Dyshimet se persona te caktuar ne policine shqiptare kane patur dijeni per adresat ku qarkullonte Dritan Dajti pergjate gjashte viteve ne arrati, zgjerojne rrethin e enigmave per te cilat do duhet kohe te hidhet drite.

Sherbimi i Kontrollit te Brendshem po verifikon mjaft informacione dhe te dhena te cilat flasin se pas arratisjes spektakolare te vitit 2003 ne Gjykaten e Tiranes, Dritan Dajti levizte i lirshem ne kryeqytet dhe dyshohet se kishte nje lloj pakti mes te shume kerkuarit dhe ndonje zyrtari te dyshuar te mundshem ne polici duke garantuar keshtu mosprangosjen e tij.

SHKB po heton edhe planin e masave, apo mospajisjen e viktimave me mjete mbrojtese. Nga ana tjeter Prokuroria e Krimeve te Renda konfirmon se ne numrin e kunatit te Dritan Dajtit ndodheshin numra te pese oficereve te policise, njeri prej te cileve ka derguar diten e tragjedise nje mesazh, interpretimi i te cilit le vend per dyshime te tjera.

Burime te prokurorise shprehen se gjate verifikimeve qe po behen pas masakres se Durresit qe kushtoi kater jete policesh eshte zbuluar edhe se Dritan Dajti pinte kafe ne kryqytet ne disa lokale te besuara, emrat e te cileve nuk behen publike per arsye hetimi.

SHKB konfirmon se po hetohet mbi indiferencen e policise nese do te verifikohet dijenia e uniformave blu.


Nderkaq pergjigjie po i kerkohet edhe nje pyetje tjeter se perse Njesia e Vezhgimit e specializuar per te patur nen vrojtim te kerkuarin, nderhyri per ta arrestuar ate ne nje kohe qe forcat e specializuara te RENEA-s ishin nisur nga Tirana pikerisht per te kapur Dajtin. Ne castin qe ata jane urdheruar per te nderhyre, RENEA ndodhej ne Maminas, por policia ka verpruar 10 minuta para se te mberrinin specialet.