Veshjet e pranverës (video)

[vaaldr1n]

Moda tashmë i përket rrugës. Për këtë sezon çdokush mund ta bëjë modën duke personalizuar stilin e tij, ndërthurur me thjeshtësinë.

Pasarela është kudo. Pranvera është stina e ngjyrave dhe prerjeve me stil. Hiqni nga garderoba juaj klasiken dhe takat. Çdo gjë “casual” mban emrin pranverë.

“Sa më sport këtë vit jeni aq më mirë, pra majfton të ndërthurim një palë sandale elegante me një kostum sporitv ose një bluzë të gjatë në formën e një fustani do të thoja që jeni shumë në modë. Ose në rastin që kemi një palë pantallona xhinse të stilit mekanik që janë pak a shumë trecerekshe dhe t’i vendosim një bluze e cila duhet të jetë me patjetër me një logo interesante të stampuar ose të qëndisur, po prap unë them që jeni në modë”, thotë Anila Konomi, stiliste.

Stilistët për këtë sezon kanë menduar për masat. Cohat janë të thjeshta dhe aspak të kushtueshme. Fustane pambuku, këmisha fustane, bluza të stampuara dhe atlete shumgjyrëshe ju bëjnë të jeni me stil.

“Ngjyrat që janë në modë këtë vit janë portokalli, rozë, bojqielli, pak a shumë të ëmblat, ndërsa prerjet janë të stilit viktorian”, vijon Konomi.

Këpucët janë kryesisht sandalet, sandalet e hapura, të lartat, ato me platformë dhe ato janë kryesisht të bardhadhe rozë”, thotë Nerida Cakoni, shitëse.

Sa i përket ngjyrave sezoni ju lejon të jeni kreativë. Përqafoni thjeshtësinë, çantat e shpinës dhe këpucët e rehatshme. Të tjerat lerjani stinës.

/ Top Channel