Disa nga poezitë dhe krijimet e mia

[Kinseb]

Po postoj disa nga poezitë dhe krijimet e mia. Komentet tuaja janë të mirëpritura!




Anët e së njëjtës monedhe

Të dua zemër,
hesht në çeren tragjike
në mosbesim krahët mbledh
një shikim i errur skëterrë.
Sytë akuzojnë me të drejtë,
gënjen i poshtër!
kruspoll si gjarpër sulmoj në vrerë ,
zemër mes nesh nuk ka tjetër.
Je ëngjëlli im dritë në sytë e mi,
shkëlqim në skajet errta të shpirtit tim.
Mëkati i ëmbël i shpirtit,
ndjehet ,
nuk kërkohet.
Ndryshe është kufiri
me tela me gjemba,
shtrydhje e dorëzuar
ndjejash të djegura në moral.
Arrati e shpirtit të dashuruar nuk mbahet
nga rojtarët e drobitur të ndjejës
vetëizolim i shpallur
i njerëzve të mbyllur.
Të trdhëtosh të tradhëtohesh
është fjalë e rëndomtë.
Pafajësia e shpirtit
arrati mëkatare,
janë anët e së njëjtës monedhe
të njerëzve që dashurojnë....


I humburi.com


Më kërkove rrugicave
Të mëhallës
gjurmë mos kisha lën
i çapitur në ecjen time mbi bastun.
Gjthkund mungoja
Sikur më kish përpirë dheu
shkallët e drujta, ngjite ngadalë
në derën e odës s’ë hapur
në ankth trokite
por mbi shtrojën e dërrasës
këmbë njeriu s’kish rënë.
Më kërkove në biblotek
Mes shënimesh
Pa mbarim
Mos shkarravitej kërrkund edhe emri im
A ndoshta si dikur
I fshehur ndonjë shënim.
E në fletë qibernitike
WWW. Ihumburinëvite.com
Le orë në hava
I humbur isha,
Ose vdekija më kish marrë
E në vorreza u nise plot psherëtim
Në shënime të mermerta
E fotografi kohëndalura bardhë e zi
Hidhje sy si e mpirë
E kënaqur pe nga qielli
Që atje nuk prehem
Pranë vorrxhiut plak u ule
e lodhur nën hijen e selvis
e ujëkërkove të freskohesh e të pishë.
Derdhe Ujë në lëkurën e gjoksit tënd
Tashmë të rreshkur e të djersitur
Nga shtërngimet e motit
Që sa e sa duar u zvarritën.
Por kërrkund nuk isha i zhdukur si gjithmonë.
.................................................. ....
Prap u zhgënjeve
Unë faj stë kam
Gjithkund isha o zemër
Gjithandej të ndjeva
Por kërrkund s’më njohe
Se isha më i ri
E jo Ai i vjetri
Që me ngulm kërkoje .............
Plaku që të dha ujë
Si dikur në mote
-lamtumië vorraxhi më the
Sa keq që smë ndjeve e më keq smë njohe.

(c) Besnik Sula

[ReniX]

Shume bukur, suksese!

[MAJDI]

sum mir keshtu vashdo dhe shkruaj ssa me shum

[EMAUS]

Njoftim: - Na falni se gabimisht u fshine disa nga postimet tuaja. Nëse e shte e mundur mund ti shkruani perseri komentet tuaja!

Stafi

[Kinseb]

Lulet e purpurta

Të kam thënë që dua të vdes ngadalë ngadalë
Si lulet e purpurme
Ku sqaqen, veniten në vazon prej balte
Të rënkoj në ofshe të gjata dhimbje
Lidhur në lojën e prangave
Ne kërcim epshak
Të derdhesh mbi mua
Herë mbi kokë të sorollasësh vithet
E më kot të mundohem të lëpi
Herë të më shtërngosh mes kofshe dhe të ndjej aromën e djersës...
Të kam thënë që dua të vdes ngadalë ngadalë
Të më shposh në gjoks
Me takon stileto majë argjendë
Të dëgjoj tingull në shpimin e lëkurës
Ah..... të rënkoj gjatë në dhimbje
Ti e di jam gjahtarë i saj
Pa dhimbje kurrë s’do të dashuroja
Ti të ndjesh aromën e Gjakut
të plqen dhimbja
Kur buron nga gjoksi im.
Të ngjyesh buzët
E të më thuash të dua
Kur të vdes ngadalë ngadalë
Bashkë me lulet e purpurta.


(c) Besnik Sula

[Kinseb]

Kujtim mëkatarë


Në të trembëdhjetat e mia
me pubsin tënd u ndesha.
Lakuriqësinë tënde mbi kashtë,
gufimet e tua
pikturë që flakëronte zjarrë.
Fërkonte dorë e huaj trupin tënd si ngjalë!
Për dreq isha ndezur ,
i paftuar mbi trarë.
Trupi yt i derdhur mbi krahë leshaturë,
herë vihej poshtë, herë ngrihej lartë,
klithma,coptim i një dallge në bregun majë-majë
U ndjeva i vogël ,
qose gjithkund.
Tashmë jam rritur, jam burrë
eksopozita marr me rradhë
lakuriqe në tabllora kam parë pa fund
por..........!
Portretin e zjarrtë mbi kashtë
nuk e ndesha kurrë.

(c) Besnik Sula

[Kinseb]

Jam gjithmonë aty

Jam hija që të ndjek në ditët e nxehta.
Jam loti që zbraz kutit e boshllëkut.
Jam dora e huaj që prek gjirin e ndezur.
Jam gjithmonë aty,
në trotuare i ecur
kokë midis koka njerzish ,
mbi xhupa të zeza meshini,
mbi gjethe të rëna vjeshte .
Jam gjithmonë aty.
Myshk i mbirë mbi kërcellin
e trëndafilave të kujtesës.

(c) Besnik Sula

[Mona]

Kujtim mëkatarë

Shum e bukur kjo me pelqeu jasht mase shum origjinale

[Mona]

Pafajësia e shpirtit
arrati mëkatare,
janë anët e së njëjtës monedhe
të njerëzve që dashurojnë....
Vargje shum domethenese Shkruani vertet shum bukur