Ari Han: Ëndërroj edhe unë si shqiptarët

[Kliton]

Trajneri kuqezi e cilëson të vështirë ndeshjen me Maltën. “Nuk jemi Spanja, që fiton lehtë me kundërshtarë të tillë”

“Nëse nuk ëndërron, nuk ka jetë. Edhe unë kam ëndrrat e mia, që lidhen me futbollin. Pasi të mbyllim ndeshjen me Maltën, mund të flas më mirë për vazhdimësinë dhe ëndrrën e përbashkët që kemi, rreth një kualifikimi të mundshëm në botëror.” Ishte kjo përgjigjja e trajnerit të kombëtares, Ari Han. Holandezi, i pyetur nga “Sporti shqiptar”, për një arritje të mundshme në grupin 1 eliminator, duke pasur parasysh këtu, që nëse arrihen tri pikë në ndeshjen e radhës, kuqezinjtë ngjiten për herë të dytë në vendin e parë, ia la gjithçka të ardhmes. Në konferencën e tij të parë për shtyp për këtë vit, trajneri kuqezi bëri një rezyme të punës me kombëtaren shqiptare, foli për eliminatoren me Maltën, që luhet më 11 shkurt, gjithashtu lojtarët që do të grumbullojë për këtë sfidë të rëndësishme. Për këto, por jo vetëm, në ato çfarë u shpreh, trajneri Han tregoi se ka besim të madh te ky grup lojtarësh.
“Jam i kënaqur, kemi një skuadër me karakter”

Pasi falënderoi median për interesimin, duke përmendur se kjo tregon që futbolli në Shqipëri jeton, holandezi i pankinës kuqezi bëri një rezyme të vitit të kaluar, kur dhe ai mori drejtimin e ekipit. “E nisëm me një grumbullim në Turqi, që më ndihmoi, sepse më dha një ide për lojtarët që aktivizohen me klubet e kampionatit shqiptar,”- theksoi Hani për vitin 2008. - Më pas, kaloi një periudhë me probleme, pas pezullimit të Shqipërisë nga aktivitetet ndërkombëtare. Kjo situatë ishte e pafavorshme për mua, sepse nuk luajtëm ndeshje dhe për pak humbëm edhe miqësoren me Poloninë. Gjithsesi, edhe pse nuk bëmë shumë testime, mund të them se fitorja në miqësoren me Lihtenshteinin ishte si një shtytje, për të ardhur më pas te barazimi me Suedinë. Viti 2008 ishte i kënaqshëm, e sidomos pas barazimit me Portugalinë, ku skuadra zotëroi karakter të fortë dhe unitet mjaft të mirë. Në Portugali kemi qenë tamam një skuadër. Megjithatë, për ne e ardhmja është më interesante, po duhet të jemi të bindur që në dy ndeshjet e fundit të vitit, edhe pse me 10 lojtarë në fushë, treguam karakter si skuadër. Edhe në vitin 2009, që fillon me ndeshjen në Maltë, ne duhet të futemi në fushë me të njëjtën sjellje sportive.”
“Malta e vështirë, fitorja do motivim të madh”

E ka cilësuar një ndeshje të vështirë atë me Maltën, që ashtu si kuqezinjtë synon të marrë pikët e plota. Për trajnerin Han nuk do të jetë aq e lehtë, edhe pse ai ka besim se të zgjedhurit e tij janë në gjendje të fitojnë. Sipas holandezit, nuk duhet menduar që Shqipëria mund të fitojë pa probleme me Maltën, teksa nga lojtarët kërkon një motivim të madh. “Nëse opinioni ka besim se do të fitojmë në Maltë 2 0, unë mund të them se nuk është aq e lehtë. Këtu duhet të kemi parasysh ndeshjen e parë në Tiranë, që fituam 3 0. Pra, ishte një ndeshje e vështirë, pavarësisht rezultatit. Unë mendoj se me këtë skuadër duhet të vazhdojmë ecurinë e rezultateve të mira. Kemi probleme me dëmtimet, që besoj se do të kemi edhe në të ardhmen, jo vetëm në këtë aspekt, por edhe për shkak kartonësh mund të na mungojnë lojtarë,”- ka thënë trajneri kuqezi, i cili pret një supermotivim të kundërshtarit. “Skuadra ka treguar se është në gjendje të fitojë, por, e përsëris, që ne nuk duhet të mendojmë që jemi Spanja dhe të mundim 3 0 Maltën. Natyrisht që është një ndeshje e vështirë, por ne do të luajmë për të fituar. Pres që motivimi i Maltës për ndeshjen me ne të jetë 200%, sepse edhe ata duan të marrin pikë. Kështu që, edhe ekipi ynë duhet të motivohet shumë për të marrë një fitore.”
“Nuk përsëritet Bjellorusia apo Rumania”

I pyetur për të kaluarën, ku kuqezinjtë në ndeshje decizive për vazhdimësinë kanë gabuar, trajneri i Shqipërisë është i bindur se
në ekipin që drejton nuk do të ketë dështime të tipit si përballja me Bjellorusinë apo Rumaninë, në edicionin e kaluar. Hani dha një përgjigje, me idenë sikur ai u pyet nëse ka frikë se mund të tradhtohet nga lojtarët. “Nëse e keni fjalën për ndeshjet me Bjellorusinë apo Rumaninë, kjo është shumë e vështirë për ta thënë. Edhe në futbollin e kohës sime, kjo ndodhte shpesh. Këto gjëra duhet t’i pranosh dhe t’i njohësh. Unë kam punuar në Kinë dhe e di mirë, saktësisht, se si kishte qenë situata atje. Kjo është në princip një çështje shumë serioze dhe duhet parë më seriozitet. Unë shpresoj dhe besoj se te kjo skuadër nuk do të ndodhin gjëra të tilla. Në skuadër nuk ka më lojtarë të veçantë, por një grup të mirë lojtarësh, që e njohin mirë njëri tjetrin dhe për këtë unë nuk kam frikë.”

Trajneri ka besim tek ekipi

“Nuk e vras mendjen për mungesat”
Siç është bërë e ditur edhe më parë, kuqezinjtë do të vuajnë në ndeshjen me Maltën, mungesën e dy lojtarëve kryesorë: Altin Lala dhe Lorik Cana. Duke mos dashur të dramatizojë situatën, trajneri i kombëtares ka folur i qetë për këtë pikë, edhe pse dihen vlerat e dy kuqezinjve. “Nuk e vras mendjen fare te mungesat,”- pohoi ai. “Ne do të luajmë me ata që kemi në dispozicion dhe unë kam shumë besim te lojtarët që kam grumbulluar. Eshtë e kotë që të flas për Canën apo Lalën, pasi nuk do t’i kem në Maltë.”

Mbrojtësi në një rol të ri


“Vrapi e ka zëvendësuar mirë Lalën”
Jo më kot trajneri kuqezi e zhvendosi mbrojtësin Endri Vrapi në ndeshjen miqësore me Azerbajxhanin, në pozicionin e Altin Lalës. Duket se bjondi do të zëvendësojë kapitenin edhe ndaj Maltës. Të paktën, kështu la të nënkuptonte Hani, teksa në lidhje me këtë pohoi: “Unë kam disa emra në kokë, qoftë për zëvendësuesin e Canës, ashtu edhe të Lalës. Më konkretisht, Vrapin dua ta aktivizoj në një rol të ri, gjë që ai e bëri shumë mirë me Azerbajxhanin, pra në vendin e Lalës. Për këtë, shkova dhe e vëzhgova në ndeshjen që ai luajti me ekipin e tij, Elbasanin.”

Holandezi sqaron
“Ja pse nuk u thirr Kapllani dhe Bylykbashi”
Nga lista e lojtarëve që janë thirrur për eliminatoren me Maltën, bie në sy mungesa e Edmond Kapllanit, Jahmir Hykës dhe Dorian Bylykbashit. “Kapllanin nuk e kam lënë jashtë për arsye disiplinore,”- u shpreh fillimisht trajneri kuqezi. - Repartin e sulmit e kemi të pakonsoliduar dhe Kapllani është një sulmues zone. Nuk e kemi zgjidhur problemin me sulmin, pasi nuk bëjmë atë lojë që i përshtatet Kapllanin. Ai këtë problem ka edhe te Karlsruhe. Gjithçka ka të bëjë me lojën e skuadrës.” Edhe pse ishte futur në listën e madhe, Dorian Bylykbashi ngeli përsëri jashtë. “E kam në vëmendjen time si lojtar, por për momentin kjo është zgjidhja që kam bërë. Nuk mund të ftoja më shumë lojtarë,”- sqaroi holandezi.

11.02.2009 (El.Botëror)
Maltë Shqipëri 19:30
“Stadium Nazzjonali” Ta’Kali

Përballje të mëparshme
16.08.1995 (Miqësore)
Maltë Shqipëri 2 1
Shënues: Bushi
06.02.1998 (Kupa Rothmans)
Maltë Shqipëri 1 1
Shënues: Shulku
10.02.2000 (Kupa Rothmans)
Maltë Shqipëri 0 1
Shënues: Sinani
15.11.2000 (Miqësore)
Shqipëri Maltë 3 0
Shënues: R.Vata, Bogdani (2)
22.08.2007 (Miqësore)
Shqipëri Maltë 3 0
Shënues: Salihi, Berisha, Duro
10.09.2008 (El.Botëror)
Shqipëri Maltë 3 0
Shënues: Bogdani, Duro, Dallku

Bilanci: 6 takime
4 fitore, 1 barazim, 1 humbje
Golaverazhi: 12 3

Ecuria e skuadrave në Grupin 1
06.09.2008
Hungari - Danimarkë 0 0
Maltë - Portugal 0-4
Shënues: Said 26′(aut), Hugo Almeida 61′, Simao 72′, Nani 78′
06.09.2008
Shqipëri - Suedi 0-0
10.09.2008
Suedi - Hungari 2 1
Shënues: Kallstrom 55′, Holmen 64′\ Rudolf 93′
Shqipëri - Maltë 3-0
Shënues: Bogdani 45+1′, Duro 85′, Dallku 89′
Portugali - Danimarkë 2 3
Shënues: Nani 42′, Deko 86′ (11-m)\ Bendtner 83′, Poulsen 88′, Jensen 92′
11.10.2008
Hungari - Shqipëri 2 0
Shënues: Torgelle 49′, Juhash 82′
Danimarkë - Maltë 3-0
Shënues: Larsen 10′, 46′, Ager 29′ (11-m)
Suedi - Portugali 0-0
15.10.08
Maltë - Hungari 0-1
Shënues: Torgelle 23′
Portugali Shqipëri 0-0

Renditja e Grupit 1
Skuadra N F B H Gol P
Danimarka 3 2 1 0 6-2 7
Hungaria 4 2 1 1 4-2 7
Portugalia 4 1 2 1 6-3 5
Shqipëria 4 1 2 1 3-2 5
Suedia 3 1 2 0 2-1 5
Malta 4 0 0 4 0-11 0



Burimi:Sporti Shqiptare

[arditu]

altin lalen e du shumm si lojtar