Hungaria dhe Danimarka: Jashtë Bogdani, thirren Memelli dhe Bylykbashi

[Kliton]

Federata shqiptare e futbollit ka bërë sot publike listën e futbollistëve që do të grmbullohen në dy ndeshjet e radhës me Hungarinë në “Qemal Stafa” dhe me Danimarkën në transfertë për eliminatoret e Botërorit Afrikë 2010. Janë thirrur 23 futbollistë që luajnë kryesisht në kampionatet europiane, ndërkohë që nuk mungojnë edhe risitë, si nga kampionati shqiptar edhe nga ato të huaja. Grumbullimi fillon diten e diele ne oren 14:30 ne Hotel Dyrrah ne Durres.

Bogdani jashtë: Lajmi më i bujshëm i listës është lënia jashtë saj e Erion Bogdanit. Sulmuesi i Kievos nuk është preferuar nga holandezi Ari Han, i cili, me sa duket është bazuar në paraqitjen e fundit të tij me kombëtaren në ndeshjen e transfertës me Maltën. Në këtë takim Bogdani ka humbur një rast të pastër para portës kundërshtare, madje nuk la asnjë përshtypje të veçantë gjatë gjithë takimit. Goli i shënuar ndaj Lacios nuk ka ndikuar fare në vendimin e Hanit, që, me sa duket, e ka marrë me kohë vendimin për ta lënë jashtë. Në vend të Bogdanit holandezi i pankinës kuqezi ka preferuar Migen Memellin e Tiranës.
Grumbullohet Bylykbashi: Udhëtimi drejt Ukraninës së largët i ka dhënë frytet e veta. Ari Han, pasi ka parë nga afër një ndeshje të Krivbasit të kampionatit ukrainas, ka vendosur të grumbullojë Dorian Bylkbashin, ish-fantazistin e Partizanit, që po luan sezonin e dytë në Ukrainë. Hani ka e netë në Ukrainë, ku jo vetëm i ka pare lojtarët shqiptarë, por edhe ka biseduar me ta. Takimi duket që ka qenë i frytshëm.
Memelli, risia kuqezi: E veçanta e listës së Hanit është përfshirja në të e Migen Memellit, sulmuesit më të mirë të superligës shqiptare. Pogradecari ka shënuar deri tani 14 gola në kampionatin tonë, më shumë se kushdo tjetër. Ari Han e ka ndjekur në disa ndeshje të Tiranës, por vetëm tani i është mbushur mendja për ta grumbulluar.
Cana-Lala, të rikthyerit: Për dy ndeshjet e radhës trajneri Ari Han do të ketë në dispozicion dy lojtarët kryesorë të kombëtares, Lorik Canën dhe Altin Lalën. Më Maltën u ndie shumë mungesa e kapitenit të Marsejës, i cili ka pasur probleme dëmtimi që në muajin dhjetor të vitit të kaluar. Cana është aktivizuar me skuadrën e tij në ndeshjen e parë të Kupës UEFA me Ajaksin dhe në sfidën e “Parc de Princes” me PSG-në, ish-skuadrën e tij, që i shënoi golin e tretë dhe të fundit për Marsejën në fitoren 3-1. Jo më pak i rëndësishëm është rikthimi në formacion i Altin Lalës, kapitenit të Hanoverit të kampionatit gjerman (Bundesliga), që sikurse Cana ka pasur probleme dëmtimi. Hani do të ketë në dispozicion një grup të kompletuar, me të cilin do të synojë fitoren me Hungarinë, me 28 mars, dhe një rezultat tjetër pozitiv me Danimarkën, në transfertë, pas kater ditesh, me 1 prill.

Lista anti-Hungari dhe Danimarkë

Arian Beqaj- Anorthosis
Isli Hidi - Kryvbas
Samir Ujkani - Palermo
Andi Lila - Tirana
Armend Dallku- Vorskla
Debatik Curri - Vorskla
Ansi Agolli - Tirana
Kristi Vangjeli - Aris
Endri Vrapi - Elbasani
Elvin Beqiri - Vllaznia
Admir Teli - Karabakh
Lorik Cana - O. Marseje
Altin Lala - Hanover 96
Ervin Skela - E. Kotbus
Gilman Lika - Hacetepe
Ervin Bulku - Kryvbas Krig
Dorian Bylykbashi - Kryvbas Krig
Elis Bakaj - Dinamo
Klodian Duro - Omonia
Hamdi Salihi - SV Ried
Xhevahir Sukaj - Vllaznia
Besart Berisha - AC Horsens
Migen Memelli - Tirana


Burimi:Sporti Shqiptar

[Kliton]

Sapo është kthyer nga stërvitja e paradites, Ari Han është ulur në fillim në hollin e hotelit, më pas ka drekuar bashkë me kolegët e tij. Siç ishte programuar, është paraqitur menjëherë në sallën e konferencave. Nuk ka nguruar t’u përgjigjet me sinqeritet të gjitha pyetjeve të gazetarëve. Ka qenë i drejpërdrejtë në të gjitha çështjet e diskutuara, që nga mosthirrja e Bogdanit, loja e Canës dhe Lalës, deri te forma e Salihit. Han nuk e ndjen presionin e rezultatit, sepse në mendjen është vetëm fitorja, për të rikuperuar pikët e humbura me Maltë.

Forma fizike, alibia për barazimin e Maltës

Para se t’i përgjigjej pyetjeve, trajneri Ari Han i është kthyer edhe një herë ndeshjes me Maltën, duke theksuar se nuk ka qenë faji i lojtarëve, por i formës së dobët fizike, për shkak se në atë periudhë shumë futbollistë vinin pas fazës përgatitore të janarit. “Kjo është ndeshja e radhës për ne ku besoj se kemi diçka për të rikuperuar pas atij barazimi me Maltën, ku gjërat nuk shkuan siç e kisha parashikuar. Sigurisht unë i kam gjetur arsyet pse ka ndodhur kështu. Zhgënjimi në Maltë nuk ka pasur lidhje me lojtarët, por me periudhën kur u zhvillua kjo ndeshje. Malta ishte në kondicion të plotë fizik në mes të sezonit, ndërsa futbollistët e Shqipërisë vinin pas fazës përgatitore të dimrit. Mund të përmend në këtë rast lojtarët tanë që luajnë në Ukrainë. Pjesa e dytë në Maltë ishte e tmerrshme, frikësuese. Në të parën ne duhet të udhëhiqnim, por në fund duhet të ishim të gëzuar që morëm një pikë. Pra, nëse futbollistët nuk kanë luajtur mirë me Maltën, kjo ka ardhur si rrjedhojë e gjendjes jo të mirë fizike, - ka sqaruar Han, i cili sheh ndryshim të madh te gjendja aktuale e futbollistëve kuqezi. ‑ Sot shikoj një skuadër më të freksët, me ambicje dhe egoiste, që më bën të jem shumë optimist. Sigurisht dëshira është të fitojë çdo ndeshje, por kjo nuk mund të jetë e mundur. Duke pasur parasysh humbjen me Hungarinë dhe barazimin me Maltën, ka ardhur momenti t’i kthehemi fitores. Fatkeqësisht, kemi dy futbollistë të dëmtuar, Lilën dhe Beqajn, megjithatë them se me grupin që kemi në dispozivion do të arrijmë një rezultat të mirë.”

Cana‑Lala, dyshja që nuk shkon

Mund të duket shumë e çuditshme, por kur e dëgjon nga Hani dhe me shumë vëmendje kupton se ai ka të drejtë. Lorik Cana dhe Altin Lana janë dy lojtatë që vështirë t’u gjenden zëvendësuesit, të paktën për momentin, mirëpo faktet kanë treguar se kur luajën pranë njëri‑tjetrit nuk janë shumë rezultativë. “Lorik Cana është një futbollist që për mua jep më të mirën në mesin e fushës, por kur aktivizohet bashkë me Lalën në mesfushë, nuk është se kanë zhvilluar lojë të mirë. Për këtë arsye, mendoj se do të ishte më mirë që këta dy futbollistë të mos luajnë pranë njëri‑tjetrit. Cana ka treguar se mund të jetë shumë i vlefshëm në qendër të mbrojtjes. Këtë e kemi parë në ndeshjen me Portugalinë. Pas ndeshjes me Hugnarinë, kam pasur një bisedë me Canën, të cilit i kam shpjeguar që si ai edhe Lala bëjnë të njëjtin rol. Ky ishte mendimi im dhe besoj se është i drejtë, pasi ka dhënë rezultat. Besoj që Cana do të bëjë të njëjtën paraqitje si në Portugali. Gjithashtu mund të them se mund të luajë që nga minuta e parë në krahun e majtë Gilman Lika, i cili është i shpejtë dhe i fuqishëm. Ka qenë nga të vetmit lojtarë që ka dhënë rëndiment të lartë në Maltë.

Zhgënjim për Bogdanin, besimi te Salihi

Barazimi me Maltën ka qenë shumë zhgënjyes për të gjithë shqiptarët, por edhe për trajnerin Ari Han. Një rast i humbur nga Erjon Bogdani i ka mbetur të gjithëve në mendje, por më shumë holandezit, që nuk ka preferuar ta therrasë sulmuesin e Kievos për dy ndeshjet e radhës së kombëtares. “Të gjitha skuadrat e mëdha luajnë në këtë mënyrë, pra me një sulmues. Duron e shikoj më shumë si sulmues se mesfushor. Në duhet të organizohemi mirë që në mbrojtje dhe të dalim në sulm në mënyrën e duhur. Mund të them se jam paska i zhgënjyer nga Erjoni (Bogdani), sepse rastet që ka humbur me Maltën duhet të ishin bërë gola. Kjo është arsyeja pse nuk është thirrur. Për fat të mirë, ai po luan dhe ka shënuar me skuadrën e tij dhe ndoshta mosthirrja në kombëtare do të ndikojë për mirë tek ai. Besoj se do t’i japë energji të reja. Salihi është në formë shumë të mirë, ka bërë gola dhe ka luajtur shumë mirë, sikurse Berisha, që ka shënuar me skuadrën e tij.

Fitorja, gjëja e vetme që më shkon më mendje

Për mua ka shumë rëndësi reagimi i skuadrës. Unë gjithmonë nisem me idenë që do ta fitojmë ndeshjen. Janë dy takime për t’u luajtur dhe unë nuk mund të mendoj për të ardhmen time, por për të marrë më të mirën me Hungarinë dhe Danimarkën. Kemi lënë dy pikë në Maltë dhe në njëfarë mënyre këto pikë duhet t’i rikuperojmë në dy takimet e ardhshme. Të shtunën duhet të jemi maksimalisht të përqendruar për ta fituar ndeshjen. Edhe Hungaria vjen pas shumë vitesh zhgënjim dhe federata e saj pret shumë nga ky takim. Ne kemi avantazhin që luajmë në fushën tonë, para tifozëve tanë, që do të jenë lojtari ynë i 12‑të. Dua të theksoj se e ardhmja ime nuk varet nga kjo ndeshje.?

Sulmuesit e Shqipërisë luajnë të vetëm

Kombëtarja shqiptare ka shënuar pak gola edhe në të kaluarën, ndaj nuk mund të flasim për krizë golash. Për një skuadër me potencialet e Shqipërisë ka mjaft rëndësi organizimi në mbrojtje. Kjo u pa qartë edhe në momentin kur u gjendëm në disavantazh në Hungari. Duhet theksuar se sulmuesit e Shqipërisë nuk luajnë në skuadra të nivelit të lartë. Është edhe një detaj tjetër që duhet përmendur: sulmuesit tanë, luajnë të vetëm në sulm edhe në skuadrat e tyre. Pra, Shqipëria ka sulmues që janë mësuar me lojën e kundërsulmit, çka shikohet edhe në seancat stërvitore që kam zhvilluar. Kjo aftësi e kufizuar e tyre shprehet edhe në lojëne e kombëtares. Megjithatë duhet të punojmë fort për t’u përmirësuar në fazën sulmuese, pasi ndeshja nuk mund të fitohet pa shënuar.





Akuza e Hanit: Ka njerëz që nuk e duan kombëtaren

Trajneri Ari Han ka gjetur rastin për të thënë diçka në lidhje me mosmarrëveshjen e fundit mes FSHF‑së dhe drejtorisë së stadiumit ndërkombëtar “Qemal Stafa”. Madje holandezi është treguar mjaft i ashpër, duke hedhur akuza të rënda ndaj atyre që sipas tij, dëshirojnë dështimin e kombëtares: “Dua të shtoj diçka për stërvitjen që kemi në mbrëmje. Gjithonë në grumbullimin e kombëtares bëhet një plan stërvitor, ku përfshihet edhe një seancë në stadiumin ku do të zhvillohet ndeshja. Vetëm një ditë më parë jam njoftuar se nuk mund ta zhvillonim këtë seancë. Vetëm një pyetja kisha. Pse ky zotëri kërkon të marrë një përgjegjësi kaq të madhe, për të mos na lejuar të stërvitemi në “Qemal Stafa”? Mendoj se pas këtij njeriu duhet të fshihen të tjerë. Ne duam t’i krijojmë kushtet më të mira kombëtares, që të mund të arrijmë rezultatin e duhur, kështu që, qoftë Shqipëria, qoftë Hungaria, duhet të lejohen të kryejnë një seancë stërvitore aty ku do të luhet ndeshja. Në qoftë se njerëz të caktuar mendojnë ndryshe, atëherë le të shprehen. Si duket, nuk janë të interesuar që kombëtarja të bëjë një parqitje të mirë. Janë njerëz që nuk i duan të mirën kombëtares. Nuk mund ta shpjegoj ndryshe këtë situatë.” Më ashpër se kaq nuk kanë reaguar as drejtuesit e Federatës Shqiptare të Futbollit. Menjëherë pas transmetimit në televizion të deklatarës së Hanit, ka ardhur edhe reagimi i drejtorisë së stadiumit, që ndryshe nga herët e tjera, ka pranuar, madje me shumë zell, që kombëtarja ta zhvillojë stërvitjen në “Qemal Stafa”. Rreth orës 20:00, autobuzi me futbollisët kuqezi ka mbarritur pranë stadiumit, ku është zhvilluar pa më të voglin problem seanca e pasdites. Më shumë se i mbështetur në rregullore, qëndrimi i drejtorit Dhales duket se ka qenë një lapsus, që thuhet se ka vënë në lëvizje instancat më të larta të shtetit shqiptar.

[Kliton]

Shqipri-Hungari

Shqipëria ka shumë arsye për ta mundur Hungarinë, ndeshjen e 28 marsit 2009. Jo vetëm për të qenë ndër ekipet e para në renditjen e Grupit 1 kualifikues për Botërorin 2010, jo vetëm për të bërë autokritikë për zhgënjimin e fundit në Maltë, jo vetëm për të kënaqur tifozët e zjarrtë kuqezinj, por edhe për të rregulluar diçka në traditën mjaft negative me europiano-lindorët. Nga katër ndeshjet e luajtura deri tani mes këtyre dy kombëtareve, kuqezinjtë e kanë të bardhë shifrën e fitoreve dhe atë të golave të shënuar. Në kahun tjetër, bilanci është mjaft negativ, plot 17 gola të pësuar, nga të cilët, 12 gola brenda një ndeshjeje. Fjala është për 24 shtatorin 1950, në kohën kur kombëtarja jonë drejtohej nga trajneri Ludovik Jakova. Asokohe u luajt një ndeshje miqësore, e cila ka hyrë në histori si humbja më e thellë e kombëtares kuqezi, por njëherazi edhe si fitorja më e thellë në ndeshje të këtij rangu. Para kësaj ndeshjeje, njollë e zezë për kuqezinjtë tanë, ishin zhvilluar edhe dy ndeshje të tjera. Konkretisht, më 20 gusht 1947, kombëtarja shqiptare do të pësonte një humbje të pastër 3-0, në ndeshjen e vlefshme për Kampionatin e Europës Qëndrore. Në këtë ndeshje, kuqezinjtë drejtoheshin nga një trajner i huaj, Ljubosha Broçiç. Ndeshja e kthimit, ku u fiksua barazimi 0-0, më 23.05.1948 , pati në stolin kuqezi trajnerin Adem Karapici. Ndeshja e fundit në radhë u zhvillua më 11 tetor 2008, në kuadrin e kualifikuesve për Botërorin 2010. Hungarezët fituan pastër, 2-0, ndërkohë që kuqezinjtë tanë luajtën një pjesë të parë të mirë, ndërsa në të dytën u shfytyruan fare. Tashmë, në derë është ndeshja e kthimit, e vlefshme për grupin 1 eliminator, ku Shqipëria, sikurse thamë edhe më lart, synon të shënojë golin e parë në ballafaqimet me Hungarinë, por të regjistrojë edhe fitoren e parë. Vetëm në këtë mënyrë do të prishej sadopak ai bilanc mjaft negativ me europiano-lindorët, të cilët kanë shënuar plot 17 gola në portën kuqezi, në katër ndeshje, ndërsa ne nuk e kemi shijuar asnjëherë këtë në portën hungareze. Në stolat respektivë janë dy trajner holandezë, Ari Han te Shqipëria, dhe Ervin Koeman te Hungaria. Pra, një tjetër sfidë brenda sfidës. Herën e kaluar, në Budapest, triumfoi Koemani, edhe për dobësi të kuqezinjve tanë, kësaj here Ari Han synon revanshin. Ashtu sikurse kombëtarja shqiptare ka për qëllim të bëjë “sefte” ndaj këtij kundërshtari. Ndeshja do të fillojë më 20:30, në stadiumin kombëtar “Qemal Stafa”. 90-minutat e sfidës në fjalë do të gjykohen nga një treshe holandeze, me kryesor Bjorn KUIPERS, dhe ndihmësa të tij (anësorë) Patrick GERRITSEN dhe Wilco LOBBERT. Vëzhgues i FIFA-s do të jetë Bas NIJHUIS, edhe ai nga Holanda.

Ndeshjet Shqipëri-Hungari
20.08.1947: HUNGARI-SHQIPËRI 3-0

(Kam. Europës Qëndrore)
Trajner: Ljubisha Broshiç

23.05.1948: SHQIPËRI-HUNGARI 0-0

(Kam. Europës Qëndrore)
Trajner: Adem Karapici

24.09.1950: HUNGARI-SHQIPËRI 12-0

(Miqësore)

Trajner: Ludovik Jakova

11.10.2008: HUNGARI-SHQIPËRI 2-0

(Kualifikuese)

Trajner: A.Haan

Bilanci: 4 takime
3 fitore Hungaria

1 barazim

Golaverazhi: 0-17

[Kliton]

Mund të thuhet me plot gojën se fati i keq e ka ndjekur portierin e kombëtares, Arjan Beqaj. Në stërvitjen e ditës së enjte, paradite, gjatë një planzhoni, Beqaj ka nxjerrë shpatullën, duke e lënë fushën me dhimbje të mëdha. Stafi mjekësor kuqezi ka bërë konstatimin e momentit rreth dëmtimit të portierit, duke e dërguar atë menjëherë për ekzaminime të hollësishme në Spitalin Ushtarak. Atje u është nënshtruar ekzaminimeve të detajuara, në bazë të të cilave ka rezultuar këputje e ligamentit në shpatullën e dalë gjatë stërvitjes së paradites. Kjo gjë do të thotë 6 muaj pushim absolut të Beqajt, larg fushave të stërvitjes dhe të lojës. Vetë portieri, i traumatizuar, duke iu nënshtruar fatit shumë të keq, sepse sapo kishte lënë pas një dëmtim, është shprehur: “Jam shumë i pezmatuar. Sapo kisha kaluar një dëmtim, që më la disa kohë jashtë fushave të blerta, kur pësoj tjetrin, këtë herë edhe më të rëndë. Nuk di ç’të them, por vërtet ndihem i dërrmuar psikologjikisht. Humba këto dy ndeshje mjaft të rëndësishme me kombëtaren, por po mbyll kështu edhe sezonin tim më të errët sportiv. Mjekët këtu në Tiranë më thanë që kam këputur ligamerntin gjatë daljes së shpatullës, ndaj për 6 muaj duhet të bëj pushim absolut. Kam në plan të shkoj në Beligjikë, për të bërë një kontroll më të specializuar dhe për të filluar fazën e riaftësimit.” Një dëmtim i rëndë ky për portierin titullar kuqezi, që vjen në momentin më të padëshirueshëm për të. Jo vetëm sepse sapo kishte lënë pas një tjetër dëmtim, por sepse i ka hedhur në erë, sikurse thotë edhe vetë, dy oferta të mira, për të kaluar në një skuadër italiane ose në një skuadër franceze sezonin e ri futbollistik. Pa llogaritur këtu mungesën në kombëtare.


Formacioni: Cana në mbrojtje, Salihi vetëm në sulm







Renditja aktuale e Grupit 1








Burimi:Sporti Shqiptare

[EMAUS]

Faleminderit Kliton per informacionet e sjella.

[Kliton]

Trajneri Ari Han do të luajë ndaj Danimarkës, me të njejtën skemë si edhe ndaj Hungarisë në Tiranë. Do të jetë vetëm një sulmues i vetëm, Hamdi Salihi, në vijën e parë të formacionit kuqezi, që do të ndihmohet nga Skela, organizator dhe goditës i portës nga pas, nga vija e 16-metërshit, ndërkohë që nga krahët, krosimet dhe depërtimet drejt qendrës së mbrojtjes daneze do të jenë në këmbët e Berishës dhe të Klodian Duros. Në mesfushë shtohet Ervin Bulku, që së bashku me Lalën do të kenë si qëllim prishjen e manovrës sulmuese të vendasve që në startin e tyre. Kësisoji, del “jashtë loje” Gilman Lika, që luajti si titullar të shtunën e kaluar në “Qemal Stafa”. Mbrojtja do të përbëhet sërish me katër lojtarë, ku vendin e Canës, së pezulluar për arsye kartonësh, në qendër të prapavijës kuqezi, krah Currit, do ta zërë Elvin Beqiri. Nga krahët, në të djathtë, do vijojë të luajë Dallku, ndërsa në të majtë, Vangjeli. Porta e kombëtares shqiptare do t’i besohet sërish Isli Hidit. Grupi duket i gatshëm dhe pa probleme për këtë ndeshje, me përjashtim të një dëmtimi që ka pësuar Ervin Skela. Vlonjati kuqezi është stërvitur vecmas dy ditët e fundit, por do të jetë gati për sfidën me danezët. Trajneri Han është munduar të rrisë moralin e kuqezinjve, pas humbjes me Hungarinë, katër ditë më parë, duke u thënë se e shkuara nuk zhbëhet, por duhet parë përpara. Përmes evidentimit të ndeshjes me Portugalinë, ku kombëtarja shqiptare barazoi 0-0, edhe pse përgjatë kohës më të madhe të lojës ishte me 10 lojtarë në fushë, pas daljes me të kuqe të Telit, holandezi shpreson sërish tek një rezultat heroic e historik, si në Bragë, pas humbjes 2-0 në Budapest. Ndërkohë, gjatë ditës së djeshme, janë shprehur për këtë ndeshje edhe vendasit.

Bilanci i ndeshjeve Danimarkë-Shqipëri

(6 ndeshje, 1 fitore, 0 barazime, 5 humbje, golat: 2-14).

29.06.63: Danimarkë-Shqipëri 4-0
30.10.63: Shqipëri-Danimarkë 1-0
02.06.93: Danimarkë-Shjipëri 4-0
08.09.93: Shqipëri-Danimarkë 0-1
09.10.04: Shqipëri-Danimarkë 0-2
08.06.05: Danimarkë-Shqipëri 3-1


Burimi:Sporti Shqiptare