Sheshi Skënderbej, Tirane

[ema_d]

Përzgjidhen gjashtë studiot më të mira ndërkombëtare që do të vijojnë konkurrimin për Rigjallërimin e
Sheshit Skënderbej



Në datat 6, 7 dhe 8 Mars u mblodh Komisioni i Short - listimit, i cili shqyrtoi 19 aplikimet e ardhura
në adresë të Konkursit Ndërkombëtar për Rehabilitimin e Sheshit Skënderbej. Konkursi është strukturuar
si një proces i hapur në dy faza. Në Fazën I, të gjithë profesionistët që plotësonin kushtet e përcaktuara
në Detyrën e Projektimit, ishin të ftuar dhe aplikuan duke sjellë një Deklaratë Eksperience dhe një
Skicë-ide për organizimin hapësinor të Sheshit.

Komisioni i ngritur për këtë konkurs shqyrtoi 19 aplikimet e ardhura nga Hollanda, Italia, Greqia, Rusia,
Gjermania, Spanja, Franca, Belgjika, New York, Masachussets. Komisioni i Short - listimit në përfundim
të vlerësimit dhe pikëzimit, mori vendim të përzgjedhë 6 aplikues. Studiot e përzgjedhura janë:

1. Daniel Libeskind – New York

2. Architecture Studio – Francë

3. Josep Lluis Mateo – MAP Arquitectos – Spanjë

4. MVRDV – Hollandë

5. ATENA Studio & Partners - Italy

6. 51N4E - Belgium

Propozimet e zgjedhura janë të larmishme dhe mjaft premtuese për një garë tepër dinamike në Fazën e Dytë.

Finalistët e Fazës II do të përgatisin secili një projekt të detajuar që do ta dorëzojnë në fund të kësaj
faze. Faza II finalizohet me vlerësimin e Jurisë Ndërkombëtare që do të zgjedhë projektin dhe ekipin
fitues, i cili do të kontraktohet për të punuar mbi projektin e detajuar të zbatimit për Rehabilitimin e
Sheshit Skënderbej.

Gjatë fazës së dytë do të organizohen ekspozita dhe prezantime publike, dhe Bashkia e Tiranës do të
informojë publikun hap pas hapi për të gjitha fazat e konkurrimit.


10.03.2008

[Lirenti]

Bravo per kete inisjative, uroj te pakten qe projekti te shkoje deri ne fund dhe je ne xhep(leket) te ndonje politikani

Urime, dhe sa me shpejt drejtimit te Evopes...

[MUAHHH]

Do fitojne Francezet qe te fitoje leke Edi Rama