Te rejat rreth Teknologjise

[Kliton]

Nëse mund t’i besohet blogut të pavarur italian hdblog.it i cili është i dedikuar për hapat që ndërmerr Samsung, kësaj vere do të duhej të paraqitej trashëguesi i modelit të suksesshëm të kompanisë Samsung, atij Omnia.

Sipas thashethemeve të cilat janë shfaqur gjatë fundjavës, këtë verë do të mund të dilte pajisja e quajtur Samsung Omnia Pro, trashëguesi i drejtpërdrejtë i modelit Omnia.

Pos dizajnit të njohur pajisja do të duhej të përmbajë edhe tastierë të plotë, ekran 3.5 inçësh WVGA të ndjeshëm në prekje si dhe fotoaparat prej pesë megapikselash.

Sistemi operativ i pajisjes Omnia Pro do të duhej të ishte ai Windows Mobile 6.1. Sërish ritheksojmë se bëhet fjalë për thashetheme, sipas të cilave pajisja do të duhej të paraqitej këtë verë, me çmim prej rreth 500 eurosh.

[kristimcs]

Si sqenke lodh err burrr....po ti kishte shkrujt ALDO kto do ishte bo telef....

[Kliton]

Ne Universitetin e Kalifornise eshte ndertuar aparati fotografik me i shpejte ne bote fale teknologjise “Steam”.

Kete arritje e ka konkretizuar profesori Bahram Jalali, sipas te cilit, aparati mund te fiksoje rreth 6 milione imazhe ne sekonde, ose me sakte, mund te beje nje fotografi ne cdo gjysme miliarde sekonde. Por ky zbulim nuk vendos nje limit, pasi shume shpejt mund te prodhohet nje tjeter aparat qe ben 10 milione foto ne sekonde.
Teknologjia Steam nuk lejon qe shpejtesia me te cilen kryhen fotot, te humbase ndricimin, cka do te thote se edhe cilesia eshte e nje niveli te larte. Mrekullia e vertete e ketij aparati eshte se ai perdor nje detektor. Nderkohe, kjo shpikje mund te sherbeje shume ne shkencen e se ardhmes, pasi mjafton te imagjinojme sa i cmueshem mund te jete aparati ne fotografimin e mekanizmave te prodhimit qelizor per te vezhguar procesin e riprodhimit te qelizave.

[Kliton]

Çmimi prodhues i Palm Pre sipas analizës së iSuppli është dukshëm më i lirë se çmimi i prodhimit të iPhone 3G para dhjetë muajsh.
Edhe pse nuk ka të dhëna konkrete se prej çfarë pjesëve saktësisht është krijuar Pre, parashihet se çmimi i të gjithë komponentëve të përfshirë të mos i kalojnë 138 dollarë amerikanë.

Pjesët më të shtrenjta të telefonit është ekrani multi-touch, i cili kushton 40 dollarë, memoria 8 GB e cila kushton 16 dollarë dhe procesori prej 11 dollarësh. Fotoaparati me rezolucion prej tre megapikselash e prodhuesit kushton 12 dollarë. Në përllogaritje nuk janë përfshirë çmimi i zhvillimit të telefonit, marketingu dhe faktorë të ngjashëm.

Sa për krahasim, çmimi prodhues i një iPhone 3G pas paraqitjes së tij ishte vlerësuar në 174 dollarë.

Thashethemet e fundit si datë të lansimit të Palm Pre përmendin 7 qershorin, dy ditë para datës së pritur të lansimit të gjeneratës së ardhshme të popullarizuarit iPhone.

[Kliton]

Bëhet fjalë për një flash drive të cilin e ka shpikur dhe lansuar në treg kompania Active Media Products.
Me dimensione prej vetëm 40 x 14 x 5 milimetra, ky flash drive ka kapacitet prej 2 GB (modelet me memorie më të madhe arrijnë së shpejti), është rezistues ndaj ujit dhe në vete përmban kapakun mbrojtës i cili sillet dhe në të cilin gjendet fotografia holografike e Barack Obamas.

Kjo pajisje e vogël për ruajtjen e të dhënave ka USB 2.0 dhe në të veçmë gjenden të dhënat e regjistruara si fjalimi i tij me kohëzgjatje prej një orë në formatin mp3, fotografitë zyrtare të Obamas dhe disa fjalime në formatin PDF.

Këtë flash drive prej 2 GB mund ta blini në Amazon.com për vetëm 8.95 dollarë plus shërbimet e dërgesës.

[Kliton]

Shërbimi Gmail i kompanisë Google rreth mesditës së sotme, sipas orës sonë, sërish ka pasur telashe pasi që përdoruesit e këtij shërbimi në pjesën më të madhe të botës nuk kanë mundur t’i qasen.

Së bashku me porosinë për një gabim të përkohshëm "Temporary Error (500)" është paraqitur edhe vërejtja, "We're sorry, but your Gmail account is temporarily unavailable. We apologize for the inconvenience and suggest trying again in a few minutes".

Google tani për tani nuk është deklaruar publikisht dhe ende nuk dihet shkaku i vërtetë i prishjes. Problemet me qasje në Gmail përveç përdoruesve të Evropës, i kanë paraqitur edhe ata nga Afrika e Azia.

Gjatë tre muajve të fundit kompania Google dy herë radhazi është gjetur në telashe të mëdha me këtë shërbim të njohur të saj.

[Kliton]

Nokia ka paralajmëruar trashëguesin e celularit të saj të biznesit E51 dhe e ka emëruar E52. Modeli i ri i është përmirësuar në secilën pikëpamje, e posaçërisht në kohëzgjatjen e baterisë.

Modeli i ri dallohet kryesisht për kohën në pritje të telefonit e cila zgjat gati një muaj, mirëpo kohën kaq të gjatë të baterisë në realitet do ta shkurtojnë mundësitë ai ofron si bartja e të dhënave HSDPA apo navigimi A-GPS për të cilën gjë E52 është i gatshëm, pasi që ka pranues GPS të integruar. Fotoaparati i integruar në këtë celular ka 3.2 megapiksela.

Modeli më i ri i serisë E të telefonave të mençur është bërë me procesor më të shpejtë sesa paraardhësit e tij, niset nga procesori ARM 11 me takt punues prej 600 MHz. Ekrani i telefonit i ka karakteristikat e njëjta sikur edhe në paraardhësin e tij, rezolucion 240 x 320 piksela dhe shfaqje të 16 milionë ngjyrave, mirëpo diagonalja i është rritur nga dy në 2.4 inç.

Çmimi i rekomanduar i këtij celulari si dhe data e saktë e fillimit të shitjes nuk dihen ende.

[ReniX]

Keta te modelit fundit nokias jane te mire, por nuk e di ne do hidhem ne nje ekran me prekje.

[Kliton]

Lenovo ka paraqitur versionin e përditësuar të netbookut të saj IdeaPad S10. Shenja dalluese e laptopit të ri është IdeaPad S10-2 i cili vjen në shtëpizë për katër milimetra më të hollë dhe 200 gramë më të lehtë se paraardhësi i tij.

Edhe më tutje është mbajtur ekrani 10.1 inçësh me ndriçim të prapavijës prej 1.024 x 600 piksela, procesori është ai 1.6 GHz Atom nga Intel, është integruar edhe një gigabajt e memories punuese si dhe disku klasik prej 160 GB. Së bashku me lidhjen Wi-Fi, në mënyrë opsionale ofrohet edhe qasja 3G në internet, derisa koha e deklaruar e kohëzgjatjes së baterisë është gjashtë orë.

Nga softuerët me të shitet Windows XP Home, QuickStart, VeriFace dhe OneKey Rescue.

Në tregun amerikan netbooku do të paraqitet në fund të këtij muaji me çmim të rekomanduar të shitjes prej 350 dollarësh.

[Kliton]

Sapo janë paraqitur disa celularë solidë me sistemin operativ Android të kompanisë Google, tashmë dikush veçmë ka tentuar të bëj edhe një laptop të vërtetë me Android.

Nuk jemi krejtësisht të sigurt nëse më shumë bëhet fjalë për telefon celular apo kompjuter, sikur që nuk jemi të bindur se Android si platformë është e pjekur sa duhet për të kaluar në kompjuterë personal të vërtetë.

Mirëpo Alpha 680 ka disa karakteristika interesante, të cilat madje edhe nuk janë të lidhura me sistemin operativ; në të gjendet ekrani i madh i ndjeshëm në prekje i cili mund të sillet.

Specifikat më shumë i afrohen celularit sesa kompjuterit. Ai përmban procesor ARM11 me takt punues prej 533 MHz, rezolucioni i ekranit është 800 x 480 piksela, 128 MB DDR2 RAM memorie, Wi-Fi si dhe disk SSD me kapacitet prej një gigabajt.

[Kliton]

Pajisja më e re e nga seria e laptopëve Turbo Drive të kompanisë MSI ka ekran 17 inçësh dhe harduer i cili pa problem do të mundësojë që lojërat më të reja të luhen në të, dhe madje të ruaj edhe mjedisin jetësor.

MSI Turbo Drive GX723 ka ekran me diagonale prej 17 inç dhe tastierë me madhësi të plotë, dhe krejt këto në shtëpizën e punuar nga alumini e cila në krahasim me laptopët e kompanive tjera për lojëra duket shumë elegante.

Laptopi futet në lëvizje nga procesori Core 2 Duo i kompanisë Intel dhe kartela grafike e NVIDIA-s GT 130M, të çiftëzuara me 4 GB RAM memorie dhe diskun e fortë me kapacitet prej 320 apo 500 GB.

Domethënë, nuk është maja absolute e ofertave në treg, por është mjaft i fuqishëm edhe për lojërat më të reja.

[Kliton]

Edhe një prodhues ka vendosur ta provoj veten në tregun e netbookëve, nga kompania Albatron vjen një pajisje e bukur.Edhe në Albatron vlerësojnë se koha është që të futen në tregun e netbookëve. Prodhuesi e ka bërë këtë me modelin me ekran 10.2 inçësh.

Sipas portalit teknologjik gjerman Netbooknews.de pesha e laptopit do të jetë më e vogël se një kilogram, në të është integruar procesori 1.6 GHz Atom N270, një gigabajt i memories punuese, derisa në dispozicion do të jetë disku prej 160 gigabajt, respektivisht disqet SSD prej 8 e 16 gigabajt. Bateria është me gjashtë qeli, mirëpo koha e autonomisë së saj nuk është publikuar.

Koha e pritur e paraqitjes së këtij netbooku në treg është pjesa e dytë e vitit. Çmimet nuk janë bërë të njohura.

[Kliton]

Nga tabori i gjigantit softuerik vjen lajmi se kompania ka kryer versionin përfundimtar të sistemit operativ të dedikuar për pajisjet celulare. Windows Mobile në versionin 6.5 u është dorëzuar partnerëve prodhues.

Versioni përfundimtar i Windows Mobile 6.5 u është dorëzuar prodhuesve siç është HTC, mirëpo do të kaloj edhe një kohë para se më të të mund të luajnë përdoruesit. Prodhuesve u nevojitet një kohë për t’ia përshtatur Windowsin e ri pajisjeve të tyre celulare. Sipas paralajmërimeve, pajisjet e para të këtij lloje do të mund të kemi nëpër duart tona vetëm në tremujorin e tretë të këtij viti.

Windows Mobile 6.5 para së gjithash sjell risi kozmetike, mirëpo ato me të madhe do të kontribuojnë në përdorimin më të lehtë të pajisjeve me ekrane të ndjeshme në prekje, derisa do të përmirësohet edhe qasja në përmbajtjet e internetit.

Risia tjetër qëndron në karakteristikat e Marketplace for Windows Mobile, dyqanit online me aplikacionet e kësaj kompanie. Ato do të mund të përdoren ekskluzivisht në WM 6.5, dhe do të mundësojnë që secili përdorues aplikacion e blerë ta ndajë me pesë përdorues tjerë.

Marketplace for Windows Mobile fillimisht do të jetë në dispozicion në 29 shtete, mirëpo në Microsoft nuk i kanë përmendur se cilat janë ato.

[Kliton]

Testuesit dhe adhuruesit e aplikacionit pa pagesë WordPress tani mund të shkarkojnë versionin eksperimental WordPress 2.8 Beta 1 dhe të testojnë mundësitë e reja të cilat premtojnë se WordPress do të jetë më i mirë dhe më i fuqishëm se kurrë më parë.

Ka shumë mundësi të reja të cilat na i sjell WordPress 2.8, e më e rëndësishmja prej tyre është se tani mund të instaloni tema (themes) drejtpërdrejt nga administrimi pa pasur nevojë të përdorimit të FTP-së.

Shkarkoni Wordpress 2.8 Beta 1 në .zip tani dhe provoni mundësitë e reja që ofrohen.





Sa për rikujtim, ky është vetëm version eksperimental, mos integroni në të automatikisht blogun apo faqen tuaj të internetit.

[Kliton]

Kompania telekomunikuese amerikane "Sprint" ka njoftuar se telefoni i shumëpritur i mençur i kompanisë Palm, me emrin Pre, vjen në tregun e SHBA-ve më 6 qershor me një çmim prej 199 dollarësh.

Në fillim të këtij viti janë shfaqur fotografitë e para dhe video incizimet e telefonit të mençur me të cilin kompania Palm dëshiron të kthejë pjesëmarrjen e vet në treg e cila për vite tani po i rrëshqet prej duarsh.

Palm Pre është pajisje e fuqishme e cila posedon pothuajse çdo gjë që ka edhe iPhone dhe mund të lavdërohet edhe për mundësi të rëndësishme të cilat aktualisht as iPhone nuk i ofron, si për shembull punën e aplikacioneve në prapavijë.

Sa për rikujtim, Palm Pre ka ekran 3.1 inçësh të ndjeshëm në prekje me rezolucion prej 480 x 320 piksela, tastierë rrëshqitëse QWERTY, lidhje WiFi, USB, Bluetooth e HSDPA, fotoaparat me rezolucion prej tre megapikselash, konektor 3.5 milimetërsh për dëgjuese, 8 GB të memories së integruar, MMS dhe shumë gjëra tjera.

Palm Pre futet në funksion nga një platformë krejtësisht e re softuerike, ajo webOS, nga e cila pritet shumë, e si punon me të vërtetë në praktikë do të kuptojmë me kohën.

[Kliton]

Dy prodhuesit koreanë kanë njoftuar se kanë shitur (secili) nga 20 milionë celularë me ekrane të ndjeshme në prekje.

Shitja e celularëve me ekrane të ndjeshme në prekje është në rritje të vazhdueshme, e pothuajse secili prodhues e ka vendosur llojin e këtyre pajisjeve në ofertat e tyre.

Një prej lojtarëve të mëdhenj në këtë fushë, Samsung e LG, për dy vite së bashku kanë shitur 40 milionë celulare me ekrane të tilla.

Aktualisht në renditje sipas shitjes Samsung gjendet në vendin e dytë, derisa LG në të katërtin. Modelet më të popullarizuara të Samsungut kanë qenë F480 e Omnia, derisa nga modelet e LG-së më së miri janë shitur Viewty e Cookie.

[ReniX]

Te reja mjaft interesante keto te fundit, sidomos per wordpress. Por dhe Windows Mobile 6.5, tani zgjedhja eshte paksa me interesante, nder iPhone te Apple dhe Android nga Google.

[PoLiGrAfIkSi]

Kompania telekomunikuese amerikane "Sprint" ka njoftuar se telefoni i shumëpritur i mençur i kompanisë Palm, me emrin Pre, vjen në tregun e SHBA-ve më 6 qershor me një çmim prej 199 dollarësh.

Në fillim të këtij viti janë shfaqur fotografitë e para dhe video incizimet e telefonit të mençur me të cilin kompania Palm dëshiron të kthejë pjesëmarrjen e vet në treg e cila për vite tani po i rrëshqet prej duarsh.

Palm Pre është pajisje e fuqishme e cila posedon pothuajse çdo gjë që ka edhe iPhone dhe mund të lavdërohet edhe për mundësi të rëndësishme të cilat aktualisht as iPhone nuk i ofron, si për shembull punën e aplikacioneve në prapavijë.

Sa për rikujtim, Palm Pre ka ekran 3.1 inçësh të ndjeshëm në prekje me rezolucion prej 480 x 320 piksela, tastierë rrëshqitëse QWERTY, lidhje WiFi, USB, Bluetooth e HSDPA, fotoaparat me rezolucion prej tre megapikselash, konektor 3.5 milimetërsh për dëgjuese, 8 GB të memories së integruar, MMS dhe shumë gjëra tjera.

Palm Pre futet në funksion nga një platformë krejtësisht e re softuerike, ajo webOS, nga e cila pritet shumë, e si punon me të vërtetë në praktikë do të kuptojmë me kohën.

ket mrokllen e re sapo e porasita tani pres 6 qershorin te me vij

[Kliton]

Kompania Continental Mobiles ka shndërruar modelin e celularit E71 të Nokias në një simbol shndritës përplot me diamante.
Vet celulari Nokia E71 nga brendësia nuk ka ndryshuar asgjë, ende bëhet fjalë për njërën prej pajisjeve më të dëshiruara në treg, vetëm që tani do të tërheq edhe më shumë shikimet e njerëzve, posaçërisht nëse nxirret nga xhepi në ndonjë vend glamuroz.

Mirëpo, krejt çka shndrit edhe kushton apo jo, kështu që për këtë variant duhet të paguhen pak më shumë para, 5.999 funte angleze. E kujt ia ka qejfi...

[Kliton]

ket mrokllen e re sapo e porasita tani pres 6 qershorin te me vij

Na trego pastaj si do jete,sa per te hequr kurreshtjen praktik apo etj..etj..