Kampionati Shqiptar

[Kliton]

Dinamo: Kotorri, Bodrusic, Granic, Diop, Nikolic (Brahja 36’), Bakaj, Allmuca, Poci, Ceko, Sefa (Ferraj 75’), Plaku (Sina 70’).

Trajner: Z.Dalic.
Tirana: Nallbani, Kcira, Dabulla, Osmani (D.Xhafaj 46’), Abraham, Muzaka (Patushi 62’) Muka, Devolli, Pezo, Agolli, Memelli (S.Lila 89’). Trajner: A.Kola
Kartonë të verdhë: Nikolic, Brahja, Dabulla, Bakaj, Devolli, Muka, Memelli, Poci
Kartonë të kuq: Muka, Brahja, Kotorri
Gjyqtarë: Lorenc Jemini, E.Bicaku, A.Pregja


Derbi i 126-te mes Dinamos dhe Tiranes eshte fituar nga bardheblute, te cilet kane përmbysur avantazhin e bluve kampione, qe ne pjesen e pare ishin me lart. 90-minutat e luajtura ne “Qemal Stafa”, ne prani te nje numri te konsiderueshem tifozësh nga te dyja skuadrat, te përcjella nga tribuna VIP edhe nga presidenti i Shqiperise, Bamir Topi, por edhe nga kryebashkiaku i Tiranes, njekohesisht kryetari i PS, Edi Rama. Loje e forte e burrerore, gola te shumte, kartone te kuq e te verdhe, ka qene “menuja” qe kane dhuruar te dyja skuadrat kryeqytetase per tifozet. Qe ne fillim te lojes, dëshira per fitore nga te dyja palet u duk qarte. Ne 5 minutat e para jane dinamovitet, ata qe e thone me mire fjalen e tyre, ndersa bardheblute duken disi te mpire. Nuk do te kalonin shume minuta, pasi ne te 7-ten, pas nje aksioni model te kampioneve ne fuqi, Sefa gjen rrjeten e portierit te Tiranes, Nallbani. 1-0 per Dinamon, gje qe krijon idene e nje fitoreje te bluve. Por pa u mbyllur akoma gezimi i dinamoviteve, sapo kane vene topin ne mesin e fushes, per rifillimin e lojes, jane bardheblute qe kunderpergjigjen fuqishem. Pa kaluar akoma minuta e 8-te, eshte Memelli, qe pas nje lemshi ne zonen e Dinamos, e godet topin me koke dhe barazon rezultatin 1-1. E njëjta situate perseritet serish. Brenda 2 minutave, pas golit te barazimit te Tiranes, jane dinamovitet, qe ne minuten e 10-te, me ane te sulmuesit te tyre, Plaku, shenojne golin e epersise. 2-1 per Dinamon. Me pas, loja zhvillohet ne baraspeshe, por me e qarte dhe kërkuese ne sulm duket Dinamo. Dyluftimet ne mesfushe jane te forta, pikerisht aty ku tentohet te behet edhe diferenca mes dy skuadrave. Sidoqofte, pjesa e pare mbyllet me fitoren e Dinamos, 2-1. Pjesa e dyte nis me disa nderrime, ne te dyja kampet, te cilat kondicionojne edhe vijueshmerine e lojes. Dalic heq Plakun dhe Nikoliç, duke e tërhequr Dinamon me shume ne mbrojtje, ndersa Kola fut ne sulm Daniel Xhafajn dhe Patushin. Pikerisht ketu merr tatepjeten Dinamo, ndersa tirana behet e frikeshme ne lojen e sulmit. Ne krahun e majte te sulmit bardheblu, mbrojtësi Abraham e ben “kanal” krahun, duke u gjendur vazhdimisht ne fundore, nga ku kroson topa ideale per sulmuesit. Ne dy raste te tilla, nga topa te ardhur prej kembeve te nigerianit te Tiranes, bardheblute barazojne dhe kalojne ne avantazh. Pikerisht, ne minuten e 58-te, barazon Agolli, ndersa ne minuten e 72-te, Memelli shenon golin e fitores se momentit, 3-2. Ketu loja acarohet se tepërmi. Dyluftimet behen teper te ashpra, duke kaluar edhe cakun. Madje, kapiteni i Tiranes, Muka, pas nje ndërhyrjeje te Pocit ndaj Memellit, konfrontohet fizikisht me fierakun e Dinamos. Kjo e detyron gjyqtarin Jemini ta nxjerre me te kuqe Muken, por t’i jape kartonin e dyte te verdhe Brahjes se Dinamos. Skuadrat mbeten ne fushe me nga 10 lojtare. Dinamo tenton te barazoje, por krijon hapësira mbrapa, te cilat i shfrytëzon Tirana. Ne nje kundërsulm te tille, Daniel Xhafaj gjendet i zbuluar, vershon drejt kuadratit blu, por Kotorii i ndërhyn ne menyre te parregullt. Si lojtar i fundit i Dinamos, ai ndëshkohet direkt me karton te kuq. Tirana ka te drejten te ekzekutoje goditjen e denimit, te fituar nga D.Xhafaj. Ne porten e Dinamos, pas daljes me te kuqe te Kotorrit, futet kapiteni Poci. Ekzekuton goditjen e denimit vete Daniel Xhafaj, duke e derguar topin topazi ne rrjeten e bluve. 4-2. Ketu përfundon gjithçka, pasi nuk ka kohe as forca ne kampin dinamovit per te reaguar. Tirana merr 3 pike me mjaft vlera dhe, duke përfituar nga humbja e Vllaznise, i afrohet asaj me vetem nje pike diference. Ne anen tjeter, Dinamo i largohet disi kreut, por te merkuren e pret nje tjeter derbi, tashme me Partizanin. Pa Kotorrin ne porte, ndaj nje Partizani qe ka nevoje jetike per pike, puna e kampioneve ne fuqi veshtiresohet jo pak.

Ja dhe Rezultatet e ndeshjeve te tjera te luajtura sot.


Burimi:Sporti Shqiptare

[shoku_tanku]

E pashe ndeshjen ne stadium...nje katastrofe e vertete per dinamon.
Ishte mjaft mire deri ne fillimin e pjeses se dyte por fati dhe gjyqtari nuk mund te themi se ishin me te...Gjithashtu edhe trajneri Dalic beri disa gabime ne lidhje me zevendesimet dhe sidomos ne terheqjen e skuadres ne porte qe ne fillimin e pjeses se dyte...ishte nje rezultat i ngushte i cili mund te ndryshonte lehte ashtu si edhe ndryshoi.

[Kliton]

Kuqeblutë, në dy takimet e fundit kanë humbur, duke i komprometuar shumë pozitat në krye

Të gjithë ishin shprehur se ndeshja me Shkumbinin ishte shumë e vështirë. Të gjithë e kanë pasur të qartë se bilanci i ndeshjeve që Vllaznia ka zhvilluar në Peqin ka qenë negative.

Për rrjedhojë, ishin përgatitur për ta përballuar me sukses atë ndeshje. Të paktën kështu u tha nga pjesëtarët e skuadrës, por edhe nga trajnerët dhe presidenti. Por në të vërtetë nuk ka rezultuar kështu. Shkodranët nuk kanë zhvilluar një ndeshje aspak të mirë të shtunën dhe për rrjedhojë ka ardhur humbja e dytë radhazi, ajo humbje, e cila ia rrezikon tashmë seriozisht vendin e parë në renditje.

Diferenca me Tiranën është ngushtuar në vetëm një pikë. Në Shkodër të gjithë janë të pakënaqur me humbjen në Peqin. Aq më tepër që ajo erdhi pas një merkatoje cilësore të zhvilluar (kështu u deklarua nga të gjithë) dhe pas një stërvitjeje shumë të mirë. Por realiteti i paraqitur në fushë të shtunën ka qenë krejt ndryshe, një Vllazni e cila është shfaqur shumë dobët në fushë.

Pa një mendim të qartë loje dhe për pasojë Shkumbini nuk e ka pasur të vështirë të fitojë. Goli i shënuar që në minutat e para të ndeshjes nuk është përmbysur për asnjë moment si pasojë e pafuqishmërisë së kuqebluve për ta bërë një gjë të tillë. Bashkëpunimi mes reparteve nuk ka qenë aty ku pritej dhe, për pasojë, manovra sulmuese nuk ka qenë asnjëherë në lartësinë e duhur.

Në atë 90-minutësh nuk mund të vlerësosh asnjë futbollist, me përjashtim të kroatit Plantiç, që në pjesën e parë ka bërë diferencën në fushë.

Të tjerët, duke nisur nga porta dhe deri te sulmi, kanë qenë në një moment jo të mirë. Shumëkush pyet: Përse ndodhi kështu? Kësaj pyetjeje askush nuk mundet t’i japë një përgjigje të saktë, por në ditët në vijim do të zhvillohet edhe një analizë për këtë qëllim, ku pritet që presidenti Fushaj të jetë jo pak kritik me futbollistët dhe stafin drejtues. Përmendëm edhe këtë të fundit, sepse në fakt për këtë ndeshje janë disa pikëpyetje që duhet të marrin përgjigje. Së pari, shfaqja e shumë futbollistëve jo në formën e duhur.

Mbase një çështje e tillë mund të ketë lindur si pasojë e mbingarkesës në stërvitje, megjithatë mund të jetë edhe tjetër gjë. Përpos kësaj, për t’u diskutuar duket edhe ndërtimi i formacionit apo gjetja e vendeve të duhura për disa futbollistë. Diskutimet për formën e Sukajt, ndërkohë nuk mund të qëndrojë pas edhe për atë të Dhëmbit, i cili duket se nuk mund t’i përballojë 90 minuta të plota.

Humbja në Peqin kësisoj ka ndikuar jo pak në gjendjen morale të futbollistëve të Vllaznisë. 6 pikët e lëna në dy ndeshjet e fundit do të “qahen” jo pak në vazhdim të kampionatit, sepse tashmë gara sa vjen e vështirësohet dhe kampionatit do futet në një garë më të fortë.

Fushaj i pakënaqur, analizë me skuadrën

Burime pranë presidentit të Vllaznisë, Valter Fushaj, bëjnë të ditur se ai është larguar shumë i mërzitur nga stadiumi i Peqinit. Numri një i klubit shkodran nuk e ka pritur kurrsesi një paraqitje të tillë ndaj Shkumbinit. Kjo sepse investimi i madh që është bërë për të, nuk justifikohet aspak me lojëra të tilla.

Për këtë arsye, bëhet e ditur se në ditët në vijim Fushaj do të kërkojë të zhvillojë një analizë të hollësishme me ekipin. Ajo do të zhvillohet në prag të takimit me Besën, që është sërish i rëndësishëm. Një tjetër rezultat jopozitiv në atë takim do të ndikonte shumë në ecurinë e mëtejshme të kuqebluve, të cilët shihen tashmë të rrezikuar për vendin e parë në renditje.

Kuqeblutë, stërvitje edhe ditën e djeshme

Zhvillimi i ndeshjeve të javës së 19 të ditën e mërkurë, ka bërë që ekipi i Vllaznisë të dalë në stërvitje edhe ditën e djeshme. Pavarësisht se ishe e diel, kuqeblutë në orën 10:00 kanë zhvilluar një stërvitje të lehtë. Nga ajo çfarë është parë, te kuqeblutë morali ka qenë shumë i rënë pas humbjes me Shkumbinin.

Pavarësisht se shkodranët ndodhen ende të parët, me këtë humbje pozitat e tyre janë rënduar jo pak dhe për pasojë pritet një “shkundje” e tyre në ndeshjen e radhës me Besën, që do luhet ditën e mërkurë në “Loro Boriçi”.



Burimi:Sporti Shqiptare

[Kliton]

Tërmet 4-ballësh” i Vllaznisë, Partizani dorëheq Daliçin nga Dinamo




U luajtën pesë nga gjashtë ndeshjet e javës së 19-te te Superligës. Një javë që dhuroi mjaft surpriza kjo, për vetë faktin se solli ngjeshje në fundin e klasifikimit, por i dha një goditje tjetër mjaft të fortë Dinamos, e “kuruar” me mbi 300 mijë euro në merkaton e dimrit. Ishte pikërisht Partizani, në derbin e luajtur në “Qemal Stafa”, ai që e futi Dinamon kampione në fuqi në një krizë. Nga ana tjetër, lojtarët e kuq, që kanë mbetur në një udhëkryq financiar prej muajsh, të përkrahur vetëm nga tifozët, që mund të konsiderohen si presidenca aktuale e kësaj legjende të futbollit shqiptar, kanë marrë një fitore tepër të vlefshme, e cila i largon nga vendi i fundit. Shpirt, zemër dhe besim kanë treguar lojtarët e drejtuar nga Shpëtim Duro në derbin me Dinamon, duke vërtetuar se emri i Partizanit nuk mund të shuhet kollaj, edhe nga kriza e thellë financiare. Parulla e tifozëve të kuq “JU NUK JENI KURRE VETEM”, flet më shumë se asgjë dhe tregon lidhjen e pandashme dhe tepër të ngushtë mes skuadrës dhe përkrahësve të saj. Një përmbysje të madhe “made in Sukaj” ka bërë Vllaznia e Shkodrës, në “Loro Borici”, teksa e ka mbyllur pjesën e parë në disavantazh 0-1. Tre gola të Sukajt dhe një i Sinanit kanë vulosur fitoren e pastër të kuqebluve, 4-1, që bëjnë kthesën më të mirë të mundshme, pas asaj humbjeje në Peqin, që u kushtoi ngushtimin e diferencës me Tiranën ndjekëse.

Fitore shpresëdhënëse ka arritur edhe Lushnja, 1-0, ndaj Elbasanit me shumë përforcime në merkaton e dimrit. Në një stadium të boshatisur, si pasojë e dënimit të marrë nga FSHF-ja, pas incidenteve në ndeshjen e kaluar me Apoloninë, lushnjarët kanë arritur të marrin 3 pikë me mjaft vlera, duke shpresuar tek mbijetesa. Hap fals ka bërë sërish Flamurtari në shtëpi. Pasi u mund nga Apolonia, tri ditë më parë, po në Vlorë, 2-0, kuqezinjtë e drejtuar tashmë nga Eqerem Memushi, pas shkarkimit të Edmond Licajt, nuk kanë shkuar më tej se barazimi 1-1 me Teutën e Durrësit. Ndërkohë, nesër, të enjten, java e 19-të e Superligës do të ulë siparin me ndeshjen Tirana-Shkumbini, që do të luhet në “Selman Stërmasi”. Bardheblutë do të synojnë fitoren patjetër, me qëllim që të ruajnë diferencën prej 1 pike me vendin e parë, që mbahet nga Vllaznia. Por, me të njëjtin synim, fitoren, do të vijnë edhe peqinasit në këtë ndeshje. Zona europiane i josh shumë bardhekaltrit e Shkumbinit, një objektiv i përsëritur disa herë edhe nga presidenti Xhavit Ismaili, kështu që lufta sportive e kësaj ndeshjeje pritet të jetë e fortë. Më pas, me mbylljen e ndeshjes në fjalë, që do të përcillet edhe nga trajneri i kombëtares, Ari Han, kampionati do t’ia lërë vendin kombëtares. Kuqezinjtë do të jenë mysafir në Maltë, më 11 shkurt, për t’u ndeshur me kombëtaren vendase, ku objektivi dihet, fitorja.

Java e 19-të e Superligës shënoi edhe dorëheqjen e trajnerit të vetëm të huaj të mbetur në kampionatin shqiptar. Bëhet fjalë pikërisht për Sllatko Dalicin, i cili, pas humbjes 1-0 me Partizanin, ka komunikuar për shtypin, por ua ka pohuar edhe lojtarëve, dorëheqjen e tij, duke marrë përgjegjësitë mbi vete. Ai ka saktësuar se do ta konsumojë këtë gjë edhe me presidencën e Dinamos, e cila do të vendosë, ta pranojë ose jo dorëheqjen e Dalicit. Dilemë e cila, sipas burimeve nga Dinamo, do të ketë një fund. Largimin e Dalicit.


Telegrafikisht, ja ndeshjet, rezultatet dhe golashenuesit:


APOLONIA – BYLIS 1-0
(Ferizovic 49′)

LUSHNJA – ELBASANI 1-0
(K.Arbri 38′)

VLLAZNIA – BESA 4-1
(Sukaj 68’, 83’, 88’; Sinani 74′ / Mancaku 42′)


PARTIZANI – DINAMO 1-0
(Babamusta 85′)


FLAMURTARI – TEUTA 1-1
(Kuqi 19′ / Alikaj 40’)


TIRANA-SHKUMBINI(luhet neser)


Burimi:Sporti Shqiptar

[Kliton]

Tifozët e kuq, 2 milionë lekë Partizanit për fitoren me Dinamon


“Miku i mirë duket në kohë të vështirë”. Kështu thotë një shprehje popullore,e cila po materializohet më shumë se kurrë mes Partizanit dhe tifozëve të tij. Nëse para ndeshjes me Bylisin në Ballsh, dy kryetifozë u dhanë lojtarëve 2 mijë euro, gjest që u shpërblye me fitore nga skuadra, e njëjta situatë është përsëritur edhe në ndeshjen derbi me Dinamon. Këtë herë jo para ndeshjes, por menjëherë sapo ka rënë bilbili i gjyqtarit Taullai. Fitorja 1-0 në këtë ndeshje, parrulla në stadium, tek tifozët e kuq “JU NUK DO TE JENI KURRE VETEM”, është “vulosur” nga dhurata e dy tifozëve të tjerë të Partizanit. Kësaj here ka qenë Tonini, pronar i një autoshkolle, i cili, bashkë me Besimin, edhe ky tifoz i zjarrtë i kuq, u kanë shpërndarë në dhomat e zhveshjes lojtarëve të Partizanit plot 2 milionë lekë të vjetra. Madje, djali i Toninit, i ka dhënë një shpërblim ekstra Ngjelës, prej 100 eurosh, duke parë se është edhe me qera, nuk ka shtëpi në tiranë, refuzoi Skënderbeun e tij për të mbetur i kuq. E tërë kjo situatë është përcjellë nga mediat e pranishme, duke vërtetuar edhe njëherë tjetër se realisht situatën e Partizanit në një moment kulmor krize, kur presidenti Xhani duket i dorëzuar financiarisht, nuk duket as në stadium. Tonini, pronari i një autoshkolle në Tiranë, u ka premtuar të gjithë lojtarëve të Partizanit, që nuk kanë mbaruar kursin e shoferit dhe nuk kanë patentë, gjithçka falas. Më shumë se këto fakte, nuk ia vlen të shkruajmë më shumë, ashtu sikurse grupimi “RED FANS”, para ndeshjes, të përbërë nga gjimnazistë të Tiranës, bënin veprimin e tyre në mbështetje të skuadrës, duke mbledhur në një kuti donacione të tifozëve që po hynin në stadium.


Vllaznia rikthehet me goleadë, tripletë e super-Sukajt

Vllaznia e Shkodrës e ka siguruar për të paktën edhe një javë kreun e tabelës, pasi ka mundur në “Loro Boriçi” për javën e 19-të të superligës Besën e Kavajës. Kavajasit kanë kaluar të parët në avantazh, por jo për shumë kohë. Sinani dhe një super-Sukaj kanë marrë përsipër kthesën e madhe, duke shënuar katër gola në portën e Besës. I saporikthyer te kuqeblutë, Xhevahir Sukaj, ka përdorur të gjithë arsenalin e tij, për ta mbajtur përsëri Vllazninë të parën në renditje. Tre golat e Sukajt një një i Sinanit kanë nderuar edhe trajnerin Agim Canaj, që, nëse nuk do të kishte fituar në këtë përballje me shumë mundësi do të ishte larguar nga pankina kuqeblu. Tri javë më parë Vllaznia ka qenë e shkëputur shtatë pikë nga Tirana e vendit të dytë, por dy humbjet e fundit me Dinamon në “Loro Boriçi” dhe në transfertë me Shkumbinin vunë gjithçka në diskutim. Tashmë në luftë për titull janë vetëm dy skuadra, Vllaznia dhe Tirana.


Kategoria e parë, Skënderbeu e Laçi me hap kryesuesish

Pas pushimeve dimërore, garës, fushës së blertë të stadiumeve, i është rikthyer edhe kategoria e parë, duke startuar kështu fazën e dytë. Bëhet fjalë pikërisht për javën e 16-të të kësaj kategorie, që ka luajtur 7 ndeshje, ndërsa e 8-ta do të luhet nesër, të enjten, në Burrel, mes Burrelit vendas dhe Adës së Velipojës. Një fitore dirithëruese ka arritur Skënderbeu në Kamëz, përballë Dajtit vendas. Kamzalinjtë e kanë nisur me festë të madhe, për inagurimin e fushës së re të stadiumit, por e kanë mbyllur “në zi”, pasi u ka ikur edhe barazimi nga duart, pikërisht në minutat shtesë të ndeshjes, kur rezultati ishte 2-2. Ka qenë Jorgo Çipi, ai që ka shuar ëndrrën e kamzalinjëve, qoftë edhe për një pikë, duke sigluar fitoren e Skënderbeut 3-2, por edhe duke ruajtur pozitat e kreut për juglindorët, që tashmë drejtohen nga Indrit Fortuzi, ish-sulmuesi i njohur i kampionatit shqiptar dhe i Tiranës. Të njëjtin hap ka ruajtur edhe Laci, me fitore, në javën e 16-të, pasi ka mundur në shtëpi Sopotin e Librazhdit, 1-0, falë një goli të realizuar me penallti nga Xhetani. Kështu, kurbinasit e shikojnë veten në vendin e dytë, me katër pikë më pak se Skënderbeu. Hap fals, edhe pse luante në një fushë të vështirë, si ajo e Pukës, mund të konsiderohet barazimi i Gramozit me Tërbunin. Kolonjarët kanë kaluar të parët në avantazh, por pukjanët kanë barazuar, duke i hequr kështu vendin e dytë Gramozit pretendent. Fitore 1-0 ka arritur Skrapari, në shtëpi, me Turbinën, ashtu sikurse edhe Luftëtari ndaj Besëlidhjes, në ndeshjen e luajtur në Tepelenë. Rezultat i njëjtë është regjistruar edhe në Krujë, 1-0, ku Kastrioti ka triumfuar ndaj Pogradecit. I mundur ka dalë në fushën e Pogradecit Bilisht Sporti, një fushë që i ka shkuar për shtat Naftëtarit mik, që ka fituar 3-2.

Daliç jep dorëheqjen, pritet të vendosë presidenca e Dinamos

Mbushet kupa për trajnerin e Dinamos, Zllatko Daliç. Humbja e dytë radhazi në derbi nuk është kapërdirë kollaj nga kroati, i cili, me sa duket, e shikon të pamundur të punojë me këtë skuadër. Në përfundim të ndeshjes me Partizanin, e fituar 1-0 nga të kuqtë, Daliçi është futur në dhomat e zhveshjes dhe u ka thënë futbollistëve të tij se nuk do të jetë më trajner i Dinamos. Kroati mori kritka të ashpra edhe katër ditë më parë, kur Dinamo u shkatërrua po në derbi nga Tirana, ndonëse pjesën e parë e mbylli me fitore. Humbja e dytë radhazi, me një skuadër që lufton për mbijetesë, është e papranueshme, kështu që trajneri kroat e ka parë të arsyeshme të largohet. Për momentin nuk ka asnjë reagim të presidencës dinamovite, që është larguar nga tribuna “vip” e “Qemal Stafës” shumë e mërzitur. Do të pranohet dorëheqja e Daliçit nga presidenti Sulaj? Kjo mbetet për t’u parë në orë në vazhdim.

Dinamo e nisi me shumë bujë merkaton e janarit, duke afruar disa lojtarë cilësorë si Bakaj, Bodrusiç, Çeko etj., por në ndeshjet e para zyrtare të 2009-ës ka zhgënjyer totalisht. Tashmë diferenca me Vllazninë e vendit të parë shkon në tetë pikë, çka do të thotë shumë më pak mundësi për ta fituar titullin. Kampionët në fuqi kanë një organikë të pasur, me lojtarë të spikatur, por që nuk mundën të shafqnin vlerat e tyre në dy ndeshjet derbi.



Burimi:Sporti Shqiptare

[Kliton]

Me trajnerin e ri të gjithë ndihen të rëndësishëm dhe nuk ka hatërmbetje nëse rrinë në stol

Suksesi i Kolës, “shok” me futbollistët

Një tjetër përballje delikate dhe mjaft e rëndësishme për Tiranën ajo e së dielës që vjen me Besën në Kavajë. Mjafton të kujtosh takimin e fazës së parë në “Qemal Stafa”, ku Besa tregoi vlerat e saj, duke u rrëmbyer bardhebluve barazimin. Megjithatë, te Tirana, pavarësisht problemeve financiare (futbollistët nuk janë shlyer rregullisht për dy muajt e fundit), ekziston besimi i fitores me kavajasit, që lind nga fryma e grupit. Sidomos me tripikëshin e derbit ndaj Dinamos, bardheblutë ndihen shumë më të fortë, pasi e kanë kaluar atë ngërç psikologjik, që i pat përfshirë prej muajsh. Tirana ka bërë më 2009‑n një start kampionësh, me dy fitore radhazi, ku janë shënuar gjashtë gola. Eshtë pikërisht ajo Tiranë që ka premtuar trajneri Agustin Kola në momentin kur është emëruar në krye të bardhebluve. “Tiranën time do ta shihni pas përgatitjeve të janarit…” Deri tani, kjo Tiranë ka bindur.

Organikë e plotë, trajneri mund të zgjedhë

Dy rivalet më të forta të Tiranës për titullin kampion, Vllaznia dhe Dinamo, kanë bërë disa afrime të goditura në merkato, por rezultatet e fillmvitit 2009 nuk janë aq premtuese si ato të bardhebluve. Po si është e mundur që Tirana ka një grup më të konsoliduar? “Kemi futbollistët më të mirë, nuk na nevojiten të tjerë,” ‑ do të shprehej donatori Halili. Dhe Tiranën po e nderojnë ata që kanë mbërritur që në merkaton e verës. Për pjesën e dytë të sezonit disa lojtarë kanë fituar formë sportive. Mund të përmendim Dabullën apo Jetmir Sefën, që për arsye fizike nuk mund të luanin në fillim të sezonit për 90 minuta, kështu që kanë qenë të detyruar të ulen në stolin e rezervave. Ndërsa sot këta dy futbollistë janë pjesë e padiskutueshme e formacionit titullar. Ja, pra, dy “blerje” të Tiranës. Kontribut të rëndësishëm për ndeshjet e mbetura pritet të japë edhe kapiteni Devi Muka, që, siç e ka pranuar vetë, po i kthehet formës së mirë fizike. Bardhebluve gjatë merkatos së dimrit u janë shtuar edhe dy futbollistë: Xhulian Rrudho dhe Sajmir Patushi. Jashtë çdo parashikimi, Patushi është aktivizuar në të dyja ndeshjet e para të 2009‑s, pra një forcë më shumë në organikën bardheblu. Vetëm Rrudhos nuk i është dhënë akoma mundësia, ndoshta ngaqë nuk është ambientuar si duhet te Tirana. Pra, me një llogari të thjeshtë, Tirana ka tre lojtarë që kanë ardhur nga dëmtimet, plus dy të tjerë të merkatos, çka do të thotë më shumë forca për trajnerin Kola.

Për trajnerin, të gjithë të rëndësishëm

Në futboll ndodh shpesh që edhe pse me një organikë shumë të mirë, nuk arrin rezultatet e kërkuara. Shembullin e ka dhënë vetë Tirana, me Slishkiviçin trajner. Disa lojtarë mbetën të pakënaqur nga zgjedhjet e trajnerit, nga mënyra e vendosjes në fushë, çka u reflektua direkt në rezultate. Harmonia e grupit është një element shumë i rëndësishëm, që mund të mbulojë ndoshta defekte të tjera të skuadrës. Pikërisht për rikthimin e harmonisë duhet përgëzuar Agustin Kola, trajneri që pasoi “Bakën”. Sa herë shënon Tirana, futbollistët drejtohen drejt pankinës, për të përqafuar trajnerin, gjesti më domethënës që tregon atmosferën dashamirëse që mbizotëron te bardheblutë. Një futbollist mund ta nisë takimin nga stoli, por është po kaq i rëndësishëm sa ai që është futur që nga minuta e parë. “Unë i kam futbollistët si shokë, dëshiroj që ata të më kuptojnë dhe ua kërkoj edhe si nder që të qëndrojnë në stol. Jo sepse ai është më pak i rëndësishëm se të tjerët, por ngaqë për momentin është në të mirë të skuadrës. Për mua janë të gjithë të barabartë dhe të rëndësishëm,” ‑ do të shprehej Kola para derbit me Dinamon. Në derbi Xhafa e nisi nga stoli, por u fut në lojë dhe shënoi golin e sigurisë, që vulosi tripikëshin në këtë takim. Pra, është meritë e Kolës nëse futbollistët janë të bashkuar dhe i shërbejnë si duhet Tiranës.

Kur do t’i vijë mundësia Rrudhos?

Ka ardhur me jo pak bujë në fillim të janarit, por nuk është ndier pas dy ndeshjeve të para të 2009‑s. Xhulian Rrudho vazhdon të stërvitet maksimalisht, për të kapur formën e duhur sportive, që do t’i jepte mundësi të luante në ndeshjet e mbetura të kampionatit. Në fakt, Rudho nuk ka pasur mundësi të aktivizohej dhe zor se mund të luajë edhe në sfidën e radhës me Besën. Natyrisht, Kola do t’ia japë shumë shpejt mundësinë, por thjesht pret momentin e duhur, që Tirana të mos rrezikojë dhe Rrudho ta nisë me këmbë të mbarë.



Shiu, një tjetër kundërshtar i Vllaznisë



Shkodranët pothuajse nuk janë stërvitur në fushë të blertë dhe ka qenë një problem
Përgatitjet për ndeshjen e radhës me Elbasanin nuk ka qenë e thënë të shkojnë ashtu siç duhet për ekipin e Vllaznisë. Pasi ka kaluar gjysma e javës së këtyre përgatitjeve, skuadra shkodrane vetëm në një seancë është stërvitur në një fushë të zakonshme futbolli.

Madje edhe në atë rast, pikërisht të martën pasdite, gjendja e fushës nuk ka qenë në parametrat e duhur. Kur pritej dhe dëshirohej që kjo situatë me mot të mirë të vazhdonte, natën e së martës kanë rënë reshje të shumta shiu në Shkodër. Ato e kanë bërë të pamundur stërvitjen në terren të hapur dhe drejtuesit e skuadrës, të kushtëzuar nga ky fakt, i kanë lajmëruar futbollistët e tyre për të ndryshuar destinacion stërvitjeje.

Nëse fillimisht ata e kanë ditur se do të ishin në fushën e Shtojit në orën 14:30, lajmërimi i dytë u ka thënë atyre se duhej të shkonin në fushën e kalçetos. Madje edhe orari është ofruar me 2 orë, ngaqë kjo fushë më pas ka qenë e ngarkuar me aktivitete të tjera. Duke qenë kështu, ekipi i Vllaznisë për gati një orë e gjysmë dje në drekë ka zhvilluar seancën e radhës në një ambient të mbyllur.

Pavarësisht se duke e ndjekur nga jashtë, kjo seancë ka shkuar në mënyrën më të mirë të mundshme, vetë trajneri Canaj është dukur qartë se nuk ndihej mirë.

“Kjo është gjysmë stërvitje që zhvillojmë ne. Kushtet e motit po na prishin shumë punë gjatë kësaj periudhe, megjithatë nuk kemi zgjidhje tjetër. Vërtet stërvitja bëhet, por është vetëm gjysëm stërvitje, sepse e bëjmë në një fushë me parametra të kufizuara.

Për këtë arsye, nuk mund ta përgatisim skuadrën ashtu siç duhet për ndeshjen e radhës,” ka thënë “timonieri” i kuqebluve. Në stërvitjen e djeshme, për disa minuta, Canaj ka aplikuar ndeshje minifutbolli, teksa lojtarët janë ndarë në katër skuadra, ku secila prej tyre kishte edhe kapitenin e vet.

Rivaliteti ka qenë i madh mes lojtarëve, megjithëse ka qenë thjesht një stërvitje dhe kjo e ka shtuar egon e gjithsecilit për t’u paraqitur mirë në fushën e vogël. Ka rënë në sy ndër të tjera se me grupin e lojtarëve kanë qenë në stërvitje edhe disa futbollistë të ardhur nga ekipet e moshave, si Rexha apo Kola, si dhe 15-vjeçari Tafa, që konsiderohet një element me shumë të ardhme. Sot, ndërkohë, duke shpresuar se koha do mbajë dhe nuk do ketë më reshje, stafi i ka lajmëruar futbollistët për të qenë në orën 14:30 në fushën e Shtojit.

Por nëse sërish do jetë e njëjta situatë, atëherë ekipi i Vllaznisë do jetë i detyruar të mbyllet sërish në fushën e kalçetos. Kjo do t’i shtonte edhe më tepër “dhimbjet e kokës” trajnerit Canaj, i cili ende nuk e ka të qartë në mendjen e tij mënyrën se si do luajë në Elbasan këtë fundjavë, ndonëse është një ndeshje shumë e rëndësishme ndaj skuadrës vendëse.

————————————————————————————————-

Fushaj në Maltë, shtyhet takimi me ekipin

Ishte menduar që menjëherë pas kthimit të presidentit Fushaj nga Turqia, ku ishte fundjavën që shkoi, të zhvillonte një takim me skuadrën. Por kjo nuk ka ndodhur, sepse numri një i Vllaznisë është nisur sërish për rrugë. Bëhet e ditur se ai ka udhëtuar drejt Maltës për të ndjekur ndeshjen e kombëtares sonë. Fushaj konsiderohet një tifoz “i thekur” i kombëtares kuqezi dhe prandaj ai shpeshherë e ndjek atë në ndeshjet që zhvillon jashtë vendit. Sa i takon zhvillimit të takimit me skuadrën shkodrane, mendohet se një takim i tillë do realizohet para ndeshjes me Elbasanin, mbase të shtunën, një ditë para kësaj ndeshjeje shumë të rëndësishme.

Ganezi Ampofo, ende asnjë verdikt për të

Pavarësisht ndonjë lajmi që ka qarkulluar gjoja në lidhje me largimin e futbollistit ganez Emanuel Ampofo nga Vllaznia, duhet thënë se lojtari ka qenë edhe dje në stërvitje me kuqeblutë. Ai është stërvitur normalisht me pjesën tjetër të skuadrës dhe kjo do të thotë se akoma nuk është marrë ndonjë vendim përfundimtar. Duket se pritet ardhja e presidentit Fushaj nga Malta dhe më pas do ketë një bisedë kokë më kokë mes tij dhe trajnerit Canaj për të vendosur për fatin e këtij lojtari. Por derisa të realizohet ky takim, sulmuesi 22-vjeçar, që ka ardhur në provë prej dy javësh, do jetë ende në pikëpyetje nëse do vazhdojë të qëndrojë sërish në Shkodër.


Burimi:Sporti Shqiptare

[Kliton]

Dinamo, shumë “minuse” këtë sezon


Tek blutë mungojnë strukturat e duhura dhe kalohet menjëherë nga “koka te këmbët”

Dukej se Dinamo e sezonit 2008 2009 do të ishte një skuadër elitare pas atij kampionati të zhvilluar në mënyrë perfekte një vit më parë, ku në fund blutë do të kurorëzoheshin kampionët e Shqipërisë. Por aktualiteti po tregon të kundërtën, kampionët veç distancës 8 pikë nga vendi i parë, humbjes së dy derbeve ndaj Tiranës dhe Partizanit, largimit të Daliçit, hasin probleme edhe jashtë fushe. Mungesa e një shefi klubi është problemi i parë që dallohet qartë në kampin dinamovit.

Pas dorëheqjes së Gjergji Rulit kohë më parë, blutë ende nuk kanë gjetur zëvendësuesin e tij. Dihet që një skuadër futbolli funksionon “zinxhir” dhe nuk duhet të jetë vetëm trajneri ai që duhet të mendojë për gjithçka. Gjithashtu me largimin drejt skuadrës së Besës të trajnerit Ilir Daja, posti i drejtorit teknik është ende i lirë.

Trajneri Shkëlqim Muça ka vendosur me të drejtë rregullat e tij në klubin “Dinamo”, duke u “kyçur” gojën futbollistëve të tij, por në anën tjetër tifozeria dinamovite, e cila nuk ndodhet vetëm në Shqipëri, por edhe jashtë saj, kërkon të informohet çdo ditë për të rejat nga skuadra e tyre e zemrës. Një gazetar sot tek blutë e ka shumë të vështirë të marrë informacion, kjo për mungesë të një zëdhënësi për shtyp, i cili aktualisht mungon te Dinamo.

I vetmi person që ndodhet pranë bluve duke bërë gjithçka pa u kursyer është administratori Ismet Saliaj. Në këtë sezon dinamovitët kanë shumë “minuse” brenda tyre jo vetëm në rezultate, por edhe në strukturat e klubit. Me largimin e përgatitësit fizik Frane Leko, blutë kanë mbetur dhe pa një përgatitës të tillë. Për të mos vazhduar në problemin e fushës, e cila i ka detyruar dinamovitët që nga mbërritja e tyre nga Antalia që shumicën e seancave stërvitore t’i zhvillojë në kalçeto.

Mbase vënia në dukje e këtyre probleme do t’i nxitë drejtuesit blu për të ndryshuar diçka në brendësi të saj, për të ndryshuar marrëdhëniet me mediat, të cilat duke mos gjetur strukturat e duhura për të komunikuar dhe ushqyer me informacion në fund detyrohen të telefonojnë tek presidenca mbase për një problem fare të vogël.

Organika e pasur e klubit kampion me futbollistë tepër cilësorë, të cilët do t’i kishte zili çdo skuadër në superligën shqiptare, është në kontrast me strukturat e klubit. Shumat e majme financiare të presidencës blu, të shpenzuara për trajner dhe futbollistë, do të ishte mirë të shpenzoheshin edhe për njerëzit e duhur që duhet të drejtojnë vendet “e zbuluara” në kampin blu.

Pisha-Poçi-Brahja vazhdojnë të diferencuar
Ditën e djeshme, skuadra dinamovite u është drejtuar fushave të minifutbollit për të zhvilluar seancën e radhës stërvitore, ndërkohë që me grupin nuk janë stërvitur kapiteni Arian Pisha, mesfushori Artion Poçi dhe mbrojtësi Julian Brahja, të cilët kanë kaluar probleme gjatë këtyre ditëve. Trajneri Shkëlqim Muça u ka dhënë një program futbollistëve, të cilët janë stërvitur të diferencuar në një nga fushat e kompleksit “Dinamo”. Lojtarët në fjalë janë ende në dyshim për t’u aktivizuar ndaj Apolonisë në fundjavë.

Disiplina kapet me trajnerët
Komisioni i disiplinës, i mbledhur dje për të shqyrtuar çështjet e ndeshjeve të fundit, që janë luajtur për kategorinë superiore dhe atë të parë, mori këto vendime:
- Trajneri i Luftëtarit, Mustafa Hysi, dënohet me 2 (dy) ndeshje pezullim për protestë ndaj arbitrave.
- Trajneri i Kastriotit, Ramadan Ndreu, për protesta ndaj arbitrit, dënohet 1 (një) ndeshje pezullim dhe 30.000 lekë gjobë.
- Zyrtari i klubit “Skrapari”, Dashnor Naço, për fyerje të anëtareve të ekipit udhëtues, pezullohet 3 ndeshje dhe 100.000 lekë
gjobë.
- Ankesa e lojtarit Leandro Da Silva për aktivizim nuk pranohet, meqenëse komisioni është shprehur për detyrimet qe ka ky lojtar ndaj Vllaznisë. Me shlyerjen e detyrimeve ose dhënien e pëlqimit nga Vllaznia, ky lojtar mund të aktivizohet.
- Ankesa e paraqitur nga klubi “Ada” për reklamimin në lidhje me ndeshjen Burreli Ada, nuk pranohet, si e pabazuar në rregullore.
- Lojtari i Bilisht Sportit, Nexhat Drazhin, për fyerje të arbitrit dënohet me 2 (dy) ndeshje pezullim dhe 30.000 lekë gjobë.
- Admir Metko i Maliqit dhe Eurion Iljazi i Çlirimit janë lojtarë të lirë për t’u aktivizuar me çdo ekip tjetër.
- Lojtari i Sopotit U 19, Erald Menalla, i hiqet dënimi dhe gjoba, teksa kjo i kalon lojtarit Klodian Mema, sepse është ngatërruar numri i fanellës në protokollin e ndeshjes, gjë që u konfirmua nga arbitri dhe klubi.



Burimi:Sporti Shqiptare

[Kliton]

Bardheblutë kërkojnë të marrin hak për barazimin në “Qemal Stafa”, ku humbën dy pikë me kavajasit

Vitet e fundit kemi parë gjithmonë një duel të ashpër mes Tiranës dhe Besës, që është transferuar edhe te drejtuesit e të dyja skuadrave. Vjet, Bizhdili që në fillim të kampionatit do të shprehej në media që Tirana nuk kishte shansin më të vogël për t’u shpallur kampion. Tirana nuk mori pjesë as në kupat e Europës. Besa u bë plangprishësja e bardhebluve edhe në fazën e parë të këtij sezoni, duke barazuar në “Qemal Stafa” me Tiranën e Blazhe Slishkoviçit. Me këtë barazim mori udhë kriza bardheblu, që u reflektua në fund të vitit 2008 me dorëheqjen e trajnerit kroat. Mirëpo situata ka ndryshuar, pasi Tirana nuk është më ajo ku mbretëronte kriza. Këtë kërkon t’ua kujtojë kavajasve mesfushori Jetmir Sefa, i cili po i kthehet formës më të mirë sportive. “Shumë e vështirë me Besën? Më duket se do ta ketë Besa shumë të vështirë me ne. Po t’i referohesh takimit të fazës së parë, i bie që Besa të fitojë, por nuk është kështu. Tirana nuk është ajo e fazës së parë, që linte pikë edhe në fushën e saj. Këtë e ka kuptuar jo vetëm Besa, por të gjitha skuadrat e superligës,” është shprehur Jetmir Sefa për “Sportin shqiptar”. Tirana ka grumbulluar maksimumin e pikëve në tri ndeshjet e fundit dhe do të kërkojë ta ruajë këtë ecuri deri në fund të kampionatit. Edhe Vllaznia do të luajë në tranfertë, por bardheblutë dëshirojnë të bëjnë vetëm llogaritë e tyre. “S’mund të tregohemi mendjemëdhenj dhe të themi se do ta arrijmë të sigurt fitoren. Përkundrazi, Besa është një ekip shumë i fortë, që u ka hapur në çdo moment punë skuadrave pretendente, për të mos thënë se është vetëm një skuadër që pretendon. Për ne është një përballje kyçe, pasi rezultati i saj mund të ndikojë direkt në renditje. Po fituam, mund të kapim kreun, ose e kundërta mund të mbetemi pas. Tirana pretendon maksimumin në çdo ndeshje, pa e pasur mendjen se ç’bëjnë të tjerat. Pastaj, nëse rivalët gabojnë, aq më mirë për ne”, - ka vijuar 21 vjeçari i mesfushës së Tiranës. Në ndeshjen e fundit me Shkumbinin Sefa është aktivizuar titullar që nga minuta e parë, mirëpo me rikthimin e Mukës në formacion mbetet enigmë se kush do të aktivizohet nga trajneri Kola. “Nuk e di dhe nuk i kushtoj shumë rëndësi se kush do të luajë. Të gjithë jemi stërvitur për të luajtur, por se kur dhe ku, e di trajneri. Kuptohet, dëshiroj ta jap gjithmonë kontributin tim në sukseset e Tiranës,” ka përfunduar Jetmir Sefa.


Kotorri: Muça na ka dhënë moralin e duhur


Sipas “gardianit” Elvis Kotorri, trajneri Shkëlqim Muça ia ka ngritur moralin Dinamos

Pas një heshtjeje për shtyp në kampin dinamovit, trajneri Shkëlqim Muça ka caktuar pas stërvitjes së ditës së djeshme një nga lojtarët blu për të dhënë prononcimin e radhës për mediat. Radha i ka takuar pikërisht “gardianit” Elvis Kotorri, i cili menjëherë ka dhënë mendimet e tij për gazetarët e pranishëm. Sipas nr.1 të Dinamos, kundërshtari i radhës, Apolonia, nuk është për t’u nënvlerësuar, por as për t’u mbivlerësuar. Respektin ndaj bardhëjeshilëve në këndvështrimin e Kotorrit e imponojnë rezultatet e fundit të skuadrës fierake, të drejtuar nga boshnjaku Esat Karashik. Mungesat e kapitenit Arian Pisha dhe mbrojtësit Papa Diop do të ndihen shumë në kampin blu. Në këtë linjë mendimesh është edhe portieri Elivs Kotorri, i cili ndien keqardhje për mungesën e kapitenit. Ndërkohë, qenia në portën e Apolonisë të një portieri si Alban Hoxha, i transferuar gjatë muajit janar te skuadra fierake në formën e huazimit, sipas Kotorrit është një “thikë me dy presa”. Gjithashtu, ndër të tjera, ish portieri i Elbasanit dhe Shkumbinit vlerëson ardhjen e trajnerit të ri Shkëlqim Muça në krye të Dinamos, i cili po mundohet të rrisë moralin e kampionëve në fuqi pas dy humbjeve radhazi në derbi ndaj Tiranës dhe Partizanit.

Çfarë ka ndryshuar në kampin tuaj pas ardhjes së trajnerit të ri Shkëlqim Muça?

Është një trajner i mirënjohur në futbollin shqiptar dhe cilësitë e tij njihen nga të gjithë. Është vetëm java e parë që ka marrë drejtimin tonë dhe shpresojmë që të debutojmë me Muçën në pankinë me një fitore. Stërvitja që po zhvillohet në drejtimin e trajnerit është tepër intensive dhe tashmë presim vetëm ndeshjen me Apoloninë.

Çfarë vlerësimi keni për Apoloninë?

Rezultatet e ndeshjeve të fundit flasin vetë për këtë skuadër, e cila nuk duhet nënvleftësuar, por në krahun tjetër nuk duhet as mbivlerësuar. Mund të them se kjo është ndeshja më e rëndësishme e kampionatit deri tani për skuadrën tonë. Çfarë iku mbrapa, nuk vlen më për ne, tani duhet të mendojmë për ndeshjen e radhës. Çdo rezultat tjetër, veç fitores ditën e diel, do të ishte shumë fatal për ne.

Kampionati mbetet ende i hapur në këndvështrimin tuaj?

Ne s’na mbetet gjë tjetër, vetëm të shikojmë ndeshjet tona dhe t’i fitojmë ato. Kundërshtarët janë shumë pikë përpara dhe po arritën rezultate pozitive në vazhdimësi të kampionatit, nuk mund t’i arrijmë. Ne duhet të shikojmë ndeshjet tona dhe në çdo takim të futemi në fushën e blertë për fitore.

Morali i skuadrës pas 2 humbjeve në kampionat?

Të them të drejtën, ka qenë pak i ulët pas humbjeve respektivisht ndaj Tiranës dhe Partizanit. Por me ardhjen e Muçës në krye të pankinës sonë, është rritur optimizmi dhe trajneri po mundohet të na ngrejë moralisht, por edhe në përgatitjen tonë.

Mungesa e Pishës dhe e Diopit do të ndikojë?

Mungesa e Pishës dhe e Diopit sigurisht që ndikon në kampin tonë, pasi janë dy lojtarët të rëndësishëm për prapavijën. Sidomos ajo e kapitenit Pisha “djeg” më shumë, pasi dihen vlerat e tij në skuadrën e Dinamos. Por mendoj se kushdo që do t’i zëvendësojë ata, do të japë më të mirën për të arritur objektivat e Dinamos në ndeshjen e radhës.

Alban Hoxha, si kundërshtari juaj në këtë sfidë?

Nuk mund ta quaj kundërshtar. Albani është një nga kolegët e mi si gjithë të tjerët në superligë, por kësaj here nuk është pjesë e Dinamos, por e Apolonisë.

Mbase sulmuesit blu mund t’ia dinë sekretet Albanit, duke ditur se deri përpara disa javësh stërviteshit së bashku?

Kjo që thoni është “thikë me dy presa”. Sepse mund të jetë dhe në krahun tonë dhe në krahun e tyre, pasi edhe Albani ua di “sekretet” sulmuesve tanë.
————————————————-

Pisha, mungesa që “djeg” ndaj Apolonisë

Kapiteni Arian Pisha ka qenë në dyshim për sfidën e ditës së diel me Apoloninë, por përfundimisht, sipas stafit blu, ai nuk do të jetë në fushë ndaj fierakëve. Pas problemeve në pulpën e djathtë gjatë ndeshjes ndaj Partizanit, duket se problemet nuk kanë përfunduar ende për nr.5 të Dinamos. Në dy sfidat e fundit pa Pishën në fushë Dinamo nuk ka njohur rezultat tjetër veç humbjes. Veç kapitenit Pisha, në javën e ardhshme në kampin blu do të mungojë edhe mbrojtësi Papa Diop, i cili ka plotësuar në 3 numrin e kartonëve të verdhë. Ditën e djeshme, kapiteni i Dinamos është stërvitur i diferencuar nga grupi së bashku me argjentinasin Romero. Ky i fundit ka probleme me mbipeshën, ndaj dhe duhet të punoj veçmas grupit për të ulur disa nga kg e tij të tepërta. Në aspektin teknik, lojtari ka shfaqur të dhëna shumë të mira, por duket se për argjentinasin kondicioni fizik përbën problem për teknikun Muça.

Blutë kthehen në “skuadër kalçetoje”

Shirat e ditëve të fundit i kanë detyruar kampionët të stërviten në fushat sportive të minifutbollit pranë kompleksit “Dinamo”. Ushtrime të ndryshme shpejtësie dhe me topin kanë qenë programi i ditës për trajnerin Shkëlqim Muça, ndërkohë që në fundit e saj është zhvilluar edhe një ndeshje mes grupit. Binte në sy rikthimi me grupin i zv/kapitenit Artion Poçi, i cili ka kaluar problemet me kaviljen dhe duket se do të jetë në fushë ditën e diel ndaj ish skuadrës së tij, Apolonia. Rikthimi i Poçit është një siguri më shumë për mesfushën blu, duke ditur rëndësinë e tij në lojën e Dinamos. Shqetësime të vogla ka pasur me gjendjen shëndetësore të Jusufit në fundit e seancës, por gjithcka ka kaluar “ok” dhe lojtari nuk ka probleme serioze. Ndërkohë, edhe mbrojtësi serb Danilo Nikoliç, pas një dëmtimi ditën e hënë, ka pësuar një thyerje të kockës së pjesës së sipërme të dorës së djathtë dhe është stërvitur me dorë të fashuar.


Burimi:Sporti Shqiptare

[Kliton]

Elbasani‑Vllaznia nuk është një ndeshje si gjithë të tjerat dhe kjo është e kuptueshme. Vetë protagonistët nuk e thonë, por ambienti dhe mënyra se si ndeshja po përgatitet të lë të kuptosh se bëhet fjalë për një takim jetik. Dhe në raste të tilla kuptohet që gjithçka duhet të jetë speciale, që nga mënyra se si përgatitet takimi, nga lojtarët e deri te fakti që vetë drejtuesit e skuadrës janë duke i qëndruar shumë pranë ekipit në të gjithë drejtimet, duke u kujdesuar që të mos mungojë asgjë. Kryetari i bashkisë, Qazim Sejdini, vetë ose në mënyrë indirekte, është munduar që t’i japë kurajo ekipit, duke rritur sadopak anën morale në skuadër. Por nëse për momentin gjendja psikologjike shihet si shumë e rëndësishme për të sfiduar në kushte të paktën të barabarta skuadrën kryesuese, nga ana tjetër balancat mund t’i prishë një tjetër faktor. Bëhet fjalë për tifozërinë elbasanase, që shpesh ka qenë determinante për verdheblutë. Këtë vit, stadiumi “Ruzhdi Bizhuta” është zbehur shumë nga zhurma që përjetonte në çdo dy javë kampionati. Gjithçka për faj të ekipit dhe rezultateve të dobëta të arrituar deri më tani. Natyrisht, edhe ky vit nuk ka nisur shumë mirë, pasi ekipi gaboi së fundmi me Lushnjën dhe kjo e ka zbehur jo pak entuziazmin. Sidoqoftë, parashikohet që të dielën stadiumi “Ruzhdi Bizhuta” të ketë një mumër të madh tifozësh dhe kjo për dy arsye. E para, sepse ardhjet e lojtarëve kanë rikthyer në njëfarë mënyre qetësinë në ekip dhe më së shumti një pjesë e mirë e tifozëve do të shtyhen shumë edhe nga kurioziteti për të parë një ekip që ka jo vetëm një skuadër shumë cilësore, por edhe një stol të pasur. Kjo në fakt është edhe dëshira më e madhe e lojtarëve elbasanas, pra ta shohin stadiumin plot e përplot ditën e diel. Kuptohet që një atmosferë të tillë e ndiejnë pak më shumë sesa të tjerët vetë lojtarët elbasanas, të cilët e dinë më mirë se kushdo tjetër se çfarë do të thotë ta luash një takim të tillë me shumë përkrahje. I tillë mendimi është mbrojtësi Mardian Kacollja. Edhe pse ka qenë titullar në pjesën më të madhe të fazës së parë dhe të dytë, qendërmbrojtësi shtatlartë është lënë disi në hije në këtë moment për shkak të ardhjeve të shumta në ekip, ku spikat ajo e Dedes dhe Karçevit. Por duke parë që ky i fundit nuk është në formën e tij më të mirë dhe për më tepër që ka qenë i sëmurë me grip dhe nuk është stërvitur me kohë të plotë, trajneri Sejdini është gati t’i japë hapësirë Mardian Kacolles, që sipas asaj që është vënë re edhe në stërvitje, duhet të formojë çiftin e qendrës së mbrojtjes së bashku me Nevil Deden. “Të shohim nëse do të luaj, edhe pse unë jam në një formë shumë të mirë sportive dhe kam kaluar edhe dëmtimin. Natyrisht, të luash me Deden në qendër, është një përvojë shumë pozitive, pasi Nevili ka shumë eksperiencë. Premtoj vetëm se, nëse do të jem në fushë, do të jap më të mirën si elbasanas që jam. Sulmi shkodran është i fortë, ashtu si gjithë ekipi mik, por mund të mbështetemi te cilësia, si dhe tek fakti që luajmë në fushën tonë. Mendoj se kësaj radhe tifozët tanë do të jenë determinantë për të na dhënë më shumë motive për ta fituar këtë ndeshje,” - ka përfunduar mbrojtësi elbasanas Mardian Kacollja.







Dëmtimi i Bejzades, me i rëndë sesa mendohej

Skerdi Bejzade jo vetëm që nuk do të luajë këtë javë kundër Vllaznisë, por rrezikon të mbetet jashtë ndeshjeve më të rëndësishme të këtij sezoni, kundër Tiranës dhe për Kupën e Shqipërisë. Lajmin e ka dhënë vetë lojtari për “Sportin shqiptar”, duke pohuar se tani nuk është vetëm kurrizi që e shqetëson, por ka një problem edhe më të madh. Bëhet fjalë për gjurin e djathtë që i dhemb më shumë sesa duhet sulmuesit të njohur. Ai e ka lënduar gjurin gjatë stërvitjes së dy ditëve më parë dhe tani një problem i vjetër i është shfaqur futbollistit, i cili ka ndier kaqardhje të madhe që në prag të disa ndeshjeve shumë të rëndësishme ai nuk arriti të fitojë asnjëherë formën e tij më të mirë. Kjo është vërtet një goditje shumë e rëndë për planet e trajnerit Faruk Sejdini, i cili ka shumë mundësi që në ndeshjet e radhës kundër Vllaznisë e Tiranës në kampionat dhe dy ndeshjeve çerekefinale ndaj bardhebluve në kupë i duhet të bëjë pa sulmuesin e njohur. Ndërkaq, me probleme të vogla vazhdojnë të jenë Xhafa dhe Karçev para ndeshjes me Vllazninë.



Vrapi dhe Hyshmeri rikthehen në ekip

Pasi kanë përfunduar aventurat e tyre me skuadrat kombëtare, Endri Vrapi dhe Renato Hyshmeri janë rikthyer në ekipin verdheblu për të qenë pjesë e ekipit për ndeshjes së radhës në kampionat kundër Vllaznisë. Vrapi, i cili luajti gjatë gjithë ndeshjes kundër Maltës, do të jetë pa diskutim titullar ndaj skuadrës së Vllaznisë, edhe pse mbetet për t’u përcaktuar roli ku do të luajë, për shkak se “Xhaxhi” mund ta rikthejë edhe në krah të mbrojtjes, megjithëse në pjesën më të madhe të kohës ai po aktivizohet si shkatërrues. Ndërkohë, edhe Hyshmeri është kthyer nga ekipi kombëtar Shpresa, ku po grumbullohet herë pas here nga trajneri Bushati, i cili beson shumë te ky lojtar i talentuar elbasanas. Tek Elbasani, Hyshmeri ka filluar të mos gjejë shumë hapësira pas blerjeve të fundit.


Kroati Pezo: Gol për ditëlindje dhe Shën Valentin

Sot mbush 22 vjeç, në një ditë kur të rinjtë anembanë globit kanë një festë të veçantë, Shën Valentinin. Një koincidencë që u ndodh shumë pak njerëzve, por Toni Pezo është me fat. Ka një të dashur që jeton në Kroaci, me të cilën do të dëshironte t’i ndante gëzimet e kësaj dite. Mirëpo profesioni i futbollistit, për fat të keq, e detyron t’ia bëjë dhuratën në distancë. Një gol me Besën do të ishte dhurata më e bukur për të dashurën e tij, edhe pse një ditë pas Shën Valentinit. “Jam shumë i gëzuar në prag të kësaj ndeshjeje, sepse kam tri gjëra për të festuar: ditëlindjen, Shën Valentinin sigurisht edhe ndeshjen me Besën, për të vazhduar me ecurinë pozitive të kohëve të fundit. Natyrisht, në këtë moment do të doja edhe fitoren me Besën, për ta kompletuar këtë fundjavë vetëm me festa. Do të ishte diçka e mrekullueshme për mua nëse do të fitonte Tirana edhe me një gol timin. Kjo do të ishte dhurata më e bukur që do të më vinte për ditëlindje. Për fat të keq, të dashurën nuk e kam këtu, që të mund ta ndaj më të gëzimin në këtë festë të bukur, megjithatë dëshiroj t’ia bëj një dhuratë të këndshme, që do të ishte një gol me Besën,” ‑ është shprehur kroati i mesfushës bardheblu. Dashuria e pastër është diçka e shenjtë për 22‑vjeçarin Pezo. Në këtë mënyrë ai u “mbyll” derën vazjave të reja fanse të tij, që do ta ëndërronin një lidhje dashurie me të. Toni e ka të qartë; në zemrën e tij nuk ka vend për të tjera: “Kam vetëm një të dashur, të cilën e dua shumë dhe nuk më bie ndër mend për femra të tjera.” Qëndron pjesën më të madhe të kohës në internet, ku ka mundësi të flasë me dashamirësit e tij, duke anashkaluar jetën aktive të Tiranës, ku nuk do ta kishte aspak të vështirë të bënte shoqëri të reja. “Nuk dal thuajse fare. Pas stërvitjes shkoj në shtëpi dhe futem në internet, ku kam mundësi të komunikoj me të dashurën dhe me të njohur të tjerë. Në këtë mënyrë e shtyj mirë kohën dhe nuk mërzitem, edhe pse qëndroj i vetëm,” ‑ ka zbuluar më tej Pezo. I pafjalë dhe profesionist në atë që bën, kroati ka marrë vlerësimet më të mira të stafit drejtues. Në mbrojtje apo në mesfushë, gjithmonë ka dhënë më të mirën dhe dëshiron ta bëjë për aq kohë sa të jetë futbollist i Tiranës. Në verë i përfundon kontrata me bardheblutë, por nëse do të arrihet marrëveshje me Hajdukun e Splitit, mund ta shikojmë edhe në të ardhmen si lojtar të Tiranës.



Renditja e Superliges pas javës së 19-të

1. VLLAZNIA - 37 pike
2. TIRANA - 36 pike
3. DINAMO - 29 pike
4. BESA - 29 pike
5. SHKUMBINI - 27 pike
6. TEUTA - 25 pike
7. FLAMURTARI -24 pike
8. APOLONIA - 24 pike
9. ELBASANI - 23 pike
10. PARTIZANI - 19 pike
11. LUSHNJA - 17 pike
12. BYLIS - 17 pike


Burimi:Sporti Shqiptare

[Kliton]

Java e 20-të, Superliga



Zhgënjimi i kombëtares me Maltën ia la vendin kampionatit të 70-të kombëtar të futbollit, Superliga, pikërisht javës së 20-të. Në 6 stadiume të vendit, gara e ekipeve elitare të Shqipërisë premtonte luftë të fortë sportive dhe pse jo, edhe surpriza. Dy skuadrat e kreut, Vllaznia dhe Tirana do të luanin në transfertë, pikërisht Vllaznia në Elbasan dhe Tirana në Kavajë. Koeficenti i vështirësisë së ndeshjeve për të dyja ishte i lartë. Por, nuk ka rezultuar keshtu per bardheblute, te cilet, ne Kavaje, kane fituar paster 3-1, duke patur mundesi edhe per me shume gola. Krejt ndryshe, ne Elbasan, kuqeblute kane bere gjithcka per te marre 3 piket, por kane ndeshur ne nje rezistence gati heroike te verdhebluve, te drejtuar tashme nga Faruk Sejdini. 90 minutat e luajtura ne “Ruzhdi Bizhuta” kane qene te forta dhe te hapura, ku Vllaznia, sidomos ne fundin e pjeses se dyte, ka krijuar mjaft raste, por qe jane humbur nga lojtaret e saj, nderkohe qe Elbasani mund t’i kishte ndeshkuar shkodranet me kundersulm, por nuk i ka lejuar Grima, ne nje dite te mrekullueshme. Keshtu, nisur nga fitorja e Tiranes ne Kavaje, por edhe barazimi i Vllaznise ne Elbasan, kreu i renditjes tashme ka tjeter “pronar”. Eshte Tirana, qe e shikon veten ne kuoten e 39 pikeve, nje pike me shume se Vllaznia, e cila eshte detyruar keshtu te zbrese ne vendin e dyte. Ndërkohë, Dinamo, pas largimit të trajnerit Dalic, tashmë me Shkëlqim Mucën në krye, kishte një provë karakteri dhe autokritike në “Selman Stermasi” ndaj Apolonisë së Fierit, e cila kishte 4 fitore radhazi. Blute kampione jane gjendur ne veshtiresi, sepse Berkic i Apolonise ka shenuar ne porten e tyre qysh heret, por me pas ndeshja ka patur nje muzike, ate te sulmuesit lushnjar te Dinamos, Sefa, i cili ka shenuar plot 3 here, duke i bere te pavlefshem dy golat serbe te Apolonise, se Berkicit dhe Haxhibulicit. Partizani, që synon mbijetesën, me një start mjaft pozitiv në 2009, do të duhej të kalonte një sfidë tejet të vështirë në Peqin, gjë që nuk do t’i shkonte për shtat Shkumbinit, që ende beson dhe shpreson tek zona europiane. Dhe keshtu ka rezultuar. Shkumbini vendas ka fituar fale nje goli te Roland Dervishit. Edhe Bylisit të Ballshit i duhet patjetër fitorja, për të ushqyer shpresat e mbijetesës në superligë, por ky objektiv kishte përpara një pengesë sot, Flamurtarin e Vlorës. Kuqezinjte e drejtuar nga Eqerem Memushi nuk ia kane lejuar festen balshioteve, duke i barazuar ata ne shtepi, 1-1. Ashtu sic ka pengesë në qëllimet e njëjta, të mbijetesës, edhe Lushnja, që luajti në “Niko Dovana” ndaj Teutës së Starovës nuk shkoi me tej se nje barazim 1-1, qe, sidoqofte, ka vlera per lushnjaret.

Fale ketyre rezultateve te ndeshjeve te javes se 20-te, Superliga e rrit akoma me shume temperaturen e saj, si ne krye, ashtu edhe ne fund te renditjes. Timonin tashme e ka nje emer i njohur, Tirana, qe do te beje cmos te mos ia leshoje me kreun Vllaznise, e cila, nga ana e saj, do te mundohet te sfidoje dy kryeqytetaset, 23 here kampionet, qe kane perpara, por edhe kampionet blu ne fuqi, qe i ndjekin nga pas.


Burimi:Sporti Shqiptare

[Kliton]

Java e 21-të e superligës luajti të shtunën dy prej ndeshjeve të saj. Konkretisht, Tirana kryesuese u ballafaqua me Elbasanin, në stadiumin “Selman Stermasi”, ndërsa në stadiumin tjetër të kryeqytetit, në ndërkombëtarin “Qemal Stafa”, Partizani luajti me Besën. Bardheblutë nuk shkuan më tej se barazimi i bardhë 0-0 me verdheblutë e Elbasanit, edhe pse krijuan mjaft raste për shënim. Elbasanasit ishin të vendosur mirë në fushë nga trajneri Sejdini dhe, falë shpirtit të garës, arritën t’i bënin ballë Tiranës kryesuese, duke i marrë një pikë. Një pikë që, më shumë se u bën punë verdhebluve, i prish jo pak punë Tiranës, që ndien tashmë presionin e Vllaznisë, që do të luajë një ditë më pas, të dielën, ndeshjen e saj me Lushnjën në shtëpi. Një fitore e kuqebluve, do të thotë rrotacion i tyre në vendin e parë me bardheblutë, që e morën kreun vetëm një javë më parë. Ndalesa e Vllaznisë në Elbasan bëri që Tirana t’i parakalojë shkodranët, por të shtunën, me barazimin e marrë Tiranës, ua kanë kthyer në njëfarë mënyre “borxhin” kuqebluve, duke u dhënë shansin të mundin Lushnjën një ditë më pas dhe të rikthehen në krye. Ndeshja tjetër e kryeqytetit, Partizani-Besa, është fituar nga të kuqtë, me rezultatin 1-0, falë një goli të sulmuesit Ngjela, në minutën e 45-të. Kjo ndeshje ka shënuar edhe dy kartonë të kuq, nga një për të dyja skuadrat, Malota për Partizanin dhe Kuli për Besën. Një 3 pikësh me mjaft vlera për të kuqtë, që po dalin sipër problemeve të shumta financiare që kanë, duke dhënë sinjale të forta mbijetese në superligë. Nesër do të luhen ndeshjet e tjera të kësaj jave, Vllaznia-Lushnja, Bylis-Teuta, Apolonia-Shkumbini dhe Flamurtari-Dinamo, të cilat do të vendosin shumë për klasifikimin.


Rezultatet e ndeshjeve te tjera




Renditja

[Kliton]

U luajtën ndeshjet e para cerekfinale të Kupës së 57-të të Shqipërisë, të cilat dhanë rezultatet surprizë. Në katër stadioume të vendit, në Shkodër, Tiranë, Peqin dhe Vlorë, ndeshjet vajtje të kësaj veprimtarie dhuruan dy barazime, një fitore të vendasve dhe një të skuadrës mike. Kështu, në stadiumin “Loro Borici“, Dinamo regjistron fitoren e dytë radhëzi ndaj Vllaznisë vendase, pas fitores 1-0 në kampionat, fundvitin e kaluar. Kësaj here, blutë kanë triumfuar 2-1 ndaj kuqebluve, duke hedhur një hap drejt gjysmëfinales së Kupës së Shqipërisë. Goli i Sinanit për Vllazninë, shënuar që në fillim të ndeshjes, është përmbysur nga golat e Sefës dhe Plakut, për Dinamon. Në stadiumin kombëtare “Qemal Stafa“, Tirana barazoi 0-0 me Elbasanin, kështu që cdo gjë mbetet e hapur për ndeshjen e kthimit. Sidoqoftë, Elbasani mbetet një mace e zezë për bardheblutë, ashtu si në kampionat, kur vetëm pak ditë më parë, po në kryeqytet, i mori barauim të bardhë Tiranës. Në Vlorë, Flamurtari ka mundur 1-0 Partizanin, me golin e shënuar nga Shehaj me penallti, por ka patur edhe mundësi të tjera konkludimi. Nga ana tjetër, të kuqtë, që mendjen e kanë te mbijetesa në kampionat, kanë treguar seriozitet, cka deshmon se edhe ata duan te vijojne me tej, ne turin gjysmefinal te kupës. Sidoqoftë, ndeshja e kthimit në Tiranë, pas dy javësh, do të vendosë gjithcka, ku vlonjatët duken paksa të favorizuar.

Ndeshja e Peqinit, mes Shkumbinit dhe Besës, ka dhuruar emocione, vecanërisht në pjesën e dytë. Të parët kanë kaluar në avantazh vendasit, me anë të sulmuesit Mustafaraj, ndërkohë që kavajasit kanë barazuar me anë të kosovarit Haliti. Duhet evidentuar fakti se fundi i lojës ka rezervuar tension në fushë, cka e ka detyruar gjyqtarin Jemini të nxjerrë dy kartonë të kuq për Shkumbinin, konkretisht për Norën dhe Roland Dervishin.

[Kliton]

Java e 22-të e Superligës, e cila shenon edhe perfundimin e fazes se dyte te kampionatit te 70-te kombetar te futbollit, ka sjellë të papritura të mëdha, mes të cilave, pa dyshim, ka qenë humbja shokuese 4-0 e Vllaznisë kryesuese në Durrës, me Teutën vendase. Paska qenë një e “dielë e zezë” për kuqeblutë, të cilët humbën rastin për t’u shkëputur nga Tirana, e cila u ndal nga Lushnja në “Roza Haxhiu”. Kjo humbje i ka shkaktuar edhe dorëheqjen trajnerit Agim Canaj, i cili, si një sezon më parë, te Dinamo, detyrohet ta lërë punën në mes, edhe pse në vendin e parë. Rivalja tjetër për titull e Vllaznisë, Tirana, është mjaftuar me një barazim të bardhë ndaj Lushnjës, që lufton për mbijetesë, por nuk ka treguar asgjë në këtë transfertë. Madje vendasit e kanë kontestuar fuqishëm gjykimin e Kridens Metës, i cili, sipas tyre, ka favorizuar bardheblutë. Sidoqofte, 23 here kampionet e vendit, kane marre vendin e pare, fale golaverazhit +17, duke spostuar ne te dytin Vllaznine, me golaverazh me te dobet, +11. Krejt ndryshe, Dinamo e vendit të tretë ka fituar bindshëm me Bylisin e fundit, 5-1, duke shkurtuar kësisjoi edhe diferencën me dy kryesueset, Vllazninë dhe Tiranën. Me të njejtin hap ka ecur edhe Shkumbini i Peqinit, që ka përmbysur golin e Galicës për vlonjatët, duke fituar 2-1. Zhgënjim total i Elbasanit, përballë Partizanit, teksa ka humbur 1-0, por ka humbur edhe penalltinë në minutat e fundit. Vrapi e ka shoqëruar me të qara humbjen e penalltisë, ndërkohë që trajneri Sejdini nuk është parë të ngrihet asnjëherë nga stoli. Besa e Kavajës ka fituar 2-1 ndaj Apolonisë, por fierakët kanë kontestuar fuqishëm gjykimin e ndeshjes, golin e dytë për vendasit, për shkak se ka qenë një faull i dukshëm. Drejtuesit e Apolonisë e kanë konsideruar një turp të madh gjykimin e ndeshjes, një skenar të parapërgatitur, në kurriz të skuadrës së tyre. Kësisoji, java e 22-të e superligës ka qenë e mbushur me probleme, me largimin e trajnerit të radhës, Agim Canaj, por edhe me rezultate surprizë, ku dy kryesueset, Vllaznia dhe Tirana kanë treguar luhatje të mëdha, si në mesjavë, në ndeshjen e Kupës, ashtu edhe të dielën, në ndeshjen e kampionatit.


Burimi:Sporti Shqiptare

[Kliton]

U zhvillua java e 23-të e kampionatit të 70-të kombëtar të futbollit, kategoria superiore, që konsistonte edhe me nisjen e fazës së tretë, asaj më të nxehtës, që do të përcaktojë edhe verdiktet përkatëse. Kështu, dy kryesueset, Tirana dhe Vllaznia, do të prisnin në shtëpi dy skuadrat e fundit, Lushnjën dhe Bylisin. Bardheblutë, edhe pse me jo pak vështirësi, kanë arritur t’i mundin lushnjarët 2-1, duke marrë 3 pikët aq të cmuara, ndërsa “harakiri” ka bërë Vllaznia, në “Loro Borici”, ku nuk ka shkuar më shumë se barazimi i bardhë 0-0 me ballshiotët. Një hap i pafalshëm fals i shkodranëve, që tashmë e shohin veten dy pikë larg Tiranës, por vetëm një pikë larg bluve kampionë në fuqi. Edhe pse me trajner të ri, malazezin Devish Haxhiosmanovic, kuqeblutë nuk kanë mundur do të shkojnë të fitorja, ndaj një kundërshtari që lufton për mbijetesë. cka tregon se situate te Vllaznia mbart pikëpyetje. Të cilat, në këtë fazë, mund të vënë në rrezik objektivin madhor, titullin kampion, në funksion të të cilit jetojnë e shpresojnë tërë shkodranët. Nga ana e saj, Dinamo, që njeh vetëm fitore nën drejtimin e trajnerit Shkëlqim Muca, tashmë e sheh kreun më praën se kurrë. Me fitoren 3-1 ndaj Apolonisë, blutë “kapin për flokësh” Vllazninë, ndërsa nga Tirana i ndan vetëm një ndeshje direkte, pra 3 pikë. Kësisoji, Dinamo futet plotësisht në shinat e titullit, duke e ashpërsuar ndjeshëm luftën në kreun e klasifikimit, ku tri pretendente i kanë zgjatur duart drejt kupës së kampionit. Ndalesë të papritur ka bërë në shtëpi Shkumbini, me barazimin 1-1 me Flamurtarin, cka e largon disi nga pozitat e kreut. Sidoqoftë, vlonjatët japin shenja “jete”, pas disa rezultateve zhgënjyese javët e fundit. Elbasani i Faruk Sejdinit ka marrë 1 pikë në Kavajë, ndaj Besës vendase, ndërkohë që verdhezinjtë, ashtu sikurse edhe fierakët në Tiranë, kanë kontestuar fuqishëm gjykimin. Ndeshje dramatike, me kthesa te mëdha, ka qenë ajo e Durrësit, ku Partizani ka kaluar dy herë në avantazh, 1-0 dhe 2-1, por ka provuar në fund shijen e hidhur të humbjes, duke u frenuar pas disa rezultateve pozitive në vitin 2009. Sikurse shihet edhe nga rezultatet e kësaj jave, kreu është ngjeshur më shumë se kurrë, vetëm 3 pikë “qarkullohen” mes tri skuadrave, Tirana, Vllaznia dhe Dinamo, ndërkohë që fundit po i del përditë e më shumë “pronare” Lushnja, ndërsa Bylisi, me pikën e marrë në Shkodër, i shton moralin vetes. Në zonën e ftohtë është edhe Apolonia, Elbasani, por edhe Elbasani e Partizani. Cka do të thotë se tashmë, cdo pikë e marrë prej tyre, është tepër e cmuar, kur koha sa vjen e ngushtohet dhe kampionatit i vjen fundi. Më konkretisht, në mënyrë telegrafike, ja ndeshjet, rezultatet dhe shënuesit e javës së 23-të të Superligës.

TIRANA - LUSHNJA 2-1
Memelli 24′, Muka 64′ / Cela 83’)

VLLAZNIA - BYLIS 0-0

DINAMO - APOLONIA 3-1
Sefa 40’, Bakaj 77’, Plaku 90’ / E.Haxhibulic 85’

SHKUMBINI - FLAMURTARI 1-1
Mustafaj 12′ / Veliu 82’

BESA - ELBASANI 1-1
Leci 65’ / Pema 25’

TEUTA - PARTIZANI 3-2
Vila 50’, 82’, Hysa 92’ / Ngjela 36’, Karapici 71’ (pen)


Renditja e Superliges pas javës së 23-të



Burimi:Sporti Shqiptare

[Kliton]

Kupa e Shqipërisë, Vllaznia kërkon kualifikimin në tavolinë

Kupa e 57-të e Shqipërisë ka njohur skuadrat gjysmëfinaliste të saj. Të cilat, në bazë të rezultateve janë: Tirana, Dinamo, Shkumbini dhe Partizani. Pra, 3 skuadrat kryeqytetase dhe Shkumbini i Peqinit. Këto të katërta, në bazë të shortiti të lirë, që do të hidhet ditët në vazhdim, do të ndeshen mes tyre për të synuar finalen dhe trofeun e dytë më të rëndësishëm kombëtar në futboll. Dita e mërkurë, 11 mars 2009, ka përfunduar edhe aktin e dytë të ndeshjeve cerekfinale të Kupës, ku kanë fituar dy udhëtuese, Tirana në Elbasan, 2-0, dhe Shkumbini në Kavajë, 1-0. Dinamo ka ditur të ruajë fitoren 2-1, të arritur në Shkodër, 2 javë më parë, duke e mbyllur ndeshjen e kthimit në “Selman Stermasi” në barazim të bardhë 0-0. Sidoqoftë, për sa i takon këtij cifti, duket se “dardha” e ka vërtet “bishtin pas”. Në stadiumin tjetër të kryeqytetit, në “Qemal Stafa”, Partizani ka bërë mrekullinë, duke barazpeshuar avantazhin e vlonjatëve në ndeshjen e parë, 1-0, për të qenë i sukseshëm pastaj në gjuajtjet e penalltive, sepse skuadrën e kualifikuar për më tej nuk e ka zbuluar dot as koha shtesë. Një fund i mrekulluar për peqinasit në Kavajë, teksa kanë prekur me dorë gjysmëfinalen në minutën e 90-të të ndeshjes, falë një autogoli të Ishkës. Kjo ka sjellë “heshtje varri” në radhët e Besës, që ka parë t’i ikë nga duart kualifikimi në “grahmat” e fundit të ndeshjes. Një sukses i madh ky për Shkumbinin, që tashmë synon edhe trofeun, një objektiv i fillimsezonit për bardhekaltrit, si rruga e duhur për të hyrë në Kupat e Europës.


Ndeshjet cerekfinale

GRUPI A

DINAMO-Vllaznia- 0-0 (2-1)

Besa-SHKUMBINI- 0-1 (1-1)
(Ishka 90’ (aut.)

GRUPI B

Elbasani-TIRANA- 0-2 (0-0)
(Patushi 9’, D.Xhafa 12’)

PARTIZANI-Flamurtari- 1-0 (0-1)

[Kliton]

Tirana dhe Vllaznia duket se do te luftojnë deri në fund, shumë pranë njëra tjetrës, për titullin kampion. Rezultatet e javës së 24-t kanë tregaur se nuk ka diferenca të mëdha mes skuadrave kryesuese dhe të fundit apo mesit të tabelës. Vllaznia ka bërë autokritikë, duke i hedhur pas krahëve rezultatet e dobëta të javëve të fundit. Shkodranët kanë marrë një fitore me shumë vlera në minutat e fundit në transfertën e Fierit, duke barazuar me pikë Tiranën, që nuk ka shkuar më shumë se barazimi pa gola me Bylisin në fushën e këtij të fundit. Bardheblutë patën favorin e dënimit të fushës kundërshtare, ku nuk do të kishte të pranishëm tifozë vendës, por nuk ditën ta shfrytëzonin. Kjo ishte ndeshja e dytë brenda këtij sezoni që Tirana barazon me rrjeta të paprekuara në Ballsh. Në Takimin e Vlorës, Shkëlqim Muca ka shijuar humbjen e parë si trajneri i Dinamos. Gabimi i rëndë në kupë, me aktivizimin e Bakajt, që më shumë mundësi do t’i kushtojë eliminimin në tavolinë Dinamos. Duket se ka ndikuar në atmosferën blu. Dinamo vetëm pak javë më parë, në përfundim të fazës së dytë, ka fituar pastër 2-0 në Vlorë, por këtë radhë duket se ia ka mësuar hiletë Muçës. Flamurtari ka fituar 2-1, duke iu larguar zonës së ftohtë, ndërsa Dinamo ka bërë një hap prapa në garën për titullin kampion. Rezultati më i papritur i kësaj jave është fitorja e Lushnjës në transfertë me Teutën. Në “Niko Dovana” në javët e fundit janë mundur Vllaznia e Partizani, por jo Lushnja e Ilir Gjylës, që u është ngjeshur Bylisit dhe Apolonisë në fundin e tabelës. Në takimin e “Qemal Stafës” Partizani është ndarë në paqe me Besën, duke marrë vetëm një pikë, që nuk e shkëput shumë nga grupi I fundit të tabelës. Të kuqve do t’u duhen shumë pikë të tjera për të shmangur rënien e drejpërdrejt, por ndoshta jo “play-off” – in. Elbasani e ka shumë të vështirë të dalë nga amullia ku është futur. Edhe pse ka kaluar në avantazh të dyfishtë ndaj peqinasve, nuk ka ditur të marrë tri pikët e cmueshme, që do ta largonin nga zona e ftohtë. Sjhkumbini ka arritur të barazojë në derbin e prefectures, duke treguar që nuk është rastesisht në atë pozicion. Deri në fund të kampionatit duket se do të kemi një garë të fortë mes Elbasanit dhe Partizanit, për të shmangur ndeshjet e “play-off”-it.

Ndeshjet e Tjera:

[Kliton]

Java e 25-të e Superligës së Shqipërisë ka luajtur ndeshjet e saj. Ndeshje të cilat kanë dhënë rezultate të pritura në përgjithësi, përjashto fitoren e Partizanit në Peqin, me golin e Mahos në minutën e 94-t të lojës. Dy skuadrat e kreut, Tirana dhe Vllaznia, kanë bërë detyrën në shtëpi, duke ruajtur të njëjtat pozicione karshi njëra-tjetrës, duke ecur me të njëjtin hap. Tirana ka mundur 2-0 në “Qemal Stafa” Apoloninë e Fierit, me golat e Devollit në pjesën e parë dhe të kapitenit Muka në të dytën, ndërsa Vllaznia ka fituar 3-1 ndaj Flamurtarit, në stadiumin “Loro Borici”, me dygolëshin e Sukajt dhe të Licit me penallti. Kujtojmë që vlonjatët kanë barazuar përkohësisht 1-1 me anë të sulmuesit korcar të tyre, Mema. Fitore të cmuar ka marrë Lushnja në shtëpi, ndaj Bylisit, rivalit direkt për mbijetesë, me golin e Bubeqit, cka e ka larguar atë nga vendi i fundit në renditje. Në “Selman Stermasi”, Dinamo ka mundur Elbasanin 2-0, duke mos iu shqitur kryesueseve, Tiranës dhe Vllaznisë. Për blutë ka realizuar në pjesën e parë Bakaj, me anë të një goditjeje dënimi, ndërkohë që në fundin e ndeshjes, ka qenë Plaku, sërish me goditje dënimi, që ka vulosur fitoren e kampionëve në fuqi ndaj Elbasanit, që tashmë është seriozisht i rrezikuar për mbijetesën. Ndeshjen në fjalë e ka përcjellë nga tribuna edhe trajneri i kombëtares, Ari han. Në Kavajë, Besa ka mundur 2-0 Teutën fqinje, me nga një gol në secilën pjesë. Progni i ka kaluar në avantazh verdhezinjtë, në 45 minutat e para, ndërsa kosovari Haliti ka vulosur fitoren e pastër të Besës. Në përgjithësi, kjo javë ka ruajtur të njëjtat pozita të kryesuesve, ka përforcuar pozitat e Partizanit, që i largohet rrezikut të rënies nga kategoria, ndërkohë që Lushnja, e “abonuar” prek kohësh me vendin e fundit, ia ka lënë atë Bylisit, por ka parakaluar edhe Apoloninë e parafundit.


Burimi:Sporti Shqiptare

[Kliton]

Derbi kryeqytetas Partizani-Tirana eshte mbyllur ne barazim 2-2, por bardheblute arrijne te shkeputen me nje pike me shume se Vllaznia e vendit te pare, duke perfituar nga humbja e shkodraneve ne Durres 1-0.

Ne takimin e zhvilluar ne “Qemal Stafa”, Tirana kaloi e para ne avantazh, por Partizani shenoi dy here dhe vetem ne fundin e ndeshjes, bardheblute fiksuan shifrat 2-2.

Ne Durres, Teuta iu fal nje goli te Miles ne minuten e 61-te, duke ndalur Vllaznine, ndersa Besa dhe Dinamo barazuan 1-1 me gola te Lecit dhe Cekos. Fitore edhe per Shkumbinin 1-0 ndaj Lushnjes me Gol te Dervishit.
Fale ketij rezultati, peqinasit ngjiten ne vendin e trete, ndersa Elbasani rikthehet tek fitorja pas shume kohesh duke mundur 2-1 Bylisin. Takimi i vetem pa gola i javes se 28-te eshte ai mes Flamurtarit dhe Apolonise.





"Klasifikimi"



Burimi:Sporti Shqiptare

[Kliton]

Në pamje të parë nuk lejohej asnjë hap fals, për të gjitha skuadrat këtë të shtunë. Java e 29-të e kampionatit të 70-të kombëtar të futbollit, Superliga, e ka ngushtuar akoma më shumë “lakun” për të dyja “polet” e renditjes. Në krye, Tirana dhe Vllaznia kanë bërë detyrën, duke mundur respektivisht Teutën dhe Besën. Dy ndeshje, të cilat nuk dhuruan shumë surpriza, pavarësisht faktit se kavajasit e mbyllën në epërsi pjesën e parë në “Loro Borici”. Fitore të cmuara, që japin shenja shprese për mbijetesë, ka arritur Bylisi në fushëqn e tij ndaj Partizanit, 1-0, ashtu si edhe Apolonia në Fier, 3-1 ndaj Elbasanit. Në Ballsh, skuadra e Partizanit ka barazuar në fund të ndeshjes, por goli është anulluar nga gjyqtari anësor Genc Maloku, cka ka sjellë reagimin e fuqishëm të miqve. Lushnja ka qenë fare pranë 3 pikëve, në ndeshjen me Flamurtarin, teksa udhëhiqte 1-0, deri në minutën e 87-të, por supergoli i kroatit Brajkovic i ka hequr nga duart 2 pikë, me të cilat do të vijonte javët e mbetura të kampionatit më e qetë. Tashmë fundi ngërthen disa skuadra, Partizani, Lushnja, Elbasani, Apolonia, Bylis. Kjo tregon se ndeshjet në vazhdim, për këto skuadra, do të jenë “jetë a vdekje”. Me fitoren 3-0, me 3 gola të Plakut, Dinamo futet në valle matematikisht për të zënë edhe vendin e dytë, që aktualisht mbahet nga Vllaznia, e cila po lufton në të dyja frontet, në kupë dhe kampionat. Të mërkurën e ardhshme, njëra nga dy kryesueset e kampionatit, Tirana ose Vllaznia, pas gjysmëfinales së kthimit për Kupë, do të detyrohet të mbajë vetëm “një kungull nën sqetull”, pasi do të fokusohet vetëm te titulli kampion. Po kështu, edhe në Peqin, Shkumbini vendas, ose Flamurtari, që e ka fituar gjysmëfinalen e parë të kupës në vlorë, 1-0, do t’u japë fund pretendimeve në këtë veprimtari. Sa i takon javës së ardhshme, do të kemi transferta të vështira të të dyja kryesueseve. Tirana do të udhëtojë drejt Kavajës, për t’u ndeshur me Besën, ndërsa Vllaznia drejt Peqinit, për të luajtur me Shkumbinin. Sa i takon fundit të renditjes, një sfidë vendimtare do të jetë ajo, që do të luhet në “Qemal Stafa”, mes Partizanit dhe Apolonisë. Po kështu, në Durrës, Bylisi i vendit të fundit do të synojë 3 pikët ndaj Teutës, për të rritur kuotat e shpëtimit, ndërkohë që vendasit për të mos gabuar dy herë radhazi. Elbasani do të presë në shtëpi Flamurtarin, kurse Lushnja do të jetë mysafire e Dinamos në kryeqytet.

KATEGORIA SUPERIORE
Java 29 date 25.04.2009
Nr Ndeshjet Data Ora Vendi Arbitri
TIRANA-TEUTA 4-1
(Memelli 8’, 85’, D.Xhafa 42’, Agolli 87’ / Vila 31’)
Gjyqtar: Sokol Jareci

VLLAZNIA-BESA 3-2
(Sinani 26’, 53’, Dhëmbi 60’ / Sakaj 9’, Fortunat 31’)
Gjyqtar: Remzi Sadiku

DINAMO-SHKUMBINI 3-0
(Plaku 8’, 62’, 83’)
Gjyqtar: Bardhyl Pashaj

BYLIS-PARTIZANI 1-0
(Nenaj 10’)
Gjyqtar: Kridens Meta

APOLLONIA-ELBASANI 3-1
(Haxhibuliç 27’, S.Haxhibuliç 60’, Bërkiç 77’ / F.Xhafa 51’)
Gjyqtar: Edvin Hoxha

LUSHNJA-FLAMURTARI 1-1
(E.Xhafa 32’ / Brajkoviç 87’)
Gjyqtar: Ervis Peza

[Kliton]

Tirana-Flamurtari eshte finalja e Kupes se Shqiperise per kete sezon.
Pas vlonjateve qe e kane siguruar bileten ne gjysmafinalen e pasdites ne Peqin, bardheblute kane luajtur 120 minuta perballe Vllaznise duke shenuar me veshtiresi per ta mbyllur ndeshjen 1-0 pas kohes shtese. Ka qene Sefa ai qe zhbllokoi rezultatin ne minuten e 104-t pas nje rremuje ne zonen e kuqebluve.
90 minutat jane mbyllur ne barazim 0-0 ashtu si sfida e Shkodres edhe pse te dyja skuadrat jane shfaqur rrezikshem para portave kundershtare. Kjo ishte perballja e pare e madhe e sezonit mes dy pretendenteve qe po luftojne edhe ne frontin e kampionatit ku Tirana renditet ne vendin e pare me 1 pike me shume se rivalet e Vllaznise.