Shkëlqim Muça zyrtarizohet si trajner i Dinamos

[Kliton]

Më në fund është zgjidhur edhe dilema për sa i përket trajnerit që do të pasojë Daliçin në stolin e Dinamos. Ai do të jetë Shkëlqim Muça, njeriu më i kuaotuar më shumë për këtë post menjëherë pas dorëheqjes së kroatit. Drejtuesit dinamovitë kanë pritur vetëm dy ditë për ta bërë zyrtar lajmin, megjithëse, sipas zërave pranë klubit blu, gjithçka ishte vendosur më parë. Daliçi u largua nga stoli i Dinamos pas dy humbjeve radhazi në kampionat në dy derbi, me Tiranën dhe Partizanin, rezultate që e larguan nga pretendimet serioze për titullin kampion. Pesidenti Sulaj e ka gjetur menjëherë zgjidhjen, duke emëruar një njeri që e njeh me rrënjë dhe dhëmballë kampionatin shqiptar. Shkëlqim Muça njihet si trajner i Tiranës, sidomos në rastet e emergjencës, me të cilën ka fituar edhe tituj kampionë. Muça dha dorëheqjen shumë kohë më parë edhe nda detyra e Shefit të klubit, për shkak të përplasjeve të interesave. Muça është njeri i afërt i njërit prej donatorëve të Tiranës, ndaj vendosi t’ia lëshonte vendin një tjetër përfaqësuesi të bashkisë, pikërisht Eduard Gjinit. Prej Muçës presidenca e Dinamos kërkon ringjitjen e shpejtë në tabelë, për të pretenduar deri në fund trofetë sezonalë, kampionatin dhe Kupën e Shqipërisë. Aktualisht Dinamo renditet në vendin tretë, me 9 pikë më pak se Vllaznia.



Burimi:Sporti Shqiptare