjen e islamit dhe krishterimit. Kemi ateistë të famshëm që mendojnë se janë liderë dhe bëjnë thirrje për profilizimin e myslimanëve.

Si ateiste me ngjyrë, them se ateistët janë shumë racistë. Kemi mijëra ateistë që i shkojnë pas liderëve si Richard Dawkins, i cili kërcënon dhe fyen njerëzit që guxojnë ta pyesin për besimin e tij. Ueb-faqet e reja ateiste dhe të rejat në Twitter tregojnë se fetarët kanë kritikuar njëri-tjetrin për një mijë vjet me radhë. Por kur përballemi me këtë fanatizëm, ne themi “por kështu ndihem për gjitha fetë”, sikur dikush tenton ta bëjë këtë më mirë. Por besimi ynë se ne kemi të drejtë e të tjerët janë gabim; besimi ynë se ateizmi është më i moralshëm; besimi ynë se të tjerët janë të humbur: nuk është origjinal. Ndoshta nuk i ka fajet religjioni, por natyra njerëzore. Ndoshta mbesim vetëm me pajisjet tona dhe shfrytëzojmë fuqinë tonë për të krijuar një “tjetër” fuqi dhe të garojmë kundër saj. Ndoshta ne jemi pjesë e një sistemi që krijon hierarkitë e bazuara në klasë, gjini, racë dhe përkatësi etnike, sepse është shumë e lehtë për disa që të mbizotërojnë shumicën, transmeton Koha.net.

Ndoshta ne e kemi fajin, sepse kërkojmë sisteme sociale – qoftë krishterimin, islamin, socializmin dhe ateizmin. Nëse ne duam të lirojmë veten nga tendencat homofobike, raciste, seksiste dhe klasiste, ne duhet të shikojmë përtej religjionit. Feja nuk duhet të hulumtohet apo debatohet rregullisht. Por ne duhet të ekzaminojmë sistemet e shkollave, sistemin mjekësor dhe ekonomik. Besimi nuk është armik, dhe fjalët në libra nuk janë fajtore për mizoritë që bëjmë ne si qenie njerëzore.

Ne duhet vazhdimisht të analizojmë dhe ekspozojmë natyrën tonë si kafshë, të cilat vazhdimisht tentojnë të përcaktojnë të tjerët që të jenë të sigurt nëpër të gjitha sistemet që ne krijojmë në shoqëri. Vetëm atëherë ne do të jemi të lirë si dogma, ashtu siç pretendojmë se jemi ne ateistët.

© KOHA

[agusto]

Ateizmi shpikje e komunistve,feja per popullin ishte partia.

[vaaldr1n]

Ateizmi shpikje e komunistve,feja per popullin ishte partia.

per Shqiperine e asaj kohe po, por jo per te gjithe boten! Ateizmi, per mendimin tim, eshte nje drrejtim qe te ben te shohesh boten ashtu sic do ti, pa u imponuar nga askush dhe pa t'u servuar e gatshme asgje! Beso dhe vepro ashtu sic ti mendon qe eshte me mire per ty, pa i cenuar te drrejtat diujt tjeter, kuptohet.

[labja]

Teme shum e vjeter puna e besimit fetar,,,,edhe pse eshte e vjeter prap vazhdon te shkaktoj shum polemika , diskutime e konspiracione pa fund .
Eshte shum naivitet mendoj un , te besosh verberisht ato qe jan shkruajtur neper librat fetar,,,,libra te shkruajtur nga vet njerzit ..... Gjithsesi besimi eshte nje zgjedhje , jo zgjidhje . Feja perher i ka bere njerzit me te mir ...dhe pse ne prapaskenat e saj te thella shum gjera kan qen ndryshe...
Perpos shum gjerave , ajo qe eshte e sigurt eshte qe asgje nuk del nga asgje . Ne nuk vim nga asgjeja,,dicka na ka krijuar...
Fakti qe nuk te bindin argumentat apo "provat" e krishterimit , islamizmit , hindiuzmit etj , sdo te thot qe zoti nuk egziston .
Mbase ate dit ku sdo te kemi me fryme , do e marim vesh te verteten.....mbase jo , who knows .por ckuptim ka tja dedikosh ter jeten tende besimeve fetare , apo pyetjeve qe sdo marrin kurr pergjigje....ne vend qe thjesht ta jetosh...

[vaaldr1n]

Teme shum e vjeter puna e besimit fetar,,,,edhe pse eshte e vjeter prap vazhdon te shkaktoj shum polemika , diskutime e konspiracione pa fund .
Eshte shum naivitet mendoj un , te besosh verberisht ato qe jan shkruajtur neper librat fetar,,,,libra te shkruajtur nga vet njerzit ..... Gjithsesi besimi eshte nje zgjedhje , jo zgjidhje . Feja perher i ka bere njerzit me te mir ...dhe pse ne prapaskenat e saj te thella shum gjera kan qen ndryshe...
Perpos shum gjerave , ajo qe eshte e sigurt eshte qe asgje nuk del nga asgje . Ne nuk vim nga asgjeja,,dicka na ka krijuar...
Fakti qe nuk te bindin argumentat apo "provat" e krishterimit , islamizmit , hindiuzmit etj , sdo te thot qe zoti nuk egziston .
Mbase ate dit ku sdo te kemi me fryme , do e marim vesh te verteten.....mbase jo , who knows .por ckuptim ka tja dedikosh ter jeten tende besimeve fetare , apo pyetjeve qe sdo marrin kurr pergjigje....ne vend qe thjesht ta jetosh...

m'pelqej

edhe njekohesisht e mesova dallimin ne mes fjales "zgjedhje" dhe "zgjidhje"

Flm!

[labja]

hahaha ,,,sa her te kesh nevoj