Merkato: Levizjet e Lojtareve

[Kliton]

Lorik Cana eshte lojtari i Sanderlendit me te cilin ka arritur nje marreveshje per nje kontrate 4-vjecare.
Pas me shume se nje muaji ne merkaton e veres, futbollisti i kombetares shqiptare dhe kapiteni i Marsejes ka vendosur per te kaluar ne kampionatin e tij te preferuar, Premier Ligen.

Skuadra franceze ka perfituar 6 milione euro nga kartoni i Lorik Canes, ndersa vete mbrojtesi i kombetares kuqezi, sipas mediave britanike do te perfitoje 2.5 milione euro ne vit.

Kjo eshte blerja me e shtrenjte ne historine e Sanderlendit dhe padyshim Cana do te jete lojtari me i paguar, pohon presidenti i skuadres angleze.

Per te bindur ish-kapitenin e Marsejes, Canes i eshte ofruar serish nje pozicion i tille, pra shiriti i kapitenit dhe ne te njejten kohe numri 19 qe vete futbollisti shqiptar e ka kerkuar.

Aktualisht Lorik Cana ndodhet ne Amsterdam ku eshte grumbulluar edhe skuadra e Sanderlendit, per te kryer vizitat mjekesore.

Ne kete kontrate te re, ku firma pritet te hidhet mbremjen e sotme, ka nje klauzole sipas te ciles futbollisti shqiptar mund te jete i lire te largohet ne fundin e sezonit te ardhshem nese do te kete oferta konkrete nga ndonje skuader e madhe si Arsenali apo Liverpuli, te cilat u perfolen edhe ne merkaton e kesaj vere.

[Lucatonii]

Xabi Alonso shumë shpejtë do të jetë Galaktiku më i ri në orët në vijim, thuhet në shtypin spanjoll.
Deklaratat në Spanjë spekulojnë se Real Madridi brenda orëve do të kompletojë kalimin e Xabi Alonsos nga Liverpool.

Sidoqoftë, nuk janë gazeta madrilene që spekulojnë këtë, por ato të Barcelonas, të cilat besojnë se Los Blancos kanë vendosur t'i shpenzojnë €35 milion për shërbimet e mesfushorit.

Oferta e kaluar ishte €27 milion e ofruar nga klubi madrilen, derisa Rafa Benitez kërkonte jo më pak se €38 milion.

Por gazeta 'Sport' deklaroi se të dy palët kanë vendosur të bëjnë një lëshim, gjë e cila bëri që Madridi t'i ofrojë €35 milion duke potencuar që ky është cmimi i fundit dhe i panegociueshëm. E gjithë kjo ndodhi gjatë natës së mbrëmshme.

[Kliton]

Sipas mediave italiane, ekipi i Chelseat është i gatshëm të ofrojë sulmuesin Claudio Pizarro dhe të paguajë 12 milionë euro për shërbimet e mesfushorit Andrea Pirlo.

Pirlo një kohë të gjatë është duke u lidhur me një kalim në Chelsea por Adriano Galliani në disa raste ka mohuar se rosonerët kanë pranuar ofertë për mesfushorin.

Chelsea me kërkesë të trajnerit Carlo Ancelotti, do të ofrojë 12 milionë euro dhe shërbimet e Claudio Pizarro (i cili sezonin i huazuat te Werder Bremen), për të marrë shërbimet e Pirlos.

Trajneri i Milanit, Leonardo, ka bërë të ditur se ai ka nevojë edhe për dy përforcime, një sulmues dhe një mbrojtës, dhe mund të jetë i interesuar për sulmuesin nga Peruja.

Sipas Sportmediaset, Chelsea e vlerëson sulmuesin 10 milionë euro, andaj oferta për Andrea Pirlo do të jetë afro 22 milionë euro, që mund t’i përgjigjet Milanit.

[Kliton]

Klubi francez Lyon do të shtojë edhe një lojtar në radhët e veta, sulmuesin e Fenerbahces, Daniel Guiza.

28-vjeçari iu bashkua ekipit turk nga Mallorca, me të cilin ekip shënoi 27 gola në një sezon të vetëm, para se të ndihmojë edhe Spanjën të fitojë Kampionatin Evropian. Fernerbahce pagoi 16 milionë euro për sulmuesin, i cili megjithatë shënoi vetëm 11 gola në ligë.

“Oferta nuk është shumë e lartë krahasuar me çmimin që kemi paguar ne. Por ai dëshironte të largohej, andaj ne e pranuam atë dhe jemi në kërkim të një sulmuesi tjetër”, ka thënë Daum.

[Kliton]

Sipas "The Daily Mail", Manchester City dhe Arsenali kanë arritur marrëveshje për transferimin e Kolo Toure për shumën prej 15 milionë funtesh (17 milionë euro).

‘Pasanikët’ paralajmëruan se janë në kërkim të tre lojtarëve, John Terryt (Chelsea), Kolo Toures (Arsenal) dhe Joleon Lescott (Everton).

Mirëpo pas dështimit për transferimin e Terryt, i cili vendosi të qëndrojë në Stamford Brudge, City shpejtoi të sigurojë shërbimet e Kolo Toure.

Ndërsa së shpejti pritet edhe transferimi i Lescott, derisa ekziston mundësia që edhe lojtari i West Ham United, Matthew Upson, këtë javë ta vesh fanellën e Cityt.

[Kliton]

Agjenti i lojtarit të Liverpoolit, Andrea Dossena, Roberto Laflorio, thotë se klubi anglez ka pranuar ofertën e Napolit dhe tash në pyetje janë vetëm disa ditë kur lojtari do të rikthehet në Itali.

Aventura njëvjeçare e Andrea Dossena në Angli është para fundit, pasi Liverpooli raportohet se e ka pranuar ofertën e Napolit për shërbimet e mbrojtësit të majtë.

“Liverpooli ka pranuar ofertën e Napolit. Tash janë në pyetje vetëm disa ditë. Klubet tashmë janë marrë vesh, Liverpooli e ka pranuar ofertën e Napolit, por unë nuk di asgjë më shumë”, ka thënë Roberto Laflorio.

“Sa i takon Andrea, nuk ka kurrfarë problemesh, do të jenë në pyetje vetëm ditët. Presim ftesën e Napolit për t’i definuar detajet”, ka shtuar agjenti.

[Kliton]

Të mërkurën Manchester City ka transferuar një tjetër lojtar të rëndësishëm, dhe ky është mbrojtësi nga Bregu i Fildishtë, Kolo Toure.

Sipas “Sky Sports News”, lojtari i transferuar nga Arsenali ka nënshkruar kontratë katërvjeçare me skuadrën e tij të re.
Konfirmimin për këtë transferim e ka bërë agjenti i Toure, Saif Rubie, i cili ka thënë se kjo është një sfidë e re për klientin e tij, i cili me bashkëlojtarët e rinj do të mundohet ta shndërrojë Manchester Cityn në njërën nga skuadrat më të mëdha në botë.

Toure kalon ekzaminimet mjekësore te City
Transferimi i Kolo Toure nga Arsenali te Manchester City tashmë është shumë pranë, pasi që të mërkurën pasdite, lojtari nga Bregu i Fildishtë i ka kaluar ekzaminimet mjekësore.

Toure ka kaluar tetë vite te Topçinjtë, ndërsa kontrata aktuale i përfundon pas dy vitesh. Megjithatë, sipas “Sky Sports News” ai do të vesh fanellën e ‘pasanikëve’ nga sezoni që vjen.

Mbrojtësi aktualisht është duke i diskutuar detajet personale me Cityn, ndërsa së shpejti pritet të hidhen edhe nënshkrimet në kontratë.

[Kliton]

Ekipi i Tottenhamit ka pohuar se ka arritur të angazhojë mbrojtësin e Newcastle United, Sebastien Bassong.

Mediat angleze një ditë më parë paralajmëruan se mbrojtësi i Newcastle është në prag të kalimit në radhët e Tottenham, ndërsa mbrëmjen e të enjtes kjo u bë edhe zyrtare.

“Jemi të kënaqur që mund t’ju informojmë se kemi arritur marrëveshje me Newcastle për të transferuar Sebastien Bassong në Tottenham, pasi lojtari i ka kaluar me sukses testet mjekësore dhe i ka përcaktuar kushtet personale”, thuhet në deklaratën e Tottenham.

Bassong u transferua në Newcastle verën e kaluar nga Metz dhe pati 34 paraqitje në sezonin e parë të tij në Ligën Premier.

[Kliton]

Kampioni i Spanjës dhe Evropës, Barcelona, ka pohuar se mbrojtësi Martin Caceres sezonin e ardhshëm do të luajë si i huazuar në radhët e Juventusit.

Caceres bëhet kështu përforcimi i katërt i Juventusit këtë verë, pasi biankonerët tashmë kanë angazhuar Fabio Cannavaron, Diegon dhe Felipe Melo.

“Barcelona dhe Juventusi kanë arritur marrëveshje për huazimin njëvjeçar të Jose Martin Caceres. Në këtë periudhë Juventusi do ta paguajë pagën e plotë të uruguaianit dhe do të ketë opsion ta bëjë transferimin e përhershëm për një shumë prej 11 milionë eurosh si edhe një milion shtesë në varësi të sukseseve të lojtarit”, thuhet në deklaratën e Barcelonës.

22-vjeçari kaloi në Barcelona në verën e kaluar, por nuk arriti të gjejë vend të rregullt në formacionit të parë të blaugranëve.

[Kliton]

Ekipi i ri i Lorik Canës, Sunderland, ka arritur të sjellë në radhët e veta edhe një lojtar të shquar, pasi ka nënshkruar sot me sulmuesin e Tottenhamit, Darren Bent.“Lojtari i kombëtares angleze, Darren Bent, ka nënshkruar kontratë katërvjeçare, pasi dy klubet arritën marrëveshje për shumën e dëmshpërblimit, e cila është 10 milionë funte”, thuhet në deklaratën e Sunderlandit.

Ish-sulmuesi i Charlton Athletic do të jetë i lidhur me klubin e ri deri në qershor të vitit 2013, ndërsa është përforcimi i katërt i trajnerit të ri të Sunderlandit, Steve Bruce, pas Fraizer Campbell (nga Manchester United), Lorik Canës (nga Olympique Marseille) dhe Paulo da Silva (nga Toluca).

“Ai është pikërisht çfarë dëshiroja. Ai në Tottenham nuk ishte shumë i lumtur. Por shënoi 50 gola në 100 ndeshje në Premier League dhe kjo flet mjaft se pse e angazhova. Ai kishte në konkurrencë lojtarë si Berbatov, Defoe dhe Robbie Keane dhe pavarësisht kësaj arriti të fitojë rast për lojë dhe të shënojë gola”, ka thënë trajneri Steve Bruce.

[Kliton]

Ekipi i Liverpoolit ka pohuar sot se ka arritur marrëveshje me Romën për të transferuar mesfushorin italian Alberto Aquilani.Mediat italiane një kohë të gjatë e kanë lidhur Aquilanin me një transferim në Anfield, ndërsa spekulimet u bënë më intensive pas marrëveshjes së arritur në mes të Realit dhe Liverpoolit për kalimin e Alonsos në Bernabeu.

“Liverpooli mund të pohojë se është arritur marrëveshje me ekipin e Romës për të transferuar lojtarin e kombëtares italiane, Alberto Aquilani, i cili tash do t’i kalojë testet mjekësore. Liverpooli i ka kompletuar negociatat me Romën menjëherë pas arritjes së marrëveshjes me Realin për transferim të Xabi Alonsos”, thuhet në deklaratën në faqen zyrtare të klubit anglez.

Shuma e transferimit nuk është zbuluar, por sipas mediave italiane ajo është rreth 20 milionë euro.

[Klevi88]

sh flm per keto info

[Kliton]

Skuadra e Parmës ka konfirmuar se gjatë këtij sezoni, mesfushori i Torinos, Blerim Xhemajli, do të luajë për skuadrën e porsatransferuar në Serie A.

Faqja zyrtare e klubit fcparma.com shkruan se tetovari do t’i bashkëngjitet Parmës në formë huazimi, me mundësinë që në fund të sezonit Parma ta blejë gjysmën e kartonit të tij.

Si shkëmbim për shqiptarin me pasaportë zvicerane, Torino do ta marrë po ashtu në formë huazimi, sulmuesin Daniele Vantaggiato.

[Kliton]

Real Madridi ka arritur marrëveshje me Celta Vigon për ta transferuar të riun Joselu, të cilin e ka huazuar sërish te skuadra nga Liga e Dytë spanjolle.

Mbretërit kanë konfirmuar zyrtarisht në faqen e tyre të internetit se të hënën kanë arritur marrëveshje për transferimin e 19-vjeçarit Jose Luis Sanmartin Mato- Joselu.

Mirëpo, Los Blancos me kërkesë të Celtas kanë lejuar që sulmuesi të qëndrojë te Celta në formë huazimi edhe për këtë sezon, ashtu që të fitojë përvojë.

[Kliton]

Barcelona ka nënshkruar me qendërmbrojtësin Dmytro Chygrynskiy nga Shakhtar Donetsk për shumën prej 25 milionë eurosh.

Ukrainasi të hënën ka kaluar testet mjekësore dhe pastaj është takuar me presidentin Juan Laporta dhe drejtorët tjerë për të nënshkruar kontratë pesëvjeçare me Blaugranët.

Trajneri i Barcës, Pep Guardiola, e konsideron 22-vjeçarin si një mbrojtës premtues për t’iu bashkëngjitur Gerard Piques në mbrojtje.

[Kliton]

Sulmuesi ukrainas Andriy Shevchenko është shprehur i kënaqur që është kthyer te Dynamo Kyivi, dhjetë vite pasi ishte larguar nga ky klub në drejtim të Milanit.

Sheva kaloi vite të arta me Rossonerët deri para se të transferohej te Chelsea (2006), ku karriera e tij mori teposhtën.

Duke qenë se ishte i padëshiruar në Stamford Bridge, Shevchenko shprehu dëshirën për t’u larguar drejt një skuadre ku do të luante më shumë, ndërsa meqë Dynamo Kyiv ishte njëra nga skuadrat e interesuara për 32-vjeçarin, ai vendosi që të rikthehej në Ukrainë.

“Para së gjithash dëshiroj ta falënderoj Roman Abramovichin dhe Igor Surkis-in (presidentin e Dynamos) që e mundësuan transferimin. Po ashtu dëshiroj ta falënderoj trajnerin Valery Gazzaev, që jam shumë i lumtur që më është dhënë mundësia të punoj me të. Kam kaluar dhjetë vite jashtë dhe tash është koha për t’u kthyer”.

“Dëshiroj ta nderoj klubin dhe t’i bëj fansat të lumtur. Jam shumë i lumtur që jam kthyer”, ka thënë ukrainasi.

[Kliton]

Claudio Ranieri edhe zyrtarisht është caktuar trajner i ri i Romës, pasi ish-trajneri i këtij ekipi, Luciano Spalletti, dha dorëheqje më herët gjatë ditës së sotme.
Lajmi është konfirmuar edhe nga agjenti i Ranierit, Mattia Grassani, i cili ka thënë, “Ka një marrëveshje, nesër do të nënshkruhet dhe kontrata e tij do të jetë dyvjeçare”.

Në një prononcim tjetër për publikun, vetë Ranieri shprehet i ngazëllyer nga detyra e re.

“Për mua kjo është një kënaqësi e veçantë. Jam i nderuar që jam në gjendje të punoj dhe të jap më të mirën për Romën”, ka thënë ish-trajneri i Juventusit dhe Chelseat.

Kjo është hera e parë që ai do të drejtojë klubin e tij favorit, ku edhe filloi hapat e parë të karrierës si futbollist profesional në vitin 1973.

[andi_pg]

Po per BayernMunchen kemi ndonje te re? Sikur kerkon te marre Rise dhe Rafinja Ose Vargas per ne mbrojtje. Kliton, jep ndonje informacion rreth Bayernit.