Si do të jetë Opel Astra e re?

[Lirimi-Crack]

Si do të jetë Opel Astra e re?
Siç transmetojnë mediat britanike të cilat merren me automobilizëm, Astra e re do të avancohet dukshëm, si nga pamja vizuale ashtu edhe ajo teknike, për dallim nga modeli aktual i saj. Sikur edhe paraardhësja e saj, ajo do të paraqitet me pesë dyer dhe si model sportiv me tri dyer, që do të dallojnë dukshëm.
Sa i përket brendisë, do të kemi të bëjmë me materiale më kualitative dhe me përpunim më të mirë të tyre. Duket se motorët do të pasurohet me përzgjedhje të motorëve me naftë dhe benzinë nga të cilët më i fuqishmi do të jetë dylitërshi katërcilindërsh prej 250 KF në modelin OPC, që do të duhej të ketë bosht integral në të katër rrotat.

Astra e re do të ndajë platformën me Saab-in e ri 9-1, e britanikët besojnë se do të mund të avancohej pjesa e prapme, që përfundimisht të mund të përballet me tiparet e modelit Focus të Ford-it, i cili udhëheqë në këtë klasë të automjeteve.

Astra e re do të duhej të dalë në shitje gjatë mesit të vitit të ardhshëm.