Si te bejme lek ne internet!

[eugjeni]

Si Të Bësh Lek ne Internet?

Shumë Shqiptarë nuk janë në dijeni që Interneti nuk është thjesht një mjet argëtimi por është biznes më vete. Në ktë artikull do ju shpjegoj disa nga gjërat bazë që mund të bëni në Internet për të fituar lek. Me mënyrat e mëposhtme unë personalisht kam arritur të bëj mbi $20,000 prandaj nëse keni vullnetin e mirë dhe pak kohë në dizpozicion (në fakt pak si shumë kohë) atëherë është koha për të bërë lek.
Pse të punosh në Internet është më mirë sesa të punosh në punë 8-oraresh ?
Sa vjen e po rritet numri i personave që jetojnë dhe madje bëjnë një jetë luksi vetëm e vetëm duke punuar në Internet. Disa nga arsyet kryesore janë:
• Punon nga shpia jote pa qënë nevoja të dalësh jashtë
• Nuk merr urdhëra ose të bërtitura nga njeri
• Je ti ai që vendos se sa dëshiron të fitosh (pra ske një rrogë fikse)
Pra nëse dëshiron të hapësh një biznes në qytetin ku ti jeton, do të të duhen taksa, licensa e shumë dokumenta plus lek për të hapur qoft edhe një biznes të vogël. Ndërsa në Internet mund të hapësh një biznes edhe brënda 1 ore (duke pasur një domein dhe host)
Ok, ma mbushe mëndjen të punoj në Internet, por nuk di se cfarë të bej ?
Nëse e di mirë Anglishten do jëte më e thjeshtë për ty të bësh më shpejt lek. Dhe kur them lek nuk e kam për atë lloj leku ku merr $20 në muaj (më ka ndodhur personalisht para 4 vitesh dhe skuptoj sa naiv kam qënë) por them për të paktën $500-$1000 në muaj. Më poshtë po shpjegoj disa mënyra për të bërë lek si dhe një përshkrim për të kuptuar idenë.

Affiliate Marketing
Kjo është mënyra ime e preferuar pasi është fare e thjeshtë dhe nuk kërkon të kesh aftësi të mëdha (perveç shkathtësisë dhe zgjuarsisë natyrisht). Në Affiliate Marketing ju reklamoni produktet e të tjerëve dhe për çdo produkt që shitet ju merrni pjesën tuaj. Në linkun më poshtë mund të lexoni një trajtim më të hollësishëm të Affiliate Marketing

Freelancing
Të jesh një freelancer është një punë shumë interesante. Një freelancer është ai që ofron njohuritë ose shërbimet e tij për dikë tjetër. Pra nëse ju dini të përdorni mirë photoshopin ose dini të programoni, nëse shkruani artikuj ose nëse jeni i mire në SEO atëherë ju mund të gjeni punë kollaj (por kini parasysh që do keni konkurenc të fortë nga Indianët). Më poshtë po listoj disa faqe në Internet ku mund të gjeni punë. Ka njerez që kërkojnë përshëmbull dikë që të rregjistrohet tek forumi i tyre dhe të postoje bie fjala 100 postime. Për ktë ju mund të merrni rreth $10. Idea është fare e thjeshtë, mjafton të dish ku të kërkosh dhe do gjesh!
http://forums.digitalpoint.com/forumdisplay.php?f=60
http://www.elance.com/
http://marketplace.sitepoint.com/
http://www.getafreelancer.com/

Shitje Domeinesh

Një biznes tjetër mjaft i sukseshem dhe fare i thjeshtë është padyshim dhe shitja e Domeineve. Kompani të ndryshme mjaft të fuqishme merren me këe biznes dhe gjenerojnë miliona dollarë në muaj. Eshtë e vërtet që shumica e domeineve më të mirë tashmë nuk janë më të disponueshëm për t’u rregjistruar por duhet të kërkoni për mundësi të reja. Përshëmbull nëse do ishit marrë me domeine kur doli .ME (Montenegro) dhe të kishit blerë disa domeine të mirëfilltë tashmë do kishit disa mijra dollarë më shumë në llogarinë tuaj. Nuk është kurrë vonë për të filluar pasi prapashtesa të reja do dalin (si psh e Kosovës) prandaj filloni merruni sa më shpejt.
Një nga faqet më të njohura përsa i përket industrisë së Domeineve është dhe http://www.dnjournal.com/
Kanë një sektor të posaçëm për të gjitha shitjet e domeineve që mund të gjëndet ne kete websit http://www.dnjournal.com/domainsales.htm

Website Flipping

Metoda e fundit që do ju sygjeroja të provonit është Website Flipping. Ka të bëjë me zhvillimin e faqeve dhe shitjen e menjëhershme të tyre. Shumë persona kërkojnë të blejnë faqe të gatshme të cilat nuk kanë nevojë për rregullime ose ndryshime prandaj nëse arrini të krijoni një faqe interesante, edhe pa pasur vizitorë fare (pra faqe e sapo krijuar) mund ta shisni fare thjeshtë mbi $100. Për të arritur një shitje sa më të shpejtë dhe të sigurtë duhet të keni parasysh disa gjëra
1. Një dizajn i mirë dhe një logo e cila të ketë lidhje me temën që trajton faqa
2. Artikuj të shkruar nga vëte ju, pra jo të kopjuara (rreth 10-15 artikuj)
3. Faqa duhet të jetë e organizuar mirë dhe cdo gjë duhet të jetë funksionale (një faqe kontakti + sitemap)
Pra të dashur lexues kto ishin 4 mënyra se si mund të bëni lek duke punuar në Internet. Natyrisht ka me qindra mënyra por kto janë më të përhapurat dhe më të sigurtat. Nuk duhet të gënjeheni nga lekët për klikime nëpër reklama (paid to click) ose nga autosurfs (hyip). Ato lloj faqesh janë krijuar vetëm për interesin e pronarit dhe fare thjeshtë mund të mos paguheni dhe i gjithë mundimi juaj t’ju shkojë dëm.
Shpresoj të ketë qënë një artikull sa më informativë për ju.

[kaqi bisha]

faleminderit per pranim tuj ne ket faqe se shpejti do hedh postim por sa ta mesoj

[Humoristja]

na bone lomsh >_<

[ReniX]

U ben te gjithe milioner

[Poshnjari]

Interesante. Bravo