REMBRANDI ORIGJINAL SHITET SI IMITIM

[kuklla]

(MARE NGA GAZETA SHQIPTARE)
Një autoportret i Rembrandit në moshën 22-vjeçare është shitur në çmimin më të ulët të mundshëm. Shtëpia e ankandeve mendoi se ishte vetëm një imitim që i përkiste shekullit të 17-të, dhe e ka vlerësuar atë vetëm 3 milionë e 100 dollarë. Por blerësi britanik, i cili pagoi rreth 1 milionë e 500 dollarë më shumë, me sa duket e dinte se çfarë ishte duke bërë. Pas tetë muajsh, ekspertët kanë konfirmuar se “Rembrandi i qeshur”, i blerë pas një ujdie për çmimin 4.5 milionë dollarë në një shtëpi ankandi angleze, është autoportreti që mjeshtri hollandez i ka bërë vetes. Pas tij ai ka vënë përshkrimin “gazmori i shkujdesur”. Ëilliam Noortman i Noortman Master Paintings, i specializuar për artin gjerman dhe holandez, thotë se portreti vlen nga 30 deri në 40 miloinë dollarë. “Jam shumë i habitur se si nuk kërkuan më shumë në ankand”, shton ai. Piktura me përmasa 9 e ½ me 6 e ½ inç do të qëndrojë e varur në Shtëpinë muze të Rembrandit në Amsterdam duke nisur nga data 29 Qershor. Ajo është marrë hua nga blerësi britanik anonim, i cili arriti ta bënte të tijën në ankandin e organizuar nga Moore, Allen dhe Innocent në Gloucestershire. Më pas, atë ua dërgoi për pastrim dhe ekzaminim ekspertëve britanikë. Specialisti i artit Jan Six, i cili punon në një tjetër shtëpi ankandesh, në Sotheby, nuk pranon t’i vëjë një vlerësim të ri pikturës. Por ai shprehet se shitja e autoportretit ishte një mundësi e rrallë,, meqenëse veprat e Rembrandit dalin në treg njëherë në disa vjet. “Autoportreti i Rembrandit është absolutisht unik”, ka thënë Six.
Piktura
Rembrandi e ka realizuar autoportretin rreth vitit 1628, kur ai ishte në të 20-tat dhe jetonte ende në vendlindjen e tij, Leiden. Tashmë ai e kishte krijuar reputacionin e tij si artist dhe eksperimentonte me pasqyrën dhe vet fytyrën e tij për të kapur shprehje. “Ka një paraqitje të jashtëzakonshme”, shprehet Ernst van de Wetering, drejtori i Projekteve Kërkuese për Rembrandin dhe specialist i piktorëve hollandezë. “Drita e këtij auotoporteri është më natyrale nga sa mund ta mendoni... dhe më pëlqen shumë natyralizmi i të qeshurës”, shton ai.
Mendohet që piktura të jetë zotëruar nga një familje angleze për më shumë se 100 vjet, e më pas i është dorëzuar Moore, Allen dhe Innocent. Disa supozojnë se mund të jetë realizuar nga ndonjë student i Rembrandit apo imitator i tij. Van de Ëetering mendon se vlerësimi i ulët që shtëpia e ankandeve i bëri pikturës është bazuar në fotografitë e dobëta, të cilat lënë të duket shumë pak nga ndriçimi i pikturës apo thellësia e saj.
Në 23 faqe analizë të botuara nga Van de Ëetering, shpjegohet se pse është e sigurtë se ka qenë Rembrandi realizuesi i asaj tabloje. Përdorimi i furçës, konturi, materialet dhe monograma, të gjitha këto pika tregojnë qartë se në të është dora e mjeshtrit. Ndoshta fituesi i ankandit e ka pikasur se bëhej fjalë për një pikturë origjinale të Rembrandit nga monograma RHL, e pikturuar në një stil të rrallë, i përdorur nga artisti vetëm gjatë një viti. Bëhet fjalë për Harmenszoon of Leiden e Rembrandit. Shtëpia e ankandit kishte shënuar gërmat “HL” në vlerësimin e saj. Inicialet bëhen prova edhe më bindëse nëse merret parasysh se ato janë pikturuar në sfondin ende të patharë të pikturës dhe drejtimi i furçës formon një tjetër monogramë të njohur të Rembrandit. Ekspertët ishin gjithashtu konfuz për trajtën e qeshur të trupit të Rembrandit. Veshjet, një xhaketë e leshtë, një këmishë me shkëlëqim metali që e duken në pikturë. Por edhe në këtë pikë është rënë dakort se ëhstë bërë nga dora e Rembrandit. “Nëse e shihni këtë kontur, vihet re njëfarë pavarësie në të”, shprehet Van de Ëetering duke shtuar se kjo ndoshta mund të jetë hera e parë që Rembrandi ka guxuar të dalë jashtë stilit të tij të pikturuarit të trupit. Pjesa e hollë në ngjyrë të kuqerremtë mbi të cilën është pikturuar, në përmasa dhe në llojin e saj është e ngjashme me të tjera të përdorura në pikturat e Rembrandit. Rrezet X kanë zbuluar një tjetër vizatim nën telajo. Përmbajta dhe kompozimi përputhen me punë të tjera të Rembrandit. Është ende e paqartë se si ndodhi që piktura e realizuar para viteve 1800, që mendohet se i përkiste një piktori riprodhues holandez, i quajtur Frans Hals, nuk është kuptuar se fytyra në pikturë ishte ajo e Rembrandit. “Pas kësaj nuk po flitet më për pikturën; ne nuk e dimë se ku do të qëndrojë”, thotë Van de Ëetering.
Anrica Deb, “Associated Press”

[Insomnia]

Fat, roli i tij ne jete ka shume rendesi!

Te kisha une nje fat te tille...........