Merkato: Levizjet e Lojtareve

[Kliton]

Sulmuesi italian Fabio Qugliarella ka nënshkruar marrëveshje pesëvjeçare me Napolin dhe do të prezantohet në media gjatë javës.
Mediat italiane që në javën e kaluar bënë të ditur se Napoli dhe Udinese kanë arritur marrëveshje për transferim të sulmuesit. Sot pasdite ky transferim është pohuar edhe nga vetë klubi i Napolit. Transferimi do t’i kushtojë Napolit 16 milionë euro, si dhe humbjen e gjysmës së kartonit të Maurizio Domizzi, që ishte në gjysmë-pronë të të dyja klubeve. “Më vjen mirë për këtë, pasi kjo është ajo për të cilën shpresova. Për mua kjo është një realizim i ëndrrës”, ka thënë Quagluarrella.

[kristimcs]

do te vej dhe un ca por jo tani se pertoj.....

[Kliton]

Real Madrid-Kaka dukej nje ceshtje e perfunduar por Chelsea ka hyre ne mes duke rritur cmimin e brazilianit.
Trajneri i ri i londinezeve, Carlo Ancelotti ka bindur pronarin rus Abramovich te rrise oferten per asin brazilian, duke i prishur pune skuadres “merengues”. Sipas mediave spanjolle, Chelsea ka nderhyre kur mendohej se gjithcka perfundoi per 64.5 milione euro.
Radio Cedena Ser jep lajmin se Ancelotti eshte takuar me te atin e lojtarit Bosco Leite, duke i kerkuar qe te bllokoje bisedimet. Nderkohe, Milan nuk konfirmon asgje, por ne faqen zyrtare te kuqezinjve thuhet se Adriano Galliani ndodhet ne Madrid ku po bisedon me presidentin Florentino Perez.
“Nuk e di nese Milani mund ta mbaje Kaka sepse po i ofrojne aq shume para…”, u shpreh diten e sotme presidenti Silvio Berlusconi, duke lene te kuptohet se asi brazilian i ka oret e numeruara ne Milano.

[Kliton]

Carlo Ancelotti mendon t’i jape ngjyra kuqezi skuadres se Chelsea, duke ideuar nje grup me disa elemente qe aktualisht luajne me Milanin.

Trajneri italian i londinezeve kerkon te terheqe ne “Stamford Bridge” dyshen Alexandre Pato-Andrea Pirlo, per t’i dhene sa me shume fantazi mesfushes dhe shpejtesi sulmit te bluve.
Sipas gazetes “The Sun”, Ancelotti i ka ofruar rreth 30 milione euro ish klubit te tij per te blere te riun Pato dhe 12 milione skuadres se Portsmouth per mbrojtesin Glen Johnson.
Per sa i perket Pirlos, Abramovich nuk eshte shume entuziast pasi fantazisti kuqezi i ka mbushur te 30-at dhe aktualisht fiton 6.5 milione euro ne sezon.

[Kliton]

Nuk eshte ende zyrtare, por mediat spanjolle shkruajne se Ricardo Kaka, duke filluar nga sezoni i ardhshem do te jete lojtar i Real Madrid.

Sipas tyre, administratori i deleguar i Milanit, Adriano Galliani tashme ka rene dakord me presidentin e madrileneve, Florentino Perez per transferimin e brazilianit ne “Santiago Bernabeu”. Duke patur edhe nderhyrjen e Chelsea, oferta e Perez eshte shtuar nga 60 ne 68 milione euro qe do te shkojne ne kasen e Milanit, nderkohe qe futbollisti do te perfitoje 9 milione euro ne sezon dhe 50% te perfitimeve nga imazhi.
Vete presidenti i klubit italian, Silvio Berlusconi ka pohuar se eshte shume e veshtire te refuzohet oferta e spanjolleve edhe pse vete futbollisti ka deklaruar se kerkon te qendroje te Milani.
Sipas te perditshmes “Marca”, Kaka do te veshe fanelen me numrin 5, ate qe ka mbajtur per disa vite francezi Zidane dhe qe tashme eshte keshilltar i presidentit Perez.

[eugjeni]

Van Basten Trajneri i ri i Milanit

Trajneri i ri i Milanit do te jete Marko Van Basten. Lajmi behet i ditur nga drejtues te klubit, qe jane shume prane zyrtarizimit te emrit te holandezit, i njohur mire ne Milano, madje eshte nje prej legjendave te ketij ekipi, disa vite me pare. Ish-trajneri i Ajaksit, i larguar nje jave me pare, Van Basten, dikur ka qene edhe nje futbollist i shkelqyer i Milanit, me te cilin fitoi shume trofe
.
Didier Deschamps do te pasojë Erik Gerets

Info OM.net: Didier Deschamps do të jetë traineri i Olympique Marsejë sezonin e ardhshëm. Ne 1998 kampion- Bote u angazhuar për dy vjet. Ai do të marrë detyrën qershorin e ardhshëm. Takimi mes Presidentit të Klubit dhe aksioneri kryesor i saj ishte i lejuar të premten e kaluar për të miratuar zgjed

Anceloti, Kaka dhe Pirlo, ikin tek Celsi


Klubi i Celsit beson se Karlo Anceloti, do te jete menaxheri i ri i ekipit. Pas zerave qe qarkullojne prej kohesh, se ne fund te ketij edicioni trajneri mund te largohet nga ekipi, mediat angleze njoftojne se eshte arritur nje marreveshje qe do te realizoje kalimin e trajnerit ne "Stamford Brixh", ne fund te ketij sezoni. Trajneri aktual i Milanit ka biseduar per kete ceshtje me presidentin e bluve te Londres, Roman Abramovic. Por pronari i Celsit, Roman Abramovic deshiron qe te kete ne ekip, bashke me trajnerin edhe dy lojtare te rendesishem te Milanit. Behet fjale per lojtare me cilesi te vecanta dhe qe jane pjese e rendesishme e Milanit, si Andrea Pirlo dhe braziliani Kaka, qe kane te ngjare te largohen se bashku me trajnerin nga "San Siro". Nderkohe diskutimet jane ne faze te hershme dhe levizja e 49-vjecarit shihet e sigurt. Milani ndjen Interin, shtate pike larg ne Seria A, por deklaratat e presidentit te kuqezinjve, Silvio Berluskoni, se faji per ecurine e dobet i mbetet Ancelotit, duket se e kane zemeruar edhe me teper trajnerin, i cili nuk ka se cfare mendohet me dhe me teper, bazuar ne mediat angleze, ka kontaktuar me presidentin e Celsit, per t'i dhene pergjigjen perfundimtare. Sipas presidentit te Milanit, gjithashtu edhe Kryeminister i Italise, Milani duhet te kishte fituar trofe dhe deshtimi ka pasur si shkak rolin e dobet te teknikut, cka do te thote se eshte dhene nje sinjal i qarte, se ai nuk ben me pjese ne planet e kuqezinjve, per sezonin tjeter futbollistik. Milani po mendon per pasuesin e Ancelotit dhe ne te njejten kohe trajneri aktual ka gjetur "strehe" te re, madje larg Italise. Pervec brazilianit Kaka, Ambramovic ka ne liste edhe emrat e Tevezit, Adebajorit dhe te sulmuesit te CSKA-se se Mockes, Juri Zhirkovit. Pirlo, i cili mbush 30 vjec javen tjeter dhe ka dy vite te tjera kontrate me klubin e tij, eshte terhequr nga interesi i Celsit, pasi ka qene nje pike kyce per trajnerin Karlo Ancelotin tek Milani. Pirlos i eshte besuar roli i organizatorit dhe ka qene nje lojtar i rendesishem per trajnerin e ardhshem te Celsit. hjen përfundimtare.

Leonardo, trajneri i ri i Milanit




Leonardo pranoi se eshte duke perjetuar nje "dite te vecante", teksa ai eshte prezantuar dje ne stolin e Milanit. Brazliani, ish-kampioni i Botes qe kaloi disa sezone ne "San Siro" si lojtar, nuk ka asnje eksperience menaxheriale. Por ai eshte emeruar nje dite pasi Karlo Anceloti, zhvilloi ndeshjen e tij te fundit me Milanin ne Seria A.

Leonardo ka tani mundesine per te paraqitur nje vizion per te ardhmen e klubit, qe kerkon te ngjitet ne nivelet me te larta te Evropes. "Ajo qe me solli serish tek Milani, eshte nje ceshtje e madhe", - theksoi 39- vjecari per mediat italiane. E kisha enderruar qe te behesha nje dite lojtar por jo trajner, por tani jam ketu shume i lumtur". Leonardo, i cili ka punuar si trajner i Milanit dhe drejtor te klubi kuqezi, shtoi se ai eshte i nderuar qe pason ne detyre, Karlo Ancelotin. Ai shpjegoi: "Kam qene ketu per 12 vjet. Besoj se eshte dicka e madhe qe te filloj pune pas Karlo Ancelotit, edhe per raportet qe kemi pasur se bashku. "Kam qene 12 vjet ketu dhe puna, entuziazmi dhe deshira per te arritur sukses, do te jene serish pjese e pandare e punes sime".

[Lucatonii]

ooo Eugjeni Haver qa je tu than bre: Anceloti, Kaka, Dhe Pirlo ikin tek Chelsea?
Anceloti po se po Pirlo esht ? Ndersa Kaka pothuajse esht Pran Kalimit tek Reali i Madridi e jo tek CHelsea klm ;(

[ReniX]

Kaka, konfermohet te henen. Ishalla ndro mendje, po me ate shum lekesh eshte veshtire

[Kliton]

Pak dite pas emerimit te Florentino Perez ne krye te presidences se Real Madrid, fillon lufta mes gjigandeve te futbollit spanjoll.

Ceshtja “Kaka” ngjall nervozizmin e presidentit te Barcelones, Joan Laporta, sipas te cilit, Perez po i jep nje goditje merkatos, pasi ka vendosur te shpenzoje nje shume marramendese per te marre ne Madrid asin brazilian.
“Normalizuam merkaton me nje ndjenje te madhe pergjegjesie qe kerkojme ta ruajme, por Reali do te shkaterroje gjithcka”, shprehet Laporta nga faqet e gazetes “Marca”, duke shenjestuar rivalet e perjetshem.
Ne vijim te intervistes, ai ka sfiduar madrilenet, duke thene se pavaresisht parave, synimi i pjeses me te madhe te lojtareve eshte qe nje dite te luajne me Barcelonen. “Ne kemi nje klub qe menaxhohet ne menyre te perkryer. Lojtaret qe duan te permiresojne prestigjin e tyre, e dine se Barcelona eshte si nje pike referimi per ta”, perfundon Laporta.

[Kliton]

Barcelona po mendon ta shesë kamerunasin në Angli kundrejt 30 milionë eurove
Mançester Siti është një hap larg blerjes së Samuel Etosë, i cili pritet të përfitojë një pagë marramendëse rreth 200 mijë euro në javë. Pas blerjes së Gareth Berrit nga Aston Vila, drejtuesit e Sitit janë gati të mbyllin marrëveshjen me dy sulmuesit Karlos Tevez dhe Samuel Eto, duke shpenzuar nga 30 milionë euro për sezonin. Eto, i cili shënoi golin e parë në fitoren 2-0 ndaj Mançesterit në Ligën e Kampioneve, ka thënë disa herë se dëshiron të qëndrojë në “Kamp Nou”, por duket se drejtuesit e klubit i kanë kthyer shpinën.
“Faktikisht kemi një oferë. Merkato është shumë dinamike dhe ndryshon nga momenti në moment. Eto është një futbollist i kërkuar nga disa klube dhe ne do të bëjmë zgjedhjen e duhur”, - tha presidenti Laporta. Numri 1 i Barcelonës duket se ka pranuar këshillën e Guardiolës për të zëvendësuar Etonë me një sulmues tjetër të tipit Benzema ose Ibrahimoviç. Eto luan prej pesë vitesh në “Kamp Nou”.
Për të u tha se do të shitej edhe në verën e kaluar, por ishte titullar gjatë sezonit madhështor ku katalanasit fituan kampionatin, Championsin dhe Kupën e Mbretit. Eto shënoi 35 gola në të gjitha veprimtaritë. Ai është shpallur tri herë futbollisti afrikan i vitit dhe në vitin 2006 është votuar si sulmuesi më i mirë në Champions.
“Eto dhe Tevez janë dy sulmues të klasit botëror, - tha trajneri i Mançester Siti, Mark Hjuxhs. - Unë do t’i pranoja me krahët hapur, si çdo trajner tjetër në botë.” Nga ana e tij Samuel Eto nuk është prononcuar, por ka të ngjarë që paràtë e sheikëve arabë ta bindin të largohet nga Barcelona, atje ku në të vërtetë asnjëherë nuk e kanë dashur aq sa e meritonte.

Rise, nga Roma te Barça!
Barcelona është një hap larg blerjes së norvegjezit Xhon Arne Rise nga italianët e Romës. Mbrojtësi i majtë, që ka një eksperiencë të madhe të Europë falë gjashtë viteve si titullar i Liverpulit, do të zërë vendin e lënë bosh nga largimi i Silvinjos. 28-vjeçari do të kushtojë rreth 6 milionë euro dhe do të jetë në balotazh me Erik Abidalin për një vend në formacion.

[Kliton]

Pas një takimi me presidenten verdhekuqe, arrihet marrëveshja. Trajneri: Qëndroj për të mirën e skuadrës
Mbledhja midis Rosela Snesit dhe Luçiano Spaletit ka përfunduar me një gjë të sigurt: trajneri nuk do të largohet, pasi klubi nuk ka ndërmend ta lërë të lirë. Kontrata e Spaletit me Romën, që skadon në vitin 2011-të, do të respektohet, për rrjedhojë Çiro Ferrara është shumë afër konfirmimit për të marrë drejtimin e stolit të Juventusit. Në fakt, klubi bardhezi priste lajme nga Roma, para se të merrte një vendim përfundimtar, që tani mund të parashikohet lehtë. Takimi midis trajnerit dhe presidentes së Romës ka zgjatur disa orë.
Dhe përfundimi ka qenë ai që pritej: marrdhënia me teknikun do të vazhdojë, edhe pse tani duhen përcaktuar më mirë disa gjëra. Vetë trajneri i Romës nuk e fsheh kënaqësinë e tij: “Qëndrova për të mirën e Romës. Nuk mund të thuhet nëse jam i kënaqur apo pak i motivuar.” Pasi mbaroi takimin me Spaletin, Rozela Sensi u bashkua me Praden e Kontin në vilën “Pacelli” për të programuar merkatën.
Një sezon i ri i Romës nisi zyrtarisht. Pikëpyetja e vërtetë ka të bëjë me të ardhmen e klubit verdhekuq. Nën presionin e bankës “Unicredit”, familja Sensi pret sinjale nga biznemsmeni roman Fioraneli, përndryshe do të futet në lojë “Mediobanca”. Pasi janë fshirë të gjitha dyshimet dhe është sqaruar ajo që duhej sqaruar me Totin dhe De Rosin, Spaletit i është kërkuar ta rifillojë atje ku e ka lënë. Të gjitha këto vijnë kur e ardhmja e klubit është në dyshim, duke nisur me “Unicredit” që lëshon ultimatume, duke pretendon shlyerjen e borxhit nga kompania “Italpetroli” sa më shpejt, duke përdorur për këtë shitjen e klubit sportiv Roma.

Fantazisti brazilian
Diego: Juvja do të më rikthejë “Selecaon”
Me pushime që i ka merituar. Në fillim ka gjetur kohën për të shpjeguar për një televizion brazilian, gëzimin për fitoren e Kupës së Gjermanisë, për firmën me Juventusin dhe zhgënjimin për thirrjen e munguar nga kombëtaria braziliane. Diego Ribas da Kunja ka festuar duke ngritur një trofe, ashtu siç kishte premtuar. Por ka një problem: lista e bërë nga trajneri i kombëtares Karlos Dunga, ku ai nuk ka bërë pjesë, as për ndeshjet klualifikuese të botërorit as për Kupën e Konfederatave. “Më vjen keq që kam mbetur jashtë kombëtares. Në pjesën më të madhe të karrierës time kam qenë pjesë e kombëtares. Megjithatë, Juventusi do të më ndihmojë të rigjej fanellën e Seleçaos”, - ka thënë braziliani, i cili shikon në të ardhmen e tij Champions Ligën dhe Kupën e Botës objektivat e një kampioni të vërtetë. “Zakonisht thirrja një kombëtare vjen si rezultat i impenjimit të treguar në klubin ku luan. Kështu, ky do të jetë objektivi im kryesor. I respektoj zgjedhjet e Dungës, por mendoj se futbolli im nuk ka ndryshuar asnjëherë”, - ka thënë Diego.

Trajneri
Balardini konfirmon largimin nga Palermo
Davide Balardini ka lajmëruar largimin e tij nga Palermo në mënyrë indirekte. Trajneri i Palermos i është përgjigjur presidentit Zamparini: “Nuk kam thënë se më ka stresuar. Presidenti ka një mënyrë të veçantë për të menaxhuar marrdhëniet me trajnerin dhe zgjedhjet teknike. Kemi folur, kam shprehur opinionin tim dhe do të gjehet një zgjidhje. Dhe zgjidhja e mundshme është lamtumira, ka mundësi që të ndahemi. Edhe pse nuk është e thënë të ndodh kështu, pasi kemi vendosur një afat, që është data dhjetë e këtij muaji, por gjithçka është bërë në mënyrë të qetë” - ka thënë Balardini. Pra asnjë pakënaqësi me klubin: “Jam i bindur se Zamparini më respekton. Me sjelljen e tij ka ndihmuar shumë në rritjen time si trajner dhe për këtë e falënderoj. Më pas egzistojnë shumë mënyra të ndryshme për të punuar. Dhe nuk është e thënë se ajo e njërit është më e mirë se ajo e dikujt tjetër”. Në lidhje me një transferim të mundshëm tek Juvja: “Do të realizohej ëndrra e jetës time, do të ishte një mrekulli mos më jepni shpresa të kota”, - ka thënë tekniku.

[Kliton]

Presidenti i Realit premton: Kakà dhe Kristiano Ronaldo do të luajnë për Real Madridin
Presidenti i Realit të Madridit, Florentino Perez, ka bërë të ditur se po punon për të blerë Kakànë dhe Kristiano Ronaldon. Në fillim mendohej se “merengesit” do të sillnin një prej “yjeve” të futbollit botëror në “Bernabeu”, por dje Perez pranoi se i dëshiron të dy kampionët njëkohësisht. “Bosi” i Realit pret të mbyllë marrëveshjen me Kakànë javën e ardhshme dhe pastaj të hidhet në sulm për portugezin e Mançesterit. Sipas Perezit blerja e Kakàs nuk do të ndikojë në dëshirën e tij për të marrë edhe Kristianon.
“Kaka, Kristiano Ronaldo dhe Lionel Mesi janë futbollistët më të mirë të botës, - tha Perez për “Atena 3″. - Unë po punoj që dy të parët të luajnë në Madrid sezonin e ardhshëm. Nuk e di çfarë kanë bërë drejtuesit e mëparshëm, por unë nuk kam asnjë parakontratë në klub, asnjë marrëveshjes. Gjithsesi, jam i vendosur që te Reali të ketë futbollistë të mëdhenj dhe Kristiano mund të jetë një prej tyre.”
Perez është pranë zyrtarizimit të blerjes së parë, që pas rikthimit në fronin e Realit. Sipas shtypit në të gjithë Europën, ditën e hënë Kakà do të transferohet zyrtarisht nga Milani te Reali kundrejt 69 milionë eurove, dhe kjo do të shënonte rekordin e ri në historinë e merkatos. Braziliani do të marrë numrin 5, atë që ka pasur Zinedin Zidan.
Ndërkohë, drejtuesit e Milanit kanë pohuar se kanë vetëm ofertën e Realit në tavolinë, duke nxjerrë jashtë loje Çelsin. “Kominukata e drejtuesve të Milanit është një avantazh për ne, - shtoi Perez. - Nëse Çelsi nuk është konkurrent, atëherë gjithçka po shkon sipas planeve. Nuk është problem dita e prezantimit të Kakàsë, problem do të ishte nëse nuk arrijmë ta mbyllim një marrëveshje që duket e përfunduar. Unë jam mik i ngushtë me Adriano Galianin dhe presidentin e Milanit, Berluskonin. Kjo i ka lehtësuar bisedimet
Për më shumë, Kakà dëshiron të luajë me Realin. Ashtu si Kristiano Ronaldo.” Siç i ka hije “galaktikëve”, Perez nuk po merr asnjë përforcim të dorës së dytë (edhe pse do ketë disa të tillë), sepse synon ta hapë merkaton me blerjen e një prej emrave më të mëdhenj të futbollit botëror. Nëse Kakà dhe Kristiano Ronaldo do të jenë vitin e ardhshëm nën urdhërat e Pelegrinit, atëherë nga portofoli i Perezi do të dalin 150 milionë euro, këtu nuk përfshihen pagat e futbollistëve. Mendohet se Kaka dhe Kristiano Ronaldo do të përfitojnë 9 deri në 10 milionë euro në sezon.


Sulmuesi
Van Nistëlroi vrapon pas shtatë muajsh…
Rud Van Nistëlroi ka qenë dje në qendrën stërvitore të Real Madridit ku ka filluar pjesën e fundit të fazës riaftësuese. Sulmuesi holandez ka vrapuar për herë të parë pas shtatë muajsh, si pasojë e një dëmtimi në ligametet e gjurit. “Fatmirësisht nuk po punoj vetëm. Vrapoj me Diarranë, i cili ka qenë në të njëjtën situatë. Ndihmojmë njëri-tjetrin. Ishte një ndjesi e jashtëzakonshme të vrapoje pas shtatë muajsh.” Van Nisltëroi ka komentuar edhe zgjedhjen e Manuel Pelegrinit si trajneri i ri i Realit. “Kam vënë re se është skematik, por pëlqen futbollin e bukur. Të tillë trajnerë janë ideal për ekipet e mëdha.”

Merkato
Bajern Mynih interesohet për Van der Vartin
Trajneri i ri i Bajernit, Luis Van Gal, ka drejtuar sytë nga holandezët e Real Madridit, për të përforcuar ekipin bavarez. Sipas gazetës gjermane “Bild”, holandezi i ka kërkuar Uli Hënesit të interesohet për Rafael Van der Vartin. Fantazisti ka luajtur për tri sezone me fanellën e Hamburgut, përpara se të kalonte te Reali, ku nuk arriti të konfirmohet si titullar. Bajerni është gati të ofrojë 10 milionë euro për shërbimet e 27-vjeçarit, i cili kërkon të jetë titullar në nivel klubesh, pasi po rrezikon vendin në kombëtare. Ndërkohë, ditë më parë, Bajerni ka pranuar interesimin edhe për Uezli Shnejderin.
Trajneri
Kamaço te Osasuna, deri në 2010-ën…
Osasuna ka shtyrë deri në qershor të vitit 2010 kontratën me trajnerin Hoze Antonio Kamaço. Këtë e bëri të ditur dje klubi spanjoll në faqen zyrtare të internetit (osasuna.es). 53-vjeçari mori drejtimin e ekipit në muajin tetor, duke zënë vendin e Hoze Angel Zigandës dhe arriti ta mbajë Osasunën në Primera Divizion, pas fitores në javën e fundit ndaj Real Madridit. Kamaço ka qenë trajneri i përfaqësuese spanjolle nga viti 1998 deri në vitin 2002. Ai e udhëhoqi Spanjën deri në çerekfinalet e Euro 2000 dhe Kupës së Botës 2002. Në vitin 2004 pati një eksperinecë relativisht të shkurtër te Real Madridi.

[Kliton]

Presidenti Koboli Xhilji pohon se emri i ish-mbrojtësi është kandidati kryesor për trajnerin e ri
Çiro Ferrara duhet të jetë trajneri i ri i Juventusit. Lajmi nuk është akoma zyrtar, por sipas burimeve të ardhura nga Koverçianoja në stërvitjen “axurre” dhe nga shtypi italian, gjithçka duket se është zgjidhur. Ferrara duhet të nënshkruajë
një kontratë 2-vjeçare me klubin bardhezi, duke fituar ballotazhin me rivalët e shumtë që në ditët e fundit shiheshin
pranë stolin të “Zonjës së vjetër”. Spaleti dhe Roma konfirmuan vazhdimin e punës e të projektit te Roma pas një takimi dje në kryeqytetin italian, Bari ia rinovoi edhe një vit kontratën Antonio Kontes dhe me përjashtim të ndonjë surprize të mundshme, mbetet vetëm emri i ish-mbrojtësi, kandidati për të drejtuan Juven në sezonet në vijim. Pa harruar as “lejen” e Marçelo Lipit që pohoi para dy ditësh se nuk do të ishte një problem nëse Ferrara do të shkëputej nga “axurrët” për të punuar me bardhezinjtë. Megjithatë, sipas presidenti bardhezi Xhiovani Koboli Xhilji, nuk është vetëm Ferrara në garë për stolin e Juventusit. “Emrat nuk janë përcaktuar akoma.
Ferrara mbetet një kandidat i vlefshëm, por ka edhe emra të tjerë dhe Blank ka ndërmend të marrë një vendim në ditët e ardhshme”. Koboli ka folur edhe për merkato, në veçanti për Trezegenë: “Do të jetë në merkato nëse do të ketë oferta të mira. Përndryshe do ta mbajmë këtë lojtar, që është një nga pikat e forta të Juventusit. Çmimi i tij? Nuk jam unë ai që vendos çmimet. Mendoj se Trezege është një lojtar i pjekur, por akoma në gjendje për të zhvilluar dy kampionate në nivel të lartë. Shpresoj që kjo të ndodhë tek Juvja”. Për Trezegenë mund të vlejë i njëjti arsyetim që është bërë për Kakanë, i shitshëm para një oferte të mirë:
“Duke parë se jam presidenti i një klubi me aksione, që për më tepër kuotohet në bursë, unë jam shumë i vëmendshëm ndaj rezultatit ekonomik, dhe natyrisht për të siguruar të ardhurat që do të investohen tek lojtarët. Kështu mendoj se, nëse për një lojtar ofrohet një shumë e madhe parash, atëherë është e drejtë që kjo ofertë të merret në konsideratë, edhe pse kemi të bëjmë me një kampion të madh. Sepse me paratë që përftohen nga kjo shitje mund të blihen lojtarë të tjerë dhe të ndërtohet ekipi i së ardhmes”.
Përsa i përket hipotezave për blerjet, Koboli ka përgenjeshtruar negociatat për D’Agostinon dhe Pandev: “D’Agostino është një nga emrat. Kam thënë më përpara se është një lojtar i mirë por nuk është e vërtetë se po negociojmë për të. Për Pandevin nuk kemi negociuar asnjëherë dhe nëse kjo do të ndodhë në të ardhmen do të kontaktojmë direkt me presidentin bardhekaltër Lotito”.

Marrëveshje me Udinezen
D’Gostino bardhezi për 15 milionë euro
Duke parë se marrëveshja midis Udinezes dhe Juventusit është arritur, si asnjëherë në këtë rast mund të thuhet se pritet vetëm e zeza mbi të bardhë: Gaetano D’Agostino tashmë është një lojtar i Juventusit, që ka realizuar kështu goditjen e tretë në merkato pas Diegos dhe Kanavaros. Mesfushori i firulanëve do të bashkohet me torinezët në këmbim të 8 milion eurove në dorë dhe bashkëpronësisë së Paoluçit (këtë vit tek Katania) dhe të Lanxafames (tek Bari). Për lojtarin një kontratë 3-vjeçare. “Me Ferrarën akoma nuk kam folur, kemi shkëmbyer disa fjalë, të dy presim zyrtarzimin”. Kështu mesfushori, i cili është i grumbulluar me kombëtaren e Italisë, ka konfirmuar mbylljen pozitive të negociatave. Kështu lojtari del nga një merkato që e ka parë më shumë se një herë afër një klubi të madh: “Kam zhvilluar një sezon të mirë, ndoshta më të mirin në gjithë karrierën time, - ka vazhduar D’Agostino. - Më kanë thënë se është interesuar edhe Interi, një tjetër klub i madh, por më duket se Juventusi ka bërë diçka më shumë për të siguruar kartonin tim për sezonin e ardhshëm”.

[Kliton]

Ashtu siç ndodh zakonisht ne ndeshjet e Kombetares shqiptare, stadiumi “Qemal Stafa” eshte “pushtuar” nga menaxheret e skuadrave evropiane.
Ne humbjen 1-2 perballe Portugalise, tre perfaqesues nga Gjermania dhe Anglia ndodheshin ne tribune per te vezhguar mesfushorin Lorik Cana.
Ata perfaqesonin Verder Bremenin dhe Hamburgun ne Bundeslige dhe Totenhemin ne Premiership. 25-vjeçari eshte “sakrifikuar” ne qender te mbrojtjes, per shkak te mungeses se Armend Dallkut, por kjo nuk e ka ndaluar qe te beje nje paraqitje te jashtezakonshme.
Ai ka humbur vetem nje duel me yllin e luzitaneve, Kristiano Ronaldon. Me nderhyrjet e sakta ndaj “Topit te Arte 2008”, por edhe lojtareve te tjere portugeze qe afroheshin ne zonen e Shqiperise, Cana u konfirmua si nje lojtar shume i rendesishem per kuqezinjte. Ne fund te takimit, lojtari u takua me tre menaxheret dhe ka marre pergezime per lojen e zhvilluar. Per kapitenin e Olimpik Marsejes interesohen edhe Arsenali dhe Liverpuli ne Angli, nderkohe qe pista Everton ka rene, sepse lojtari nuk deshiron te luaje me kete skuader.

Menaxheret kane vezhguar edhe lojtaret e tjere te perfaqesueses. Dy prej tyre kishin ardhur ne stadium per Ansi Agollin dhe Ervin Bulkun, te cilet u paraqiten mjaft mire ne duelet me Kristiano Ronaldon, Dekon, Nanin apo Bosinguan.
Nderkohe, gjermanet e Hansa Rostok vazhdojne te interesohen per Kristi Vangjelin. 23-vjeçari, qe ishte nje prej kuqezinjve me te spikatur te shtunen, ka mbyllur marredheniet me greket e Aris dhe tashme po kerkon nje skuader te re. Gjithsesi, Hansa nuk shihet si opsion, pasi mbrojtesi i majte nuk deshiron te luaje ne Bundesligen II.

[Kliton]

Ricardo Kaka eshte zyrtarisht lojtari i Real Madridit. Komunikimi ka ardhur nga faqja e internetit te Milanit ne te cilen falenderohet kontributi i dhene nga braziliani per ekipin kuqezi.

“Nga sezoni tjeter Kaka do te luaje me Real Madridin. Ac Milan falenderon njeriun dhe kampionin e madh Kaka per kontributin deciziv ne fitoret e shumta ne gjashte vite te impenjimit te tij kuqezi. Do te jete shume e veshtire te mbushet boshlleku qe do te leje Kaka”, thuhet ne faqen e internetit.
Nderkohe ne “website”-n e Real Madridit paraqitet firma e brazilianit ne nje kontrate gjashte vjecare.
Kostoja e kalimit te tij tek skuadra spanjolle ka nje vlere prej 65 milione eurosh.

[Kliton]

Largimi i Kaka nga Serie A mund te pasohet nga nje tjeter yll i madh. Behet fjale per Zlatan Ibrahimovic, emri i te cilit eshte perfolur shume kohet e fundit ne ambientet e Barcelones.

E reja me e fundit nuk eshte kjo, por hyrja ne gare e skuadres se Chelsea qe ka ofruar plot 3 lojtare luksi per te marre ne “Stamford Bridge” yllin suedez me origjine boshnjake. Pas 5 kampionateve te fituar ne po kaq sezone tek Interi, Ibra mendon te largohet pasi nuk ka me stimuj dhe Chelsea e ka kuptuar mire kete.
Abramovich vendos ne pjaten e marreveshjes treshen e pelqyer nga Mourinho, Drogba-Carvalho-Deco. Bosi rus i londinezeve ka nxituar menjehere sapo ka marre vesh se Eto’o dhe Iniesta nuk pranuan te largohen nga Barcelona per te ndezur driten jeshile per Ibrahimovic.

Lajmin e ofertes se Chelsea e ka dhene gazeta italiane “Tuttosport” qe thekson se mbrojtesi portugez Carvalho nuk hyn ne planet e trajnerit Ancelotti, por e njejta gje vlen edhe per bashkekombasin e tij, Deco. Per sa i perket sulmuesit Didier Drogba, ai eshte nje nga arsyet e medha qe mund te bejne presidentin Moratti te ndryshoje mendje.

[Kliton]

Tashme eshte zyrtare; Cristiano Ronaldo do bashkohet me Real Madrid duke filluar qe nga ky sezon.
Sipas burimeve zyrtare nga klubi spanjoll, ne arken e Manchester United do shkojne 80 milione sterlina (93 milione euro), cka do te thote se kjo eshte blerja me e shtrenjte e historise se futbollit, duke lene pas edhe rekordin e Zinedine Zidane. Manchester United eshte dorezuar perballe ofertes nga “Shtepia e Bardhe” qe pas Kaka privatizon nje tjeter Top te Arte.
“Me kerkesen e Ronaldos qe kerkoi te largohej dhe pasi folem me perfaqesuesit e lojtarit, Manchester United autorizoi Real Madrid te flase me lojtarin. Ceshtja do mbyllet brenda 30 qershorit”, thuhet ne faqen e internetit te klubit “Red Devils”. Qellimi i Real Madrid eshte te prezantoje ne nje dite Kaka dhe Cristiano Ronaldo, per kembet e te cileve shoqeria do paguaje plot 160 milione euro.

[ReniX]

He se keshtu i mbledh reali çdo vit, dhe asgje nuk po fiton... Lek me thas paskan keta. Burim shume te madh leku kushedi me se çbejne se duke shitur fanela siç e tha ai i Barcelones nuk behen kaq milona...

[Kliton]

Njoftohet se Manchester Unitedi do të bëjë një ofertë shokuese për sulmuesin e Liverpoolit, Fernando Torres.
“Sunday Express” shkruan se Djajtë e Kuq do të provojnë transferimin e spanjollit, i cili duhet ta zë vendin e lojtarit në largim- Crisitano Ronaldo, ndërsa i njëjti burim pohon se menaxheri i Unitedit, Sir Alex Ferguson, do të ofrojë 40 milionë funte (47 milionë euro) për ta bindur rivalin e përjetshëm Liverpool, që ta lejojë largimin e Torres.

Kjo shifër është thuajse sa dyfishi që Redsat i paguan Atletico Madridit për shërbimet e ‘El Ninos’, ndërsa nëse largohet edhe Carlos Tevez, Manchesteri duhet që me çdo kusht ta forcojë sulmin. Kampioni anglez është në garë edhe për të fituar shërbimet e disa lojtarëve, emrat e të cilëve qarkullojnë në treg këtë sezon: Karim Benzema, Samuel Eto’o, Franck Ribery, Antonio Valencia dhe David Silva.

[Kliton]

E përditshmja suedeze "Sportblade" njofton se Zlatan Ibrahimovic ka vendosur të qëndrojë tek Interi për arsye familjare.
Sipas një burimi shumë të afërt me lojtarin, boshnjaku me pasaportë suedeze nuk do të largohet nga Giuseppe Meazza, pasi që gruaja e tij, Helena, dhe dy fëmijët janë mishëruar me jetën në Milano.

Disa vite më parë legjenda franceze, Zinedine Zidane, u largua nga Italia në drejtim të Spanjës, për arsye familjare, ndërsa tani duket se do të ndodhë e kundërta, pasi që ish-lojtarit të Juventusit i pëlqen jena në Itali.