Rritet dita dites numri i rasteve me gripin e derrave ne Greqi dhe specialistet e mjekesise deklarojne se ndodhen perpara nje pandemie ne vend.
Ne mengjesin e dites se merkure, laboratori i Greqise se jugut ka deklaruar 22 raste te reja dhe numri i pergjithshem i pacienteve me gripin A ka shkuar ne 187, prej te cileve 87 jane sheruar plotesisht.

Shumica e personave te prekur jane turiste te huaj qe vizitojne Greqine, por midis tyre jane edhe dy shtetas shqiptare.

Sipas listes qe publikon Ministria greke e Shendetesise, behet fjale per nje grua 36 vjece dhe nje djale 17 vjec te cilet ende nuk dihet se si e kane marre virusin.

Keshtu numri i shtetasve shqiptare te infektuar me virusin H1N1 ka shkuar ne tre brenda vetem nje jave.

Me gjithe masat e marra, duket se gjendja po iken nga kontrolli dhe kjo ka vene ne levizje, organet greke te shendetsise qe vleresojne se ndoshta ka shume paciente te infektuar te cilet kalojne gripin me simptoma te lehta dhe nuk kerkojne ndihme prane qendrave spitalore, por behen burim infeksioni per dhjetera te tjere dhe si rezultat, shtohet numri i rasteve me virusin H1N1.