Një çift afrikanojugor përshkon 170 kilometra ...me një kobra në makinë

[EMAUS]

Një çift afrikanojugor përshkoi 170 kilometra nën shoqërinë e një kobre helmuese, që ishte ngjitur në makinën e tij gjatë një qëndrimi në parkun e famshëm natyror Kruger, njoftoi sot gazeta "Beeld".

Pasi ishte larguar nga ky rezervat kafshësh në lindje të Afrikës së Jugut, Gordon Parratt ndjeu diçka në këmbë. Një insekt, mendoi fillimisht ai duke e pastruar pa i dhënë rëndësi me pjesën e pasme të dorës, kur më pas zbuloi se bëhej fjalë për këtë lloj gjarpëri shumë helmues, 85 centimetra të gjatë.
"Për fat të mirë, nuk jam njeri që frikësohem lehtë", tregoi Parratt, 69 vjeç.

Çifti nga Pretoria ndaloi disa herë gjatë rrugës së kthimit për ta dëbuar pasagjerin klandestin. Më kot, kobra nuk gjendej lehtë. Ata arritën ta gjejnë kur ai ishte mbështjellë rreth njërës këmbë të shoferit.
"Koka e tij arrinte deri tek gjuri im!, kujton Gordon Parrat, të cilit më në fund iu desh t'i telefononte një profesionisti për të shpëtuar nga kobra helmuese, mjaft i përhapur në Mozambikun fqinj.

Sipas drejtorisë së parkut Kruger, "kjo ngjarje është e pazakontë! Kjo lloj kobre është "jashtëzakonisht helmuese", ai e fut helmin nëpërmjet kafshimit ose duke e hedhur atë nga një largësi që mund të arrijë deri në pesë metra, shton zëdhënësi i rezervatit, Raymond Travers.
"Është një kafshë shumë e rrezikshme. Ai mund të bëhet agresiv!, thekson Travers, i cili foli në telefon me AFP-në.

Parku Kruger, më i madhi dhe më i vjetri në Afrikën e Jugut, tërheq çdo vit 1,3 milionë vizitorë të cilët kanë dëshirë të shohin "Big five" (elefantët, buajtë, leopardët, luanët dhe rinocerontët) në ambjentet origjinale të parkut

Burimi: ShtypiDites

[Mima]

Paskan pasur vertet fat keto ...

[Kliton]

Me verte qe paska pasur fat te madh,si se paska picku